Numeri 23:21 - AHYERƐLƐ KRONGRON

²¹ Wannwu amumuyɛɛ biala wɔ Yakob nu; yeɛ wannwu amaneɛ dwirɛ biala wɔ Yisrael. AWURADE bɛ Nyameɛ gyi bɛ si, babɔ ye ohomoo wɔ bɛ nu kyɛ b’ɛhene ɛne.

Numeri 23:21 Iomraidhean Croise

2 Aberɛso Dwirɛ 13:12

Ɛ́mɔtie, Nyameɛ yeɛ otua yɛ noa ɔ. Ye asɔfo nemɔ betiratira bɛ koɛ totorobɛndo bɔ behu bɛfrɛ mmenia maa yɛne ɛmɔ bako ɔ. O Yisraelfoɛ, nnɛma ɛmɔfa koɛ bɛtoa AWURADE, ɛmɔ nana mɔ Nyameɛ ne, ofikyɛ ɛmɔngɔhora bengoli ngonim.”

Edwein 103:12

Kyɛbɔ eyia afiteleɛ ne eyia atɔleɛ b’afia si wale ne, sɔ ala yeɛ wamaa yɛne yɛ mmeraatolɛ y’afia atete ɔ.

Edwein 118:15

Esebɔlɛ ne ngonim dwein bɛgyegye wɔ teneneefoɛ ɛtena sua mɔ nu kyɛ, “AWURADE sa famaa ne di ngonim;

Edwein 135:21

AWURADE bɔ ɔte Yerusalem ne, animnyam hã ye wɔ Sion, Ɛ́mɔye AWURADE ayɛ!

Edwein 23:4

Sɛ nnate ewue bɔnza awosii kabii nu po a, menzuro musue biala, ofikyɛ ɛne me yeɛ yɛnate ɔ; wɔ bakaa ne wɔ pɔmaa yeɛ bɛkyekye me wora ɔ.

Edwein 32:2

Sona bɔ AWURADE mva ye amumuyɛɛ mmɔ ye kwaadu, bɔ nnakannaka suban biala nne ye nu ne, onya saleɛ.

Edwein 32:5

Afei ngane me bɔne ngyirele wɔ, na mangata m’amumuyɛɛ so. Ngane kyɛ, “Ngɔhã me mmeraatolɛ ngohyire AWURADE,” na ɛfale me bɔne nwo foɛlilɛ hyɛle me. Sela

Edwein 46:11

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 46:7

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 97:1

AWURADE di hene! Aseɛ, di ahurusi; mboanoa worawora mɔ, ɛ́mɔma ɛmɔ nye gye!

Edwein 99:2

AWURADE te piri wɔ Sion, na odi maen maen amukoraa so.

Ɛksadɔso 13:21

Alehyeleɛ nu, AWURADE lili bɛ nyunu wɔ munungum ningɔnn nu hyirele bɛ atee. Na alesaleɛ nu koso, ɔtale hyireinn mane bɛ wɔ see ningɔnn nu, kyɛbɔ bɛkɔhora bɛkɔnate eyia ne kɔngɔen ɔ.

Ɛksadɔso 3:12

Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Ɛksadɔso 34:9

Na ɔhane kyɛ, “O AWURADE, sɛ alo me a, nzaade AWURADE, mesrɛ wɔ, boka yɛ so ɛne yɛ hɔ. Ɔwɔ nu kyɛ mmenia hemɔ bɛ so yɛ se de, nakoso fa yɛ amumuyɛɛ ne yɛ bɔne kyɛ yɛ, ná fa yɛ wura wɔ kunu.”

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 33:21

Amba, animnyam AWURADE ne, berɛ yeɛ ɔkɔyɛ yɛ kuro bɔ asue mbiri mbiri ne asue mmaa mmaa bɛwɔ ɔ, nekaa bɔ ɛlɛen bɔ bɛfa tabɔnga bɛkã ɔ ngora berɛ kɔ ɔ, nekaa bɔ ɛlɛen mbiri koso bɛngora nu berɛ pɛ ɔ.

Yesaya 33:22

Ofikyɛ AWURADE yeɛ ɔte yɛ ndɛenbualɛniɛ ɔ, AWURADE yeɛ ɔte yɛ mmeraahyɛlɛniɛ ɔ, AWURADE yeɛ ɔte yɛ hene ɔ, na ye yeɛ ɔkɔpepɛ kole yɛ ɔ.

Yesaya 38:17

Amba, me yeeyɛlɛ ti yeɛ nwuni amaneɛ piri ɔ. Ɛnate wɔ ɔdɔ so aye me kra afi ewue kumaa nu, ofikyɛ agyi me bɔne amukoraa agua wɔ si dɔ.

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 8:10

Ɛmɔ de, ɛmɔhɔ agyina, nakoso ɔkɔyɛ mbaen, ɛ́mɔbɔ porɛ, nakoso ɔngɔyɛ yee, ofikyɛ Nyameɛ ne yɛ yeɛ yɛwɔ berɛ ɔ.

Yeremia 50:20

Na sɔ ngyẽa ne anu, sɔ mmerɛ ne, bɛkɔpena Yisrael amumuyɛɛ, nakoso bengonya bie; yeɛ bɛkɔpena Yuda ye bɔne, nakoso bengonwu bie, ofikyɛ bɛ bɔ ngɔmaa bɛkɔha wa ne, ngɔfa bɛ bɔne ngɔhyɛ bɛ, AWURADE noa dwirɛ ɛne.

