Numeri 25:8 - AHYERƐLƐ KRONGRON

⁸ na ɔpole Yisraelniɛ biaa ne wɔ ɛtena sua nu berɛ. Ɔfale pealɛɛ ne wɔle Yisraelniɛ biaa ne ɔne Midianniɛ braa ne bɛ munyɔ bɛ kunu. Na amaneɛ ne fili Yisraelfoɛ so.

Numeri 25:8 Iomraidhean Croise

2 Samuel 21:14

Na besiele Sɔɔlo ne ɔwa Yonatan bɛ mmowue ne wɔ Sɔɔlo baba Kise asieleɛ nu, wɔ Sela, wɔ Benyamin aseɛ so. Bɛyɔle bɔ Nana Dawide ha hyirele bɛ ne amukoraa. Na ye si ye, Nyameɛ tiele aseɛ ne anwo mbaeɛ bɔ bɛbɔle ne.

2 Samuel 24:25

Dawide sili afɔleɛ bokyea mane AWURADE wɔ berɛ, na ɔbɔle naen yeralɛ afɔleɛ ne asomdwee afɔleɛ. Yiti AWURADE gyinane ye sufrɛ ne aso nwuni maen ne anwumvoin, na ɔpraprale ɛhawo ne fili Yisrael.

1 Aberɛso Dwirɛ 21:22

Dawide sele Ɔnan kyɛ, “Nekaa bɔ bɛboro aburoo ne, fa ma me maa nzi afɔleɛ bokyea wɔ berɛ mma AWURADE, amaa ɔnate so waye ɛhawo ne wafi maen ne aso. Maa ndɔ ye kyɛbɔ ye nyɔboɛ te ne ala.”

Malaki 2:5

M’apam ne yɛle ngoa ne asomdwee mane ye, na mva mane ye kyɛ osuro. Osurole me, na me dumaa nwo suronyi tɔle ye so.

Numeri 17:13

Ebiala bɔ okopingye AWURADE nyianu sua ne, okowu. Aso odi kyɛ yɛ mukoraa yɛtotɔ anaa?”

Numeri 25:11

“Me yaa bɔ mvɛle ye wɔ Yisraelfoɛ so ne, Finehase bɔ ɔse ole ɔsɔfo Aarɔn awa Eleasa ne, wama m’ahone atɔ nzue nu. Ofikyɛ watu ye nwo wasie berɛ wagyina me gya nu wahwe bɛ nwo nungunɛ wama me. Ɔnate ye sɔ ti, mangũkũ Yisraelfoɛ mɔ wɔ me nungunɛhwenɛ nu.

Numeri 25:5

Yiti Mose sele Yisrael mbanyi nemɔ kyɛ, “Ɛmɔ anu biala ohuhu ye mmenia bɔ bafa bɛ nwo baawura bosoen Baal Peɔ bo ne.”

Yosua 7:26

Na bɛboaboale nyɔboɛ kure kandinga beguale ye so, bɔ nyɔboɛ kure ne tɛ wɔ berɛ maa waadwu ɛnɛ ɔ. Na AWURADE mane ye ahone tɔle nzue nu. Yiti bɛfrɛ berɛ Akɔre bɔnza maa waadwu ɛnɛ.