Numeri 25:4 - AHYERƐLƐ KRONGRON

⁴ Na AWURADE sele Mose kyɛ, “Yeye bɛ bɔ bɛlela mmenia ne noa amukoraa, ná fa nyamaa bɔ bɛ kɔme eyia nu wɔ AWURADE nyunu, amaa ɔnate so AWURADE ayakyi ye yaa piri bɔ wafɛ ye Yisrael so ne.”

Numeri 25:4 Iomraidhean Croise

2 Samuel 21:6

maa bɛfa ye boso ama mmienzua nzoo bewura yɛ sa, ná yɛɛbɔ bɛ kɔme wɔ AWURADE nyunu, wɔ Sɔɔlo bɔ AWURADE neaneane nu yele ye ne ye kuro Gibea.” Na Nana Dawide hane kyɛ, “Ngɔfa bɛ ngɔma ɛmɔ.”

2 Samuel 21:9

na ɔfale bɛ wurale Gibeonfoɛ sa. Na Gibeonfoɛ bɔle mmenia nzoo ne bɛ kɔme wɔ bokaa ne aso wɔ AWURADE nyunu. Mmenia nzoo ne amukoraa, bewu bɛbɔle nu. Ayuo telɛ dwuli ne, bɛhyɛle ye bo kyɛ bɛte ne ala yeɛ behuni bɛ ɔ.

Edwein 106:29

Bɛfale bɛ yɔleɛ bewurale AWURADE apue, na amaneɛ pirikua tole bɛ.

Ɛksadɔso 18:25

Mose neaneane Yisraelfoɛ amukoraati nu yeyele bɛ bɔ bɛfata ɔ, na ɔbɔle bɛ panyi wɔ mmenia ne aso maa bɛlelale mmenia apee apee, ɛyaa ɛyaa, aburannu aburannu ne buru buru noa.

Yona 3:9

Ebie nze, ebiaa Nyameɛ kɔsesã ye adwene ná wayakyi ye yaafɛlɛ piri ne, amaa ɔnate so yɛ boso wannua.”

Numeri 25:11

“Me yaa bɔ mvɛle ye wɔ Yisraelfoɛ so ne, Finehase bɔ ɔse ole ɔsɔfo Aarɔn awa Eleasa ne, wama m’ahone atɔ nzue nu. Ofikyɛ watu ye nwo wasie berɛ wagyina me gya nu wahwe bɛ nwo nungunɛ wama me. Ɔnate ye sɔ ti, mangũkũ Yisraelfoɛ mɔ wɔ me nungunɛhwenɛ nu.

Numeri 25:18

ofikyɛ bɛnate nnakannaka so baha ɛmɔ. Balakalaka ɛmɔ wɔ edwirɛ hemɔ anwo: Baal Peɔ sɔnenɛ nwo, yeɛ b’eliɛma brasua Kosibi bɔ ɔte Midian panyi bie awa ne anwo. Kyẽa bɔ Peɔ sɔnenɛ hwene amaneɛ wale ne yeɛ behuni Kosibi ɔ.”

Deuteronomi 13:11

Na Yisraelfoɛ amukoraati bɛkɔte, bekosuro, na bɛngɔyɔ amumuyɛɛ bɔ ɔte sɔaa ko wɔ ɛmɔ nu.

Deuteronomi 13:13

busuefoɛ biemɔ adwɔso wɔ ɛmɔ nu, na balakalaka kuro ne anu mmenia kyɛ, ‘Ɛ́mɔma yɛɛso nyameɛ foforɛ biemɔ’ (nyameɛ mɔ bɔ ɛmɔnze bɛ a),

Deuteronomi 13:15

ye de ɔsɛ kyɛ ɛfa ngrandɛ kuku kuro ne aso ama. Sɛkye kuro ne bɔkɔɔ, nu nningyein amukoraati, nu mmenia ne nu nyɛmmoa.

Deuteronomi 13:17

Sɔ musue nningyein ne, nnɛfa bie sie, na ɔnate so AWURADE kɔye ye yaafɛlɛ piri ne kofi wɔ so. Okonwu wɔ anwumvoin, na ɔkɔlo wɔ maa ɛkɔta pee, kyɛbɔ ɔtale ndaen hyirele wɔ nana mɔ ne.

Deuteronomi 21:22

“Sɛ ebie di bɔne bie bɔ ɔfata ewue, ná beku ye bɛfa ye besinze bakaa so a,

Deuteronomi 21:23

nnɛyakyi ye fuin ne bakaa ne aso kɔngɔen ne amu. Sie ye sɔ kyẽa ne ala, ofikyɛ sona bɔ basinze ye bakaa so ne, Nyameɛ anoma ye. Yiti aseɛ bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ ne, nnɛfa efiɛ ka ye.

Deuteronomi 4:3

Ɛmɔ bɔbɔ bɛ nye tua bɔ AWURADE yɔle ye wɔ Baal Peɔ ɔ, ofikyɛ ɛmɔ nu mmenia bɔ belili Baal bɔ ɔwɔ Peɔ si ne, AWURADE ɛmɔ Nyameɛ huhuni bɛ fili ɛmɔ nu.

Yosua 22:17

Bɔne bɔ yɛyɔle ye wɔ Peɔ, bɔ ɔbaadwu ɛnɛ ye po yɛnnya yɛppetene yɛ nwo yɛffili ye nwo ne, bɔne bɔ ɔfale amaneɛ pirikua tole AWURADE mmenia so ne, aso ɔte bɔne ba?

Yosua 23:2

Yosua mane Yisraelfoɛ amukoraati, bɛ mbanyi ne bɛ mmusua mbanyi, bɛ ndɛenbualɛfoɛ ne b’atitirefoɛ beyiale, na osele bɛ kyɛ, “Kekesaala ye de, manyi, yeɛ mayɛ aworowaa.