Hesekiel 48:35

Ɛpɛ kuro ne anwo kango bra yia a, ɔte agyirɛ apee buru ne mmɔtwɛ. Na ofi sɔ kyẽa ne bɔ ɔkɔ ɔ, kuro ne dumaa li: “AWURADE wɔ berɛ.”

Yoel 2:27

Ɛmɔkonwu kyɛ nwɔ Yisrael nu, na me ole AWURADE ɛmɔ Nyameɛ, ebiala nne berɛ ko, na me maen nyunu ngogua ase le.

Lewitikɔso 9:24

See fili AWURADE berɛ ɔɔyerale naen yeralɛ afɔleɛ ne, ɔne ɛloe bɔ ɔwɔ afɔleɛ bokyea ne aso ne. Mmerɛ bɔ mmenia ne amu benwuni ye ne, bɛteateane nu, na bɛfale bɛ nyunu bebutubutuli ase.

Numeri 14:18

‘AWURADE ahone nhu ndɛ, na ye ɔdɔ bɔ onni ngasi sone; ɔfa amumuyɛɛ ne mmeraatolɛ kyɛ, nakoso ɔmma sona bɔ odi fɔ ne, ɔmva ye nwo tɔtorɔtɔɔ; ɔprapra seɛ mɔ bɔne nwo asohwenɛ gua bɛ boso ama mɔ so, maa okodwu aworɛ ndoatoasoɛ nza ne nna so.’

Numeri 14:19

Wɔ ɔdɔ pindinn ne, kyɛbɔ osi te piri ne, fa wɔ nye to ná fa mmenia ye b’amumuyɛɛ kyɛ bɛ, kyɛbɔ afa ahyɛ bɛ fi Misraim maa waadwu ɛnɛ ye.”

Numeri 16:3

Bɛyɛle lɔen betiale Mose ne Aarɔn, na besele bɛ kyɛ, “Ɛmɔduo boɛ! Maen ne anu mmenia amu te krongron, ebiala te krongron, na AWURADE gyi bɛ si. Nzu ati yeɛ ɛmɔafo batena AWURADE mmenia kɔme so ɔ?”

Numeri 9:22

Na sɛ munungum ne toa so mundu nyianu sua ne aso elenyɔ, anaa bosome, anaa mmerɛ tendenn biala a, Yisraelfoɛ kɔ so tena asikyeleɛ berɛ bɔ bendu bɛ bo ɔ. Nakoso sɛ munungum ne ma ye nwo so a, né batu bɛ bo.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Romanfoɛ 6:14

Nnɛmɔma bɔne di ɛmɔ so hene, ofikyɛ nna mmeraa bo yeɛ ɛmɔwura ɔ, na mmom ɛmɔwura Nyameɛ adom bo.

Romanfoɛ 8:1

Afei de, foɛbualɛ biala nne berɛ mma bɛ bɔ bɛte Kristo Yesu nu ne.

2 Korintofoɛ 2:14

Nyameɛ bɔ daa ɔmaa yɛdi ngonim wɔ Kristo nu, ná afei osa fa yɛ so ma ye nwo nimdeɛ woroworo nekaa biala kyɛ ayirefona ne, yɛda ye ase.

2 Korintofoɛ 5:19

kyɛ, Nyameɛ nate Kristo so wahwe ewiase wabata ye nwo, wammu bɛ bɔne nwo ngondaa wandia bɛ, na wafa ngabonu he nwo dawurebɔlɛ wawura yɛ sa.

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

Deuteronomi 31:23

Afei AWURADE fale ye adwuma wurale Nun awa Yosua sa kyɛ, “Gyina pindinn, ná ma w’ahone yɛ se; ofikyɛ aseɛ bɔ ndale ndaen kyɛ ngɔfa ngɔma Yisraelfoɛ ne, wɔ yeɛ ɛkɔfa bɛ kɔhɔ so ɔ, na ngogyina wɔ si.

Deuteronomi 32:5

Nakoso ye mma ayɔ bɔne batia ye, na ɔnate bɛ nwo ngekalewa ne ati, nna ye mma ole bɛ ko, bɛte amumuyɛɛ ne nnakannaka aworɛ ndoatoasoɛ.

Deuteronomi 33:5

AWURADE lili hene wɔ Yesurun, mmerɛ bɔ maen ne anu atitirefoɛ yiale ne, mmerɛ bɔ Yisrael abusua kure mukoraati yiale ne.

Deuteronomi 9:24

Na ɛmɔahwi bafa AWURADE dwirɛ so toonn fite kyẽa bɔ nwuni ɛmɔ ɔ.

Maenbulɛfoɛ 6:13

Yeɛ Gideon buale ye kyɛ, “Me mene, sɛ AWURADE gyi yɛ si a, nzu ati yeɛ amaneɛ he amukoraa atoto yɛ ye? Ye anwanwadeɛ mbiri mbiri bɔ yɛ nana mɔ hane ye nwo dwirɛ hyirele yɛ kyɛ, ‘Aso nna AWURADE yeɛ ɔyele yɛ fili Misraim’ ne, bɛ wɔ ni? Kekesaala ye de, AWURADE aye ye sa yɛ bo, na wafa yɛ wawura Midian sa.”

1 Samuel 25:28

Mesrɛ wɔ ala, fa w’afaneɛ mvomsoɛ kyɛ ye. AWURADE kɔma me mene ne ye boso ama bekoli hene afebɔɔ amba, ofikyɛ AWURADE koɛ yeɛ me mene ɔko ɔ. Na edwirɛ tɛɛ biala ngɔto wɔ wɔ mmerɛ biala bɔ ɛte ase ɔ.