Numeri 24:9 - AHYERƐLƐ KRONGRON

⁹ Okunduni, na obutu berɛ kyɛ gyata, ɔte kyɛ gyata beleɛ; nwa yeɛ okotingye ye ɔ? Ebiala bɔ okoyira wɔ ne, Nyameɛ koyira ye, yeɛ ebiala bɔ ɔkɔnoma wɔ ne, Nyameɛ kɔnoma ye.”

Numeri 24:9 Iomraidhean Croise

Gyenesise 12:3

Ngoyira bɛ bɔ beyira wɔ, na ebiala bɔ ɔnoma wɔ ne, me koso ngɔnoma ye; na ɔnate wɔ so yeɛ aseɛ so mmusua amukoraa bekonya saleɛ ɔ.”

Gyenesise 27:29

Ɔ́ma mmenia so wɔ, na maen maen bɛkoto wɔ. Ɔ́ma ɛyɛ eliɛma mɔ so meneɛ, Na eni amma mɔ bɛkoto wɔ. Bɛkɔnoma ebiala bɔ ɔkɔnoma wɔ ɔ, Na saleɛ yɛ ebiala bɔ okoyira wɔ ɔ deɛ!”

Gyenesise 49:9

Yuda te gyata akrɔngrɔma, bɔ eku ngaka di ná esa bada wɔ boso ɔ. Okunduni, na obutuli berɛ kyɛ gyata, ɔte kyɛ gyata beleɛ; nwa yeɛ onzuro bɔ okotingye ye ɔ?

1 Ahemvo 10:20

Ɔyɔle gyata buru ne nyɔ. Atweleɛ ndiasoɛ nzia ne, ko biala, né gyata ko gyi ye bɛen, yeɛ ko wora gyi ye famaa so. Sɔ bia ne, né bɛyyɔle ye sɛso wɔ ahennie biala anu le.

2 Aberɛso Dwirɛ 9:18

Ahennie bia ne, né ole atweleɛ nzia ɔne esikaa kɔkorɛ ndiasoɛ bɔ bayɔ babata bia ne ɔ. Bia ne, ye ngyɛnu ne ye ngyɛnu ne, né ole nekaa bɔ bɛfa bɛ sa bɛto ɔ. Bayɔ gyata buru ne nyɔ bɔ nzia wɔ nekaa bɔ bɛfa bɛ sa bɛto ne biala ɔ.

Ɛseta 6:13

Edwirɛ bɔ wato Haman ne, ɔfale ye mukoraa bɔle ɔye Sɛrese ne ye damvo nemɔ amukoraa amaneɛ. Na ye foɛtulɛfoɛ nemɔ ne ɔye Sɛrese besele ye kyɛ, “Modekae bɔ ahyɛ ye bo agua wɔ nyunu ase wɔ ye nyunu ne, sɛ ɔte Yudaniɛ de a, ye de ɛngɔhora ye nyunu gyina, ekoli ngoguo wɔ ye nyunu.”

YOB NWOMAA NE 41:10

Ebiala nne berɛ bɔ ɔkɔhora kosi ye ahone kɔɔgyegye ye ɔ. Né nzaade, nwa yeɛ ɔkɔhora kogyina me nyunu ɔ?

Edwein 122:6

Ɛ́mɔbɔ mbaeɛ kyɛ Yerusalem onya asomdwee: “Bɛ bɔ bekuro wɔ dwirɛ ne, mesrɛ kyɛ oyie bɛ yé.

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Ɛksadɔso 23:22

Na sɛ ɛyɛ asoɛ ma ye, ná ɛyɔ bɔ mekã mekyire wɔ amukoraa a, ye de ngɔyɛ pɔfoɛ ngɔma wɔ pɔfoɛ mɔ, ná maho matia bɛ bɔ bɛko betia wɔ ɔ.

Yesaya 31:4

Ofikyɛ AWURADE sele me kyɛ: Kyɛbɔ gyata anaa gyata akrɔngrɔma ɔyɛ ye komvi hoohoo gua naen bɔ wahye ye ɔ so, bɔ mmoaenneafoɛ kure bɛba ye so a onzuro kyɛ bɛteatea nu begua ye so, anaakyɛ ɔndɛ b’anwunanwuna ne aso ne, sɔ ala yeɛ Asafo AWURADE kodwu kɔwa kɔɔho koɛ wɔ Sion bokaa ne ye pambaa ne aso ɔ.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Numeri 22:12

Na Nyameɛ sele Balaam kyɛ, “Nnɛne bɛ kɔ; nnɛnoma mmenia nemɔ, ofikyɛ mayira bɛ.”

Numeri 22:6

Bra kekesaala ye ná baanoma mmenia ye mɔ ma me, ofikyɛ bɛ nwo yɛ se tra me. Ebiaa né mali bɛ so ngonim ná mafoa bɛ mafi aseɛ ye aso. Ofikyɛ mese kyɛ ebiala bɔ ekoyira ye ne, okonya saleɛ, na ebiala bɔ ɛkɔnoma ye ne, musue kɔto ye.”

Numeri 23:24

Tie, Yisrael te maen bɔ odwɔso kyɛ gyata beleɛ, na ɔpagya ye nwo kyɛ gyata nyii! Ommutu berɛ, sana wali naen bɔ wahye ye ɔ, sana wano kaka bɔ wahũ ye ɔ, ye mogya.”

Numeri 24:10

Yeɛ Balake fɛle Balaam so yaa hahii. Ɔfale ye sa fini ye bɔbɔ ye sa nu, na osele Balaam kyɛ, “Ndole me sa mvrɛle wɔ kyɛ baanoma me pɔfoɛ mɔ; nakoso ayira bɛ pɛen nza mmom.

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Mateo 25:45

Na okobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔanyɔ bamma ɛhemɔ nu kaaba ko po ne, me yeɛ ɛmɔanyɔ bamma me ɔ.’

Asomafoɛ 9:5

Na obuale kyɛ, “Wɔ nwa ɛne, Awurade?” Na osele kyɛ, “Me ole Yesu bɔ ɛtane ye nye ne, [ɔyɛ se kyɛ ekotu wɔ gya kɔfa kɔwɔ nandwiehanɛniɛ ye pɔmaa noa buralɛ ɔ],

Deuteronomi 30:7

Na wɔ pɔfoɛ mɔ ne bɛ bɔ bekyi wɔ, bɔ bɛtanene wɔ nye ne, AWURADE wɔ Nyameɛ kɔprapra musue he amukoraati kogua bɛ so.