Numeri 25:2 - AHYERƐLƐ KRONGRON

² Moabo mmrasua nemɔ hwehwene Yisraelfoɛ hɔle Moabo mmosoen sɔnenɛ nu. Yisraelfoɛ lili mmosoen so aleɛ ne bie, na bɛkotole bɛ mmosoen nemɔ.

Numeri 25:2 Iomraidhean Croise

1 Ahemvo 19:18

Nakoso ngɔyakyi mmenia apee nzoo maa bekonya bɛ ti bekodidi nu wɔ Yisrael, bɔ bɛ nu biala ɔffale ye nangoroma ɔkkotole Baal le, bɔ ɔffele Baal noa le ɔ.”

Edwein 106:28

Afei bɛfale bɛ nwo bɛɛbɔle bosoen Baal Peɔ, na belili afɔleɛ mɔ bɔ babɔ bama awufoɛ ɔ.

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Ɛksadɔso 22:20

“Sona biala bɔ ɔkɔbɔ afɔleɛ kɔma bosoen, bɔ wammɔ wamma AWURADE ngome twe nen, ɔsɛ kyɛ beku ye korakorakorakora.

Ɛksadɔso 23:24

Nnɛbɔ wɔ ti ase ma bɛ mmosoen nemɔ, nnɛsɔne bɛ, yeɛ nnɛyɔ bɛ yɔleɛ ne bie. Na mmom sɛkyesɛkye bɛ bosoen nemɔ bɔkɔɔ, ná bubu bɛ bonima nemɔ nu gɔsɔgɔsɔ.

Ɛksadɔso 32:6

Bedwɔsole alebahyene bɛbɔle naen yeralɛ afɔleɛ ne asomdwee afɔleɛ. Mmenia ne tenane ase bedidili bɛnone, na bedwɔsole begole.

Yeremia 40:11

Sɔ ala koso, mmerɛ bɔ Yudafoɛ amukoraa bɔ né bɛwɔ Moabo ne Amonfoɛ nemɔ anu, ne Edom ne maen amukoraa so ne, bɛtele kyɛ Babilɔn hene wayakyi mmenia ne kãa wɔ Yuda, ná wafa Gedalia bɔ ye baba ole Ahikam, bɔ ye baba ole Safan ne wali bɛ so safohene nen,

Hosea 9:10

Nwuni Yisrael kyɛ ɛserɛ so bobe mma. Nwuni ɛmɔ nana mɔ kyɛ bobe mma bɔ wali moa wasu wɔ ye sulɛ mmerɛ bɔ oli moa nu ɔ. Nakoso bedwuli Baal Peɔ nen, beguale bɛ nwo fiɛ bɛbɔle nyanzoen bra, na bɛ bɔbɔ bɛkakyili akyiwadeɛ te kyɛ nningyein bɔ né bekuro ne ala.

Mika 6:5

Ao me maen, kaye porɛ bɔ Moabo hene Balake bɔle ɔ, ɔne mmuayɛɛ bɔ Beɔ awa Balaam ɔfa mane ye, ofi Sitim bɔ ɔkwaadwu Gilgal ɔ, amaa ɔnate so anwu AWURADE tenenee ne.”

1 Korintofoɛ 10:20

Mekyire kyɛ aleɛ bɔ bosoensolɛfoɛ bɛfa bɛbɔ afɔleɛ ne, bɛfa bɛma sunzummɔne mɔ, na bɛmva bɛmma Nyameɛ; yiti menguro kyɛ ɛmɔ ne sunzummɔne mɔ kɔbɔ afɛ ɔ.

Deuteronomi 32:38

nyameɛ mɔ bɔ belili b’afɔleɛ so loe, ná bɛnone b’anonneɛ afɔleɛ nzaa nen? Ɛ́mɔma bedwɔso bɛɛboka ɛmɔ e! Ɛ́mɔma bɛ́bɔ ɛmɔ nwo waen e!

Yosua 22:17

Bɔne bɔ yɛyɔle ye wɔ Peɔ, bɔ ɔbaadwu ɛnɛ ye po yɛnnya yɛppetene yɛ nwo yɛffili ye nwo ne, bɔne bɔ ɔfale amaneɛ pirikua tole AWURADE mmenia so ne, aso ɔte bɔne ba?

Yosua 23:16

AWURADE ɛmɔ Nyameɛ apam bɔ ɔhyehyɛ mane ɛmɔ ne, sɛ ɛmɔbu so, ná ɛmɔkɔso nyameɛ foforɛ biemɔ, ná ɛmɔkoto bɛ a, ye de AWURADE kɔfɛ ɛmɔ so yaa piri paa, na ɛmɔkowuwu ndɛndɛ bekofi aseɛ paa bɔ wafa wama ɛmɔ ne aso.”

Yosua 23:7

amaa ɛmɔamva ɛmɔ nwo bammɔ maen maen mɔ bɔ baha wɔ ɛmɔ nwo wa ye, amaa ɛmɔammɔ bɛ nyameɛ nemɔ dumaa, amaa ɛmɔamva bɛ banda ndaen, amaa ɛmɔanzo bɛ, ná ɛmɔangoto bɛ.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.