Numeri 24:4 - AHYERƐLƐ KRONGRON

⁴ sona bɔ ɔte Nyameɛ dwudwolɛ ne, ye ngɔmhyɛlɛ, bɔ onwu Ɛdangama ye nyekyire ne, bɔ ɔkata ye nye po a, ye nye nwu nikyee ne.

Numeri 24:4 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

Gyenesise 15:12

Na eyia yɛle kyɛ ɔkwaatɔ nen, nnafelɛ hatee wuale Abram, na awosii tunn suronyisuronyi tole ye.

1 Ahemvo 22:17

Yeɛ Mikaya sele kyɛ, “Nwuni kyɛ Yisrael amukoraa babɔ aya wɔ mmokaa nemɔ aso kyɛ mmoaen bɔ belle neafoɛ ɔ; na AWURADE hane kyɛ, ‘Mmenia hemɔ, belle meneɛ. Ma ebiala ɔhɔ ye awuro asomdwee nu.’ ”

Edwein 89:19

Mmerɛ bie, ɛnate nyekyire so dwudwo hyirele wɔ nahorɛniɛ ne kyɛ, “Mafa mmokalɛ mama ebie bɔ ye nwo yɛ se ɔ, na sona bɔ maneanea maen ne anu maye ye ne, mapagya ye.

Hesekiel 1:28

Na kyɛbɔ nyangondoen bɔ ɔwɔ munungum nu, wɔ kyẽa bɔ esue tɔ ɔ osi te ne, sɔ ala yeɛ ye nwo bɔ né wata hyireinn wabra wayia ne, ɔte ɔ. Ye sɛso ne, osoma AWURADE animnyam ne. Na nwuni ye ne, mvale me nyunu mmutuli berɛ, na ndele bɔ odwudwo ne komvi.

Numeri 12:6

Na AWURADE sele kyɛ, “Ɛ́mɔtie edwirɛ bɔ meka ye: Sɛ ngɔmhyɛlɛniɛ bie wɔ ɛmɔ nu a, me AWURADE yeɛ mefa nyekyire nu meye me nwo ali mekyire ye ɔ; medwudwo mekyire ye wɔ laleɛ nu.

Numeri 22:20

Sɔ kɔngɔen ne, Nyameɛ wale Balaam berɛ oosele ye kyɛ, “Sɛ biaa nemɔ bawa baato bɛ sa bafrɛ wɔ a, dwɔso na ɛne bɛ hɔ; na mmom bɔ ngɔhã ngohyire wɔ ne ala yeɛ yɔ ɔ.”

Numeri 22:31

Yeɛ AWURADE bukyele Balaam nye, na onwuni kyɛ AWURADE abɔfo ne gyi atee ne anu, bɔ wahwe ye ngrandɛ ɔ. Balaam bɔle ye nu ase fale ye nyunu butuli ase.

Numeri 24:15

Afei Balaam hyɛle ngɔm kyɛ, Beɔ awa Balaam ye ngɔmhyɛlɛ, sona bɔ ɔse ase ne, ye ngɔmhyɛlɛ,

Numeri 24:5

O Yakob, wɔ ɛtena sua mɔ yɛ nyemene, O Yisrael, w’atenaleɛ mɔ yɛ nyemene!

Asomafoɛ 10:10

Ɛhɔen huni ye bɔ né ɔpena nikyee kã ye noa ɔ; na begu so bɔ bɛto aleɛ ne nen, ngɔle nyekyire tebea nu.

Asomafoɛ 10:19

Na Petro gu so ɔdwenedwene nyekyire ne nwo nen, Sunzum ne sele ye kyɛ, “Nea, mmenia nza bie bɛpena wɔ.

Asomafoɛ 22:17

“Na ɔwale kyɛ nza male Yerusalem ná mebɔ mbaeɛ wɔ asɔneyɛɛ sua nu ne, ngɔle nyekyire tebea nu.

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,

Nyekyire 1:17

Na mmerɛ bɔ nwuni ye ne, nde ndɔle ye gya bo kyɛ ebie bɔ wawu ɔ, nakoso ɔfale ye sa famaa tole me so sele me kyɛ, “Nnɛsuro! Me ole Ahyɛaseɛ ne Ayieleɛ ne,

1 Samuel 19:24

Ye koso opuropurole ye ndaadeɛ, na ɔhyɛle ngɔm wɔ Samuel nyunu berɛ. Na ɔfale ye nwo tole so lale berɛ sɔ kyẽa ne, eyia ne kɔngɔen amukoraa. Yiti ɔɔyɛle edwirɛ bie bɔ ɔla berɛ kyɛ, “Sɔɔlo koso boka ngɔmhyɛlɛfoɛ nemɔ so hɔ ɔ?”