Numeri 23:9 - AHYERƐLƐ KRONGRON

⁹ Ngyi nyɔbotaen nemɔ ti afia yeɛ menwu bɛ ɔ: Ngyi mmokaa nemɔ aso yeɛ me nye tua bɛ ɔ. Ɛhemɔ te mmenia bɔ bɛ ngome bɛte ɔ, na bɛnga bɛ nwo bɛmvora maen maen ngaa nemɔ!

Numeri 23:9 Iomraidhean Croise

Ɛsra 9:2

Ofikyɛ bagyigya bɛ mma mmrasua nemɔ bie, yeɛ bagyigya bie koso bama bɛ mma mmienzua mɔ. Ɔnate sɔ ati, mmenia krongron mɔ ne aseɛ nemɔ so ama bali afra. Na mbɔtam mbanyi ne mbanyi bɔ bɛla yɛ noa nemɔ po yeɛ bapɛ sɔ esaa tɛɛ ne bato berɛ ɔ.”

Ɛseta 3:8

Yeɛ Haman sele Nana Ahasuro kyɛ, “Manzini amukoraa bɔ bɛwɔ w’ahennie ye anu ye, nu mmenia ne, bɛ nu biemɔ wɔ nu bɔ bɛwɔ manzini nemɔ nu nekaa biala, bɔ bɛ suban te sonongo ɔ. Asora bɛ mmeraa, yeɛ asora mmenia ngaa nemɔ koso bɛ deɛ. Nana, benni wɔ mmeraa so. Nana, ɔtte mayee kyɛ ɛkɔyakyi bɛ maa bɛkɔyɔ sɔ ɔ.

Ɛksadɔso 33:16

Ofikyɛ, ɔkɔyɛ sɛɛ né banwu ye kyɛ alo me ne wɔ mmenia nemɔ? Aso nna ɛhɔlɛ bɔ ɛne yɛ kɔhɔ ne ɔ? Na ɛhe kɔma me ne wɔ mmenia nemɔ yɛkɔyɛ sonongo wɔ aseɛ ye aso mmenia mukoraati nu.”

Yeremia 46:28

Ao me somvoɛ Yakob, nnɛsuro ofikyɛ ngyi wɔ si, AWURADE noa dwirɛ ɛne. Maen maen amukoraa bɔ mafoa wɔ mahɔ so ne, ngonua bɛ boso. Nakoso wɔ de, mengonua wɔ boso, na mmom ngɔhwe wɔ so kyɛbɔ ɔfata ɔ, na mengɔyakyi wɔ maa ɛngɔfa wɔ nwo ngoli tɔtorɔtɔɔ.”

Yeremia 49:31

“Ɛ́mɔdwɔso, ɛ́mɔfa koɛ bɛɛtoa maen bɔ ye nwo atɔ ye, bɔ ɔte asomdwee nu, bɔ olle pambim mɔ anaa buralɛ bɔ ɔbeabea pambim mɔ si, maen bɔ ye ngome yeɛ ɔte berɛ ne, AWURADE noa dwirɛ ɛne.

Amose 9:9

“Ofikyɛ tie, ngɔfa ahyɛdeɛ ngɔma, na ngohuhu Yisrael awuro ama so wɔ maen maen amukoraa nu, kyɛbɔ behuhu aburoo so wɔ huhuamoa nu ɔ, nakoso aburoo ne kaaba ko po ngɔtɔ ase.

Mika 7:14

Wɔ pɔmaa ne, fa nea wɔ maen so, mmoaen kure bɔ bɛte w’agyapadeɛ, bɔ bɛ ngome bɛte ɛhɔayeɛ ne anu, wɔ Kamɛl so ne; maa bedidi wɔ Basan ne Gileade, kyɛ daa tete ne ala.

2 Korintofoɛ 6:17

Yiti Awurade nwa nyoo: “Ɛ́mɔfi bɛ nu befite, ná ɛmɔhwe ɛmɔ nwo béfi bɛ nwo; nnɛma ɛmɔfa ɛmɔ nwo bɛkã nikyee bɔ ye nwo nde ɔ, na ngole ɛmɔ.

Deuteronomi 32:8

Anwuro Anwuro Nyameɛ hyɛle aseɛ mane maen maen mɔ nen, ohyirele nekaa bɔ ebiala ɔtena nen, ɔtotole maen maen nemɔ wɛen, kyɛbɔ Nyameɛ mma nemɔ bɛ somaa te ɔ.

Deuteronomi 33:28

Yiti Yisrael te asomdwee nu, nikye fee nha Yakob atenaleɛ, bɔ ɔwɔ aburoo ne nzaa aseɛ so ne, nekaa bɔ anwuro tɔ bosue gua ase ɔ.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.