Numeri 24:8 - AHYERƐLƐ KRONGRON

⁸ Nyameɛ bɔ ɔyele Yisrael fili Misraim ne, ye anwoserɛ te kyɛ torɔen mmɛen ma ye. Ɔkɔsɛkye maen maen bɔ bɛte ye pɔfoɛ ɔ, ná wabubu bɛ mmowue nu. Ɔkɔto ye agyaen kɔwowɔ bɛ.

Numeri 24:8 Iomraidhean Croise

Edwein 2:9

Ɛkɔfa buralɛ pɔmaa kobubu bɛ, ná anyoko bɛ kyɛ ngukuenwonɛniɛ ye bua.”

Edwein 21:12

Ofikyɛ ɛkɔfoa bɛ maa bɛkɔnwati; ɛkɔfa w’agyaen ne kohyire bɛ so.

Edwein 45:5

W’agyaen nemɔ noa yɛ nna, besinasina nana pɔfoɛ mɔ b’ahone nu; maen maen mɔ tete gua wɔ gya bo.

Edwein 45:6

“O Nyameɛ, w’ahennie bia wɔ berɛ afebɔɔ! W’ahennie hɔtɔ ne, ɔte pɛpɛɛpɛyɛlɛ hɔtɔ.

Ɛksadɔso 23:22

Na sɛ ɛyɛ asoɛ ma ye, ná ɛyɔ bɔ mekã mekyire wɔ amukoraa a, ye de ngɔyɛ pɔfoɛ ngɔma wɔ pɔfoɛ mɔ, ná maho matia bɛ bɔ bɛko betia wɔ ɔ.

Yesaya 38:13

Mesu mepena mmokalɛ alaa kodwu ngyerɛmɔ; obubu me mmowue mukoraa nu kyɛ gyata; ɛma me ngoa ohi fi alehyeleɛ kodwu alesaleɛ.

Yeremia 50:17

Yisrael te mmoaen kure bɔ babɔ ye basande ɔ; gyata mɔ afoa ye maa wanwati wahɔ. Bɔ oli moa ɔ, Asiria hene ahu ye, na bɔ ɔpɛ ye bo ɔ, Babilɔn hene Nebukadenesa abubu ye mmowue nu.

Yeremia 50:9

Ofikyɛ, tie, mebaakanyane maen maen mbiri mbiri fekue bɔ befi sorɔ dɔ maa bedwɔso bɛfa koɛ bɛbatoa Babilɔn. Bekotu bɛ nye bekosie ye so, na berɛ yeɛ bɛkɔɔfa ye bekofi bɛkɔhɔ ɔ. B’agyaen mɔ te kyɛ koɛhonɛniɛ bɔ ye nye gyene, bɔ ɔndo mvo ɔ.

Daniel 6:24

Yeɛ ɛhene ne hyɛle maa bɛɛfale mmenia bɔ bɛbɔle Daniel kwaadu ne bɛwale, na ɔmaa beegyili bɛ beguale gyata mɔ bɛ tuin ne anu, bɛ ne bɛ mma ne bɛ ye mɔ; na bandwu tuin ne abo dɔ po yeɛ gyata nemɔ hyele bɛ ɔ, na bɛgorɔgorɔle bɛ mmowue mukoraa nu pasapasa.

Numeri 14:9

Mmom, nnɛma ɛmɔdwɔso betia AWURADE, yeɛ nnɛma ɛmɔsuro aseɛ ne aso ama, ofikyɛ bɛte yɛ sa nu ngwadaa koraa. AWURADE bɔ ɔbɔ bɛ nwo waen ne, waye ye sa wafi bɛ bo, nakoso yɛ de, AWURADE gyi yɛ si; nnɛma ɛmɔsuro bɛ.”

Numeri 21:5

Yisraelfoɛ dwudwole tiale Nyameɛ ne Mose kyɛ, “Nzu ati yeɛ ɛmɔaye yɛ bafi Misraim aseɛ so kyɛ yɛɛwuwu wɔ ɛserɛ ye aso ye? Ofikyɛ aleɛ ne nzue nne wa, na sɔ aleɛ tɛɛtɛɛ he abɔ yɛ.”

Numeri 23:22

Nyameɛ bɔ ɔyele bɛ fili Misraim ne, ye anwoserɛ te kyɛ torɔen mmɛen ma bɛ.

Numeri 23:24

Tie, Yisrael te maen bɔ odwɔso kyɛ gyata beleɛ, na ɔpagya ye nwo kyɛ gyata nyii! Ommutu berɛ, sana wali naen bɔ wahye ye ɔ, sana wano kaka bɔ wahũ ye ɔ, ye mogya.”

Mateo 2:15

Ɔtenane dɔ maa oodwuli kyɛ ɛhene Herode wuli ɔ. Na ɛhe mane bɔ Awurade nate ngɔmhyɛlɛniɛ ne so hane ne wale nu kyɛ, “Mafrɛ mma bienzua mafi Misraim.”

Deuteronomi 32:23

“ ‘Ngɔprapra musue ngogua bɛ so, ngɔto m’agyaen maa ɔkɔhɔ bɛ so.

Deuteronomi 32:42

Ngɔma m’agyaen kɔno mogya kɔbo, na me ngrandɛ koli naen: bɛ bɔ bawuwu ne bɛ bɔ bahye bɛ nnure mogya, ɔne pɔfoɛ mɔ bɔ bɛ ti nwiaa afu agua bɛ nwo ɔ.’

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Yosua 2:10

Ofikyɛ, yate kyɛbɔ AWURADE mane Ɛpo Kɔkorɛ nu nzue wewele wɔ ɛmɔ nyunu, wɔ mmerɛ bɔ né ɛmɔfi Misraim bɛ́ba ne, ɔne nikyee bɔ ɛmɔfa bɛyɔle Amorifoɛ ahemvo nyɔ nemɔ: Sihon ne Ogo, bɔ bɛwɔ asue Yɔɔdan si dɔ ne, kyɛbɔ ɛmɔhuhuni bɛ bɔkɔɔ ne.