Numeri 23:24 - AHYERƐLƐ KRONGRON

²⁴ Tie, Yisrael te maen bɔ odwɔso kyɛ gyata beleɛ, na ɔpagya ye nwo kyɛ gyata nyii! Ommutu berɛ, sana wali naen bɔ wahye ye ɔ, sana wano kaka bɔ wahũ ye ɔ, ye mogya.”

Numeri 23:24 Iomraidhean Croise

Gyenesise 49:27

Benyamin te pataku bɔ ɔkye ngaka di ɔ, ngyerɛmɔ odi naen bɔ ye sa kɔsɔ ye nu ɔ, na nɔsoa ɔkyekyɛ koɛ nu nzesadeɛ.”

Gyenesise 49:9

Yuda te gyata akrɔngrɔma, bɔ eku ngaka di ná esa bada wɔ boso ɔ. Okunduni, na obutuli berɛ kyɛ gyata, ɔte kyɛ gyata beleɛ; nwa yeɛ onzuro bɔ okotingye ye ɔ?

1 Ahemvo 10:20

Ɔyɔle gyata buru ne nyɔ. Atweleɛ ndiasoɛ nzia ne, ko biala, né gyata ko gyi ye bɛen, yeɛ ko wora gyi ye famaa so. Sɔ bia ne, né bɛyyɔle ye sɛso wɔ ahennie biala anu le.

2 Aberɛso Dwirɛ 9:18

Ahennie bia ne, né ole atweleɛ nzia ɔne esikaa kɔkorɛ ndiasoɛ bɔ bayɔ babata bia ne ɔ. Bia ne, ye ngyɛnu ne ye ngyɛnu ne, né ole nekaa bɔ bɛfa bɛ sa bɛto ɔ. Bayɔ gyata buru ne nyɔ bɔ nzia wɔ nekaa bɔ bɛfa bɛ sa bɛto ne biala ɔ.

Edwein 17:12

Bɛte kyɛ gyata bɔ ɔpena kaka bie kye ye ɔ; bɛte kyɛ gyata akrɔngrɔma bɔ wafea ɔtetɛ ɔ.

Anyandera 30:30

Gyata, bɔ ye nwo yɛ se tra ngaka amukoraati, bɔ ɔnnwati mvi ebiala nyunu ɔ,

Yesaya 31:4

Ofikyɛ AWURADE sele me kyɛ: Kyɛbɔ gyata anaa gyata akrɔngrɔma ɔyɛ ye komvi hoohoo gua naen bɔ wahye ye ɔ so, bɔ mmoaenneafoɛ kure bɛba ye so a onzuro kyɛ bɛteatea nu begua ye so, anaakyɛ ɔndɛ b’anwunanwuna ne aso ne, sɔ ala yeɛ Asafo AWURADE kodwu kɔwa kɔɔho koɛ wɔ Sion bokaa ne ye pambaa ne aso ɔ.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Amose 3:8

Gyata bobɔ nu, na nwa yeɛ ongosuro ɔ? AWURADE Nyameɛ adwudwo, nwa yeɛ ɔngɔhyɛ ngɔm ɔ?”

Nahum 2:11

Gyata mɔ b’atenaleɛ ne, ɔwɔ nisua? Nisua yeɛ gyata akrɔngrɔma nemɔ bedidi ɔ, nekaa bɔ gyata nyii ne gyata beleɛ bɛnate, nekaa bɔ ye mma mɔ bɛwɔ bɔ ebiala ɔnha b’adwene ɔ?

Nahum 2:12

Gyata nyii tetele naen nu bɔ ɔkɔso ye mma mɔ di ɔ; na obumane naen kɔme ohuni ye mane ye gyata mmeleɛ nemɔ; ɔfale naen bɔ wahũ ye ne yili ye nekaa bɔ ɔla nemɔ, na ɔfale naen bɔ watete ye nu ne yili ye tuin nemɔ anu.

Sakaria 12:6

“Sɔ kyẽa ne, ngɔfa Yuda mbanyi ngɔyɛ kyɛ see bɔ ogye wɔ eyein mɔ b’afia ɔ, kyɛ ɛtɛen bɔ ogye wɔ aburoo nyaa b’afia ɔ. Bɛkɔyera maen maen amukoraa bɔ bapɛ bɛ nwo bayia ɔ, wɔ famaa so ne bɛen so, na mmenia kosa kɔtena Yerusalem wɔ ye boso, wɔ Yerusalem.

Numeri 23:25

Yeɛ Balake sele Balaam kyɛ, “Nzaade a, nnɛnoma bɛ koraa, yeɛ nnɛyira bɛ koraa.”

Numeri 24:17

Bɔ menwu ye mefa ye nwo ne, nna kekesaala ye yeɛ ɔkɔwa nu ɔ; bɔ me nye tua fa ye nwo ne, ongosi kekesaala ye. Nzramaa bie kofi Yakob nu kofite, na ɛhɔtɔ bie kofi Yisrael nu kodwɔso. Okoli Moabo mbanyi so ngonim, ná wabrɛ Sɛti boso ama amukoraa ase.

Deuteronomi 33:20

Bɔ ɔha fale Gade nwo ɛhe: “Saleɛ te Nyameɛ bɔ ɔma Gade aseɛ trɛ ɔ deɛ! Gade suban te kyɛ gyata, ɔtete asaa ne tire nu pasaa.

Nyekyire 5:5

Yeɛ mbanyi nemɔ nu ko sele me kyɛ, “Nea, nnɛsũ, na Yuda abusua kure nu Gyata ne, Dawide Ndii ne, wali ngonim bɔ okobukye nwomaa ne anu, ná ɔkɔtete ye nzɔanoɛ nzoo nemɔ anu ɔ.”