Numeri 23:19 - AHYERƐLƐ KRONGRON

¹⁹ Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Numeri 23:19 Iomraidhean Croise

Gyenesise 26:3

Tena aseɛ ye aso kyɛ ɛwɔfoɛ, na ngogyina wɔ si na mayira wɔ; ofikyɛ ngɔfa sɔ aseɛ ye mɔ amukoraa ngɔma wɔ ne wɔ bosofoɛ na mamaa bɔhyɛ bɔ nhyɛle ɛse Abraham ne awa nu.

Gyenesise 28:15

Nea, ngyi wɔ si na ngɔbɔ wɔ nwo waen nekaa biala bɔ ɛkɔhɔ ɔ, na ngosa ngɔfa wɔ ngɔwa aseɛ ye aso. Ofikyɛ mengɔyakyi wɔ nu kɔpem kyɛ ngɔyɔ bɔ mafa mahyɛ wɔ bɔ ne amu ɔ.”

1 Ahemvo 14:11

Yeroboam abusuaniɛ biala bɔ okowu wɔ kuro ne, ngyea koli ye naen. Na bɛ nu biala bɔ okowu wɔ eburo ne, ewienu nnomaa kosuso ye naen koli, ofikyɛ bɔ AWURADE se hɔ ɛne.’

2 Ahemvo 15:12

Bɔhyɛ bɔ AWURADE hyɛle Yehu ole kyɛ, “Wɔ mma mmienzua mɔ koli Yisrael bia maa okoodwu aworɛ ndoatoasoɛ nna so.” Na ɔwale nu sɔ ala.

2 Ahemvo 7:2

Yeɛ Yisrael hene safohene bɔ ode ye di paa ne sele Nyameɛ sona ne kyɛ, “Sɛ AWURADE tofitofi ewienu (ma ayuo tɔ gua ase) po a, aso ɛhe kɔhora kosi?” Nakoso Elisa buale ye kyɛ, “Ɛkɔfa wɔ nye konwu ye, nakoso engoli bie.”

1 Aberɛso Dwirɛ 17:17

Nakoso, ao Nyameɛ, bɔ ayɔ ne po, ɔte wɔ nye so nikyee kaaba bie, ofikyɛ asa ahã kyɛ ɛkɔma wɔ somvoɛ ne ye boso ama yɛkoli hene yɛkɔhyɛ. Ao, AWURADE Nyameɛ, wɔ yeɛ ɛma sona so ɔ!

Edwein 110:4

AWURADE ata ndaen, na ɔngɔsesã ye adwene: “Ɛte sɔfo afebɔɔ, kyɛ Mɛlkisɛdɛke deɛ ne ala.”

Edwein 132:11

AWURADE tale ndaen kitii hyirele Dawide, bɔ ongoli ye nwo ngasi ɔ, kyɛ, “Wɔ bɔbɔ wɔ kunu mmaa nemɔ anu ko yeɛ ngɔmaa okoli wɔ bia ɔ.

Edwein 77:9

Aso Nyameɛ wora afi kyɛ ɔkɔlo sona ɔ? Aso