Numeri 25:6 - AHYERƐLƐ KRONGRON

⁶ Berɛ ne ala, bɔ begu so besu wɔ ɛtena sua atenaleɛ anoa nu berɛ ne, Yisraelniɛ bienzua bie ɔɔfale Midianniɛ braa bie oowurale ye ɛtena sua nu. Né Mose ne Yisrael maen ne amukoraa bɛ nye tua ye.

Numeri 25:6 Iomraidhean Croise

Gyenesise 37:28

Né Midianfoɛ dwadifoɛ biemɔ bɛbaase. Yosef aliɛma nemɔ yele ye befili abura ne anu, na bɛtɔnene ye ɛdwetɛ kilo ko bɔ bahyɛ nu nnu bɛmane Yismaelfoɛ nemɔ maa bɛfale ye bɛhɔle Misraim.

1 Ahemvo 11:18

Besili nu befili Midian beedwuli Paran. Bɛfale mmenia bɛbokale bɛ nwo so befili Paran beedwuli Misraim hene Faro berɛ wɔ Misraim. Faro mane Hadade nekaa maa ɔtenane. Ɔmane ye ye noa aleɛ daa daa, na ɔmane ye aseɛ koso.

Edwein 94:16

Nwa yeɛ okodwɔso kotia bɔnefoɛ kɔma me ɔ? Nwa yeɛ okodwɔso kogyina kotia amumuyɛɛfoɛ kɔma me ɔ?

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Yeremia 3:3

Yiti nyenyenzue ne ayakyi tɔlɛ, yeɛ bamborɔ ne koso ɔndɔ ko, nakoso wɔ ndo nwiaa te kyɛ gyanderaniɛ deɛ, na ɛnze fɛrelɛ.

Yeremia 36:23

Na sɛ Yehudi kenga edwirɛ ne porɛ nza anaa nna biala a, né ɛhene ne wafa dadeɛba wapɛ berɛ ne wagyi wato nyangaa ne anu see ne anu, kɔpem kyɛ nwomaa ne amukoraa yerale wɔ nyangaa ne anu see ne anu ɔ.

Yeremia 8:12

Akyiwadeɛ nningyein bɔ bɛyɔle ne, aso ɔyɛle bɛ animguaseɛ? Daabi, wanyɛ bɛ nya koraa, bɛ nye ammɔ bɛ dwɛ po. Yiti bɛ koso bɛkɔtotɔ wɔ mmenia bɔ bɛtotɔ nemɔ anu. Mmerɛ bɔ ngɔhwe bɛ so ne, bekowuwu, AWURADE noa dwirɛ ɛne.

Yoel 2:17

Asɔfo nemɔ, bɔ bɛ yeɛ bɛte AWURADE somvoɛ mɔ ne, odi kyɛ besu wɔ abrannaa ne, ɔne afɔleɛ bokyea ne b’afia, ná bɛkã kyɛ, “Ao AWURADE, nwu wɔ maen anwumvoin, nnɛma w’agyapadeɛ yɛ nikyee bɔ bebu ye animtia, maen maen mɔ noa nu ngorohoɛ dwirɛ. Nzu ati yeɛ bɛkekã ye wɔ maen maen mɔ nu kyɛ, ‘Bɛ Nyameɛ ne, ɔwɔ nisua?’ ɔ.”

Numeri 16:47

Yiti Aarɔn fale see kulie ne kyɛbɔ Mose hyɛle ye ne, na ole amirika hɔle mmenia ne afia, bɛ nu nekaa bɔ né amaneɛ piri ne ahyɛ ye bo ne. Ɔyerale ɛyɛɛ ne, na ɔpatale mane maen ne.

Numeri 22:4

Yeɛ Moabo sele Midian mbanyi nemɔ kyɛ, “Ɛlɔen piri he koli nningyein amukoraa bɔ wapɛ yɛ nwo wayia ɔ, kyɛbɔ nandwie di aseɛ so ndire ɔ.” Sɔ mmerɛ ne, né Sipore awa Balake yeɛ ɔte Moabo hene ɔ.

Numeri 31:2

“Tɔ Midianfoɛ so wereɛ ma Yisraelfoɛ; na ɛhe asi ye, ɛkɔtoa wɔ mbanyi mɔ.”

Yuda 1:13

bɛte ɛpo asorɔkye bɔ obu fa so, bɔ opu bɛ bɔbɔ b’animguaseɛ gua ɔ, nzramaa mɔ bɔ bekyinikyini bɔ basiesie awosii kabii bama bɛ ɔ.

Maenbulɛfoɛ 2:4

AWURADE abɔfo ne hane edwirɛ he hyirele Yisraelfoɛ amukoraa yiele nen, besuni hahii.