Numeri 24:6 - AHYERƐLƐ KRONGRON

⁶ Bɛte kyɛ bɔnza bɔ ɔtrɛ kɔ dede ɔ, bɛte kyɛ asue noa turo mɔ, bɛte kyɛ pɛprɛ mmakaa bɔ AWURADE alua ɔ, bɛte kyɛ sida mmakaa bɔ begyigyi asue noa ɔ.

Numeri 24:6 Iomraidhean Croise

Gyenesise 13:10

Lɔto totole ye nye neane Yɔɔdan noa aseɛ frɛtɛɛ ne amukoraa, bɔ ɔkɔ Soa bue nu dɔ ne, na onwuni kyɛ nzue doadoa ye nekaa biala te kyɛ AWURADE turo ne, kyɛ Misraim aseɛ. Ɛhe sili koraka yeɛ AWURADE baasɛkye Sodom ne Gomora ɔ.

Edwein 1:3

Ɔte kyɛ bakaa bɔ balua ye asue noa, bɔ osu ye mma wɔ mmerɛ bɔ odi kyɛ osu ɔ nu, bɔ ye nyaa ɔngese ɔ. Nikyee bɔ ɔyɔ biala, oyie ye yé.

Edwein 104:16

AWURADE guagua ye mmakaa so nzue pee paa, Lebanon sida bɔ olualuale ne.

Edwein 45:8

Korobo, pɛprɛ ne kandanguru ma wɔ tena nu bo fona. Ahemvie bɔ bafa ɛsoen gye baboro ye nwo ne, nu yeɛ bɛbɔ dwein bɛgyegye wɔ nye ɔ.

Edwein Nu Dwein 6:11

Ndwu ngɔle kube turo ne anu, kyɛ mekwaanea bɔnza ne anu mmakaa frɔmfrɔm nemɔ, kyɛ mekwaanea sɛ bobe nemɔ bafefɛ a, kyɛ mekwaanea sɛ akengaa nemɔ babɔ nyerɛen a.

Yesaya 41:19

Ngolua sida, bɔsema, sesea ne olive mmakaa wɔ ɛserɛ so, ngɔma ɛframmire, pataboɛ ne dɔma kɔbɔ nu kogyina aseɛ wosee so,

Yesaya 58:11

AWURADE kɔyɛ wɔ taataa daa biala, ɔkɔma wɔ kra ko koyi wɔ aseɛ katerepee so, ɔkɔma w’aporɛ nu kɔyɛ se, ɛkɔyɛ kyɛ turo bɔ mmerɛ biala nzue doadoa nu ɔ, kyɛ mbombonzue bɔ ɔnwewe ɔ.

Yeremia 17:18

Bɛ bɔ bɛtane me nye ne, ma bɛ nyunu ogua ase, nakoso me de, nnɛma me nyunu gua ase; ma ahunundetelɛ tɔ bɛ so, nakoso me de, nnɛma ahunundetelɛ tɔ me so; ma musue kyẽa ne ɔto bɛ, ná bubu bɛ nu gyeingyein!

Yeremia 31:12

Yiti bɛkɔwa bɛkɔɔto dwein wɔ Sion bokaa ne ti afia, na bɛ nye kɔgye, ɔnate AWURADE paayɛlɛ ne ati, ɔne aleɛ, nzaa ne ngoo ne ati, yeɛ mmoaen akrɔngrɔma mɔ ne nandwie akrɔngrɔma mɔ ti. B’asetena nu kɔyɛ kyɛ eboo bɔ onya nzue ɔ, na bɛ wora ngɔbɔ ko koraa.

Hesekiel 47:12

Mmakaa ahoroɔ amukoraa bɔ bedi ɔ kofifi asue ne noa, wɔ ye bue nyɔ ne. Bɛ nyaa ngɔkese, yeɛ mmaa ngɔpa so. Bosome biala bekosu mmaa foforɛ, ofikyɛ nzue bɔ benya ye ne ofi nekaa krongron berɛ. Bekoli bɛ mma ne, né bafa bɛ nyaa koso bayɛ ayire.”

Yoel 3:18

“Na sɔ kyẽa ne, mmokaa nemɔ kɔpepe nzaa monɛ, nyɔfonesue kɔtengyɛ wɔ pambaa nemɔ aso, nzue kɔtengyɛ wɔ Yuda asue amukoraa nu, na asue ti kofite wɔ AWURADE awuro ne anu kɔɔloaloa Sitim bɔnza ne anu.

Numeri 24:5

O Yakob, wɔ ɛtena sua mɔ yɛ nyemene, O Yisrael, w’atenaleɛ mɔ yɛ nyemene!