Numeri 24:7 - AHYERƐLƐ KRONGRON

⁷ Nzue kofi ye bua nu kɔtengyɛ, na ye boso ama konya nzue pee, ye hene kɔyɛ titire kɔtra Agage, na ye ahennie konya ngɔsoɛ.

Numeri 24:7 Iomraidhean Croise

2 Samuel 5:12

Afei Dawide nwuni ye kyɛ AWURADE afa ye asi Yisrael so hene, na ɔnate AWURADE maen Yisrael ti, AWURADE apagya ye Dawide ahennie ne.

1 Ahemvo 4:21

Né Solomon di hene wɔ ahennie amukoraa so, fi asue Yufreti kɔka Filistifoɛ aseɛ noa, maa ɔkɔ alaa kodwu Misraim wɛen so. Betuale toɔ bɛmane Solomon, na bɛsole ye mmerɛ bɔ ɔte ase amukoraa.

1 Ahemvo 5:1

Tiro hene Hiram tele kyɛ bapopa Solomon ngoo maa wali ye baba bia. Na ɔsomane ye somvoɛ mɔ wɔ Solomon berɛ, ofikyɛ né Hiram te Dawide obiɛngo fi tete.

1 Aberɛso Dwirɛ 14:2

Afei Dawide nwuni ye kyɛ AWURADE afa ye asi Yisrael so hene, na ɔnate AWURADE maen Yisrael ti, AWURADE ama ye, Dawide ahennie atindim.

Ɛsra 4:20

Ahemvo atitire lili Yerusalem so, bɔ b’ahennie ne ɔtrɛ hɔle asue Yufreti si dɔ mbɔtam ne aso amukoraa ɔ. Na mmenia tuale ɛtoɔ, ndɔ, ɔne aseɛ nwo toɔ bɛmane ahemvo nemɔ.

Ɛseta 3:1

Nziɛ ye, Nana Ahasuro bɔle Agaginiɛ Hamedata ɔwa Haman aba so. Ɔbɔle ye panyi, na ɔpagyale ye dibea maa ɔtrale ye mmango mbanyi ne amukoraa.

Edwein 18:43

Mmenia bɔ bɛyɔle me nwo lɔen ne, ɛpepɛ lele me fili bɛ sa nu. Ɛfale me tuale maen maen mɔ noa, na mmenia bɔ né menze bɛ ɔ bɛsole me.

Edwein 68:26

“Ɛ́mɔhyɛ Nyameɛ animnyam wɔ badwa kandinga ne anu, ɛmɔ bɔ Yisrael suli ɛmɔ ne, ɛ́mɔhyɛ AWURADE animnyam!”

Edwein 72:11

Maa ahemvo amukoraa bɛkoto wɔ ye nyunu, ná maen maen amukoraa bɛso ye.

Edwein 89:27

Ngɔfa ye ngɔyɛ me bamuɛbaa, aseɛ so ahemvo amukoraa bɛ nu titire paa.

Yesaya 2:2

Na ɔkɔwa kyɛ, mmerɛ bɔ oli nziɛ ne, bokaa bɔ AWURADE awuro ne gyi so ne, ye bo kotimu maa ɔkɔware kɔtra bokaa biala, ɔkɔyɛ tendenn kɔtra pambaa biala, na maen maen mukoraa bekobiri bɛkɔwa so.

Yesaya 30:25

Na mmenia hunɛ kyẽa piri ne, bɔ abandenden mɔ kobubu kogua ne, asue mɔ ne asue ba mɔ bɛkɔtengyɛ wɔ bokaa tendenn biala ne pambaa tendenn biala so.

Yesaya 48:1

O Yakob boso ama, ɛ́mɔtie dwirɛ he, ɛmɔ bɔ bɛfa Yisrael dumaa bɛfrɛ ɛmɔ ɔ, bɔ ɛmɔte Yuda bosofoɛ, bɔ ɛmɔfa AWURADE dumaa bɛta ndaen, bɔ ɛmɔbɔ Yisrael Nyameɛ dumaa, nakoso ɛmɔnyɔ sɔ nahorɛ ne tenenee nu ɔ.

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Yeremia 51:13

Ao, wɔ bɔ ɛte asue pee noa, bɔ anwonyadeɛ abu wɔ so ɔ, w’ayieleɛ awa, na wɔ ngoa nyamaa nu ate.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Numeri 24:20

Afei Balaam tole ye nye neane Amalɛke, na ɔhyɛle ngɔm kyɛ, “Amalɛke yeɛ odi mu paa wɔ maen maen mɔ nu ɔ, nakoso ye ayieleɛ ole kyɛ ɔkɔbɔ koraa.”

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 17:1

Afei abɔfo nzoo bɔ betiratira kulie nzoo ne, bɛ nu ko wale me berɛ oosele me kyɛ, “Bra ma ngyire wɔ ndɛenbualɛ bɔ bafa babua adwamanbɔlɛniɛ pirikua bɔ ɔte nzue pee so ne ɔ.

Nyekyire 17:15

Na osele me kyɛ, “Nzue mɔ bɔ enwuni bɛ, bɔ adwamanbɔlɛniɛ ne ɔte so ne, bɛte mmenia, ɛlɔen, maen maen ne edwudwolɛ mɔ.

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”