Numeri 26:53 - AHYERƐLƐ KRONGRON

⁵³ “Ɛhemɔ yeɛ odi kyɛ ɛkyɛ aseɛ ne ma bɛ ɔ, kyɛbɔ bɛ mmenia bɔ baha bɛ ne somaa te ɔ, maa ɔyɛ b’agyapadeɛ.

Numeri 26:53 Iomraidhean Croise

Gyenesise 12:2

Ngɔmaa ɛkɔyɛ maen pirikua, ngoyira wɔ, ná mama wɔ dumaa ahɔ anwuro, amaa ɔnate so ayɛ saleɛ.

Gyenesise 12:7

Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne.

1 Aberɛso Dwirɛ 16:18

bɔ ɔhane ye nwo dwirɛ kyɛ, “Wɔ yeɛ ngɔfa Kanaan aseɛ ne ngɔma wɔ ɔ, kyɛ wɔ bue deɛ bɔ ɔte w’agyapadeɛ ɔ.”

Edwein 105:44

Ɔfale maen maen mɔ b’aseɛ mane Yisraelfoɛ, ɔmane Yisraelfoɛ bɛ sa hane bɔ maen maen nemɔ bafɛ banya ɔ,

Edwein 49:14

Bɛte kyɛ mmoaen, na bɛ mukoraa bewu. Ewue yeɛ odi bɛ nyunu fa bɛ kɔ ɔ; teneneefoɛ koli bɛ so tumi ngyerɛmɔ, na b’anwonyemene kɔsɛkye wɔ ewue kumaa nu; na ɛborɔ yeɛ ɔkɔyɛ b’awuro ɔ.

Hesekiel 47:22

Odi kyɛ ɛmɔfa serewagualɛ so bɛkyɛ maa ɔyɛ ɛmɔ agyapadeɛ, ɛmɔ ne amanvrafoɛ bɔ baatena ɛmɔ nu ná bawowo mmaa bagua ɛmɔ nu ne. Odi kyɛ ɛmɔbu bɛ kyɛ Yisrael mmaa bɔ bɛwole bɛ maen ne anu ne ala. Bɛ ne ɛmɔ yeɛ bekonya agyapadeɛ wɔ Yisrael mmusua kure nu ɔ.

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Numeri 26:52

AWURADE sele Mose kyɛ,

Numeri 26:54

Abusua kure bɔ ɔte piri ne, ma bɛ aseɛ piri; yeɛ abusua kure bɔ ɔte kãa ne koso, ma bɛ aseɛ kaaba. Abusua kure biala aseɛ bɔ okonya ye ne, ye piri gyi nu mmenia bɔ baha bɛ ɔ so.

Numeri 33:54

Na ɛ́mɔfa serewagualɛ so bɛ́hyɛ aseɛ ne kyɛbɔ ɛmɔ mmusua mmusua nemɔ bɛ mbiri si te ɔ. Abusua bɔ ɔte piri ne, odi kyɛ ɛmɔma bɛ aseɛ piri, yeɛ bɔ ɔte kãa ne koso ɛ́mɔma bɛ aseɛ ne kaaba. Nekaa bɔ serewagualɛ ne kɔye kɔma ebiala ne, ma berɛ ɔyɛ ye deɛ. Ebiala konya ye agyapadeɛ wɔ ye nana mɔ abusua kure deɛ nu.

Mateo 5:5

“Anwobrɛaseɛfoɛ banya saleɛ, ofikyɛ bɛ yeɛ bekonya aseɛ ne maa ɔkɔyɛ b’agyapadeɛ ɔ.

Yosua 1:6

Gyina pindinn ná ma w’ahone yɛ se; ofikyɛ aseɛ bɔ ndale ye nwo ndaen ngyirele mmenia hemɔ bɛ nana mɔ kyɛ ngɔfa ngɔma bɛ nen, wɔ yeɛ ekoli mmenia ne nyunu maa bɛkɔɔfa bɛkɔyɛ bɛ deɛ ɔ.

Yosua 11:23

Yiti Yosua ho fale aseɛ ne amukoraa, kyɛbɔ edwirɛ amukoraa bɔ AWURADE ha hyirele Mose te ne. Na Yosua hyehyɛle nu mane Yisraelfoɛ maa ɔyɛle b’agyapadeɛ, na ɔfale abusua kure biala ye bue deɛ mane ye. Na asomdwee wale aseɛ ne aso bɔ koɛ anzi ɔ.

Yosua 14:1

Agyapadeɛ hemɔ yeɛ Yisraelfoɛ nyane ye wɔ Kanaan aseɛ so ɔ. Ɔsɔfo Eleasa, Nun awa Yosua, yeɛ mbanyi bɔ bɛlela mmusua nemɔ noa wɔ Yisrael abusua kure nemɔ anu yeɛ bɛhyɛle aseɛ ne bɛmane Yisraelfoɛ ɔ.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.

Nyekyire 5:10

na ayɛ bɛ ahennie maen ne asɔfo ama yɛ Nyameɛ, na bekoli aseɛ so hene.”