Numeri 26:5 - AHYERƐLƐ KRONGRON

⁵ Ruben, bɔ ɔte Yisrael bamuɛbaa ne. Ruben boso ama mɔ ɛhe: Hanokefoɛ bɔ bɛte Hanoke sasofoɛ; Palufoɛ bɔ bɛte Palu sasofoɛ;

Numeri 26:5 Iomraidhean Croise

Gyenesise 29:32

Lea nwonzɛle, na ɔwole baa bienzua, na ɔtole ye dumaa Ruben. Na ɔhane kyɛ, “AWURADE anwu m’amaneɛ bɔ méfa nu ne ati, kekesaala ye de me hu kohuro me.”

Gyenesise 35:22

Mmerɛ bɔ né Yisrael te sɔ aseɛ ne aso nen, Ruben ne ye baba sómaa Bilha bɛlale, na Yisrael tele sɔ dwirɛ ne. Né Yakob mma mmienzua nemɔ bɛte buru ne nyɔ:

Gyenesise 35:23

Lea mma mmienzua mɔ ɛhe: Ruben (Yakob bamuɛbaa), Simeon, Lewi, Yuda, Yisaka ne Sebulɔn.

1 Aberɛso Dwirɛ 5:1

Yisrael bamuɛbaa Ruben ye boso ama mɔ. (Ye yeɛ né ɔte bamuɛbaa ɔ. Nakoso ɔnate kyɛ ɔfale efiɛ hane ɔse mba ne ati, ye bamuɛbaa dibea ne, bɛfa bɛmane Yisrael awa Yosef ye mma mmienzua mɔ. Ye sɔ ti, bɛkyerɛ aworɛ ndoatoasoɛ ne a, bangyerɛ ye dumaa kyɛ ye yeɛ ɔte bamuɛbaa ɔ.

1 Aberɛso Dwirɛ 5:3

Yisrael bamuɛbaa Ruben mma mmienzua mɔ ole Hanoke, Palu, Hesron ne Karemi.

Ɛksadɔso 6:14

Mbanyi bɔ né bɛlela b’abusua nemɔ noa ɛhe: Yisrael bamuɛbaa Ruben ye mma mɔ: Hanoke, Palu, Hesron ne Karemi. Ruben abusua mɔ ɛne.

Numeri 1:20

Yisrael bamuɛbaa Ruben, ye bosofoɛ, kyɛbɔ b’aworɛ ndoatoasoɛ, bɛ mmusua mmusua, bɛ nana mɔ sasofoɛ, ɔne bɛ dumaa ne ngoko ngoko te ɔ, ɔne mmienzua amukoraa bɔ bali ofi afoɛ aburanyɔ bɔ ɔkɔ ɔ, bɔ bɛkora bɛkɔ koɛ ne, bɛ somaa ɛhe:

Numeri 26:4

“Ɛ́mɔha mmenia ne: ebiala bɔ wali ofi afoɛ aburanyɔ bɔ ɔkɔ ɔ, kyɛbɔ AWURADE hyɛle Mose ne.” Yisraelfoɛ bɔ befili Misraim aseɛ so bɛwale nemɔ ɛhe:

Numeri 26:6

Hesronfoɛ bɔ bɛte Hesron sasofoɛ; yeɛ Karemifoɛ bɔ bɛte Kami sasofoɛ.