Numeri 24:17 - AHYERƐLƐ KRONGRON

¹⁷ Bɔ menwu ye mefa ye nwo ne, nna kekesaala ye yeɛ ɔkɔwa nu ɔ; bɔ me nye tua fa ye nwo ne, ongosi kekesaala ye. Nzramaa bie kofi Yakob nu kofite, na ɛhɔtɔ bie kofi Yisrael nu kodwɔso. Okoli Moabo mbanyi so ngonim, ná wabrɛ Sɛti boso ama amukoraa ase.

Numeri 24:17 Iomraidhean Croise

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

2 Samuel 8:14

Ɔmane ye koɛhonɛfoɛ bɛɛkyekyele asikyeleɛ wɔ Edom. Bɛkyekyele ye wɔ Edom amukoraa, na Edomfoɛ amukoraa bɛɛyɛle Dawide ngoaa. Na AWURADE mane Dawide lili ngonim wɔ koɛ biala bɔ ɔhone ɔ nu.

2 Samuel 8:2

Dawide lili Moabofoɛ koso so ngonim. Ɔmaa bɛlelale aseɛnwo berɛ fekue fekue nza. Ohuni fekue nyɔ, na ɔmane fekue ko nyane ye ti didili nu. Yiti Moabofoɛ bɛɛyɛle Dawide ngoaa bɔ né betua ɛtoɔ bɛma ye ɔ.

2 Ahemvo 3:5

Nakoso Ahabo wuli ne, Moabo hene yɛle Yisrael hene nwo lɔen.

1 Aberɛso Dwirɛ 18:2

Dawide fale koɛ ɔɔtoale Moabo koso lili bɛ so ngonim, na Moabofoɛ bɛɛyɛle ye ngoaa betuale ɛtoɔ bɛmane ye.

Edwein 110:2

Wɔ tumi hɔtɔ ne, AWURADE kɔtengyɛ kofi Sion. Di hene wɔ wɔ pɔfoɛ mɔ b’afia.

Edwein 45:6

“O Nyameɛ, w’ahennie bia wɔ berɛ afebɔɔ! W’ahennie hɔtɔ ne, ɔte pɛpɛɛpɛyɛlɛ hɔtɔ.

Yesaya 15:1

Moabo nwo nyekyire. Kɔngɔen komapɛ yeɛ bɛsɛkyele Are kuro ne ɔ, yiti Moabo abɔ ayɛ kurofoen; Kɔngɔen komapɛ yeɛ bɛsɛkyele Kire kuro ne ɔ, yiti Moabo abɔ ayɛ kurofoen.

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Yeremia 48:1

Bɔ Asafo AWURADE, Yisrael Nyameɛ kã fa Moabo nwo ɛhe: Nebo, wɔ yaakɔ oo! Ofikyɛ wabɔ! Kiriatim nyunu agua ase, na bahye ye bahɔ, anwoserɛ afealeɛ ne nyunu agua ase, na badwiri bagua.

Yeremia 48:45

“Bɛ bɔ bɛnwatili ne, bɛɛbɔle bɛ nwo adwaa wɔ Hesebon fɔnwoo nu, ɔnate b’anwoserɛ bɔ wayie ne ati. Nakoso see kofi Hesebon kɔwa, na see bɔ ogye kofi Sihon kɔwa kɔɔyera Moabo ye nwoma so, ɔne basabasayɔlɛfoɛ bɛ ti afia.

Sakaria 10:4

Ye nu yeɛ ndweasoɛ nyɔboɛ ne kofi ɔ, ye nu yeɛ pɛmbɛen ne kofi ɔ, ye nu yeɛ koɛhonɛ agyaen ne kofi ɔ, ye nu yeɛ maenbulɛniɛ biala kofi ɔ.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Numeri 21:29

Moabo, wɔ yaakɔ! Mmenia bɔ bɛso bosoen Kemose, ɛmɔ boso anua! Wama ye mma mmienzua ayɛ akobɔfoɛ, yeɛ wayakyi ye mma mmrasua mɔ wama Amori hene Sihon wahye bɛ nnure.

Numeri 24:16

sona bɔ ɔte Nyameɛ dwudwolɛ ne, ye ngɔmhyɛlɛ, sona bɔ ole Anwuro Anwuro Nyameɛ nwo nimdeɛ, ná onwu Tuminiɛ Nyameɛ ye nyekyire, sona bɔ ɔkata ye nye po a, ye nye nwu nikyee ne, ye ngɔmhyɛlɛ:

Luka 1:78

ɔnate yɛ Nyameɛ anwumvoinnwunɛ bɔ ɔma ye kunu tete ye ne anu. Na ye sɔ ati yeɛ alehyeleɛ bɔ ofi anwuro ɔ wapukye wɔ yɛ so ye,

Hebrifoɛ 1:8

Nakoso Ɔwa ne de, bɔ ɔha fale ye nwo ɛhe: “O Nyameɛ, w’ahennie bia wɔ berɛ afebɔɔ! W’Ahennie hɔtɔ ne te teenenee hɔtɔ.

Hebrifoɛ 7:14

Na ebiala se ye pefee kyɛ y’Awurade fi Yuda abusua nu; yeɛ Mose koso ammɔ sɔ abusua kure he dumaa wammata sɔfolilɛ nwo.

2 Petro 1:19

Na yɛsa yɛle ngɔmhyɛlɛ dwirɛ bɔ ɔma y’adwene si pi paa tra sɔ ɔ. Na ɛhe yeɛ ohia paa kyɛ ɛmɔnea ye yé, kyɛ kanea bɔ ɔta awosii nu maa okoodwu kyɛ aleɛ kɔhye, ná ngyerɛmɔ nzramaa kɔta ɛmɔ ahone nu ɔ.

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.

Nyekyire 1:7

Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 22:16

“Me, Yesu, yeɛ masoma m’abɔfo kyɛ ooli ɛhemɔ nwo adanzeɛ hyire ɛmɔ wɔ asɔre nemɔ anu ɔ. Me ole Dawide ndii ne ye bosoniɛ, ngyerɛmɔ Nzramaa bɔ ɔta ne.”

1 Samuel 14:38

Yeɛ Sɔɔlo sele kyɛ, “Safohene mɔ amukoraa, ɛmɔbra wa. Ɛ́mɔma yɛ́pena atee bɔ bɔne he nate so wale ɛnɛ ɔ.