Numeri 26:20 - AHYERƐLƐ KRONGRON

²⁰ Yuda boso ama bɛ mmusua mmusua mɔ ɛhe: Hyelafoɛ bɔ bɛte Hyela sasofoɛ; Pɛrɛsefoɛ bɔ bɛte Pɛrɛse sasofoɛ; Serafoɛ bɔ bɛte Sera sasofoɛ.

Numeri 26:20 Iomraidhean Croise

Gyenesise 38:11

Yiti Yuda sele ye sia brasua Tamar kyɛ, “Kɔtena wɔ kuna nu wɔ ɛse awuro kɔpem kyɛ mma Hyela konyi ɔ.” Ofikyɛ né osuro kyɛ annea a, ye koso okowu kyɛbɔ oliɛma nemɔ wuli ne. Yiti Tamar hɔle ɔɔtenane ɔse awuro.

Gyenesise 38:14

ɔyele ye kuna ɛtena ne guale berɛ, na ɔfale ngatanyunu katale ye nyunu, na ɔfale ɛtena kuruli ye nwo ɔɔtenane Enaim tiwaa wɔ Timina atee so. Né wanwu kyɛ Hyela anyi, nakoso bamva Hyela bamma wangya ye.

Gyenesise 38:5

Braa ne sá wole bienzua bieku, na ɔtole ye dumaa Hyela. Ɔwole ye ne, né ɔwɔ kuro bie bɔ bɛfrɛ ye Kesibo so.

Gyenesise 46:12

Yuda mma mɔ: Ɛre, Onan, Hyela, Pɛrɛse ɔne Sera (nakoso Ɛre ne Onan bewuli wɔ Kanaan aseɛ so). Pɛrɛse mma mɔ ole Hesron ne Hamul.

Gyenesise 49:8

Yuda, eliɛma mɔ kɔkamvo wɔ, na ɛkɔfo kɔtena wɔ pɔfoɛ mɔ kɔme so; ɛse amma mmienzua mɔ kɔkoto wɔ.

1 Aberɛso Dwirɛ 4:21

Yuda awa bienzua Sela, ye mma mmienzua mɔ ole Ɛre bɔ ɔwa ole Leka ne, ɔne Laada bɔ ɔwa ole Maresa ne, na ye boso ama ole ɛtenanwonɛfoɛ fekue bɔ bɛwɔ Bete Asebea ne;

1 Aberɛso Dwirɛ 9:4

Yutae bɔ ye baba ole Amihude, bɔ ye baba ole Omri, bɔ ye baba ole Yimri, bɔ ye baba ole Bani, bɔ ɔte Pɛrɛse bɔ ye baba ole Yuda, ye bosoniɛ ne.

1 Aberɛso Dwirɛ 9:5

Na Silonfoɛ nemɔ ɛhe: Asaya bɔ ɔte bamuɛbaa ne ɔne ye mma mmienzua mɔ.

Nehemia 11:24

Na Yuda awa Sera ye boso ama nemɔ, Petahia bɔ ye baba ole Mesesabɛl yeɛ né otu ɛhene ne foɛ wɔ nikyee biala bɔ ɔfa maen ne anwo ɔ.

Nehemia 11:4

Yuda abusua kure ne, yeɛ Benyamin abusua kure ne ne bɛ nu biemɔ tete Yerusalem. Yuda abusua kure ne anu ama nemɔ bɛ ɛhe: Ataya bɔ ye baba ole Yusia bɔ ye baba ole Sakaria bɔ ye baba ole Amaria bɔ ye baba ole Sefatia bɔ ye baba ole Mahalaleel bɔ ɔte Pɛrɛse bosoniɛ ne;

Nehemia 11:6

Pɛrɛse boso ama amukoraa bɔ né bɛtete Yerusalem ne, bɛte koɛhonɛfoɛ ahoneserɛfoɛ ɛyaa nna aburasia ne mmɔtwɛ.

Numeri 26:21

Pɛrɛse boso ama mɔ ole Hesronfoɛ bɔ bɛte Hesron sasofoɛ yeɛ Hamulfoɛ bɔ bɛte Hamul sasofoɛ.

Mateo 1:3

Yuda wole Pɛrɛse ne Sera (bɛ ni ole Tamar), Pɛrɛse wole Hesron, na Hesron wole Ram.

Luka 3:33

bɔ ɔse ole Aminadabo, bɔ ɔse ole Adimin, bɔ ɔse ole Ani, bɔ ɔse ole Hesron, bɔ ɔse ole Pɛrɛse, bɔ ɔse ole Yuda,

Nyekyire 7:5

Yuda abusua kure nu mmenia bɔ bɛfale nzɔanoɛ bɛhyɛle bɛ nzorɛ ne, bɛte apee buru ne nyɔ; Ruben abusua kure nu, apee buru ne nyɔ; Gade abusua kure nu, apee buru ne nyɔ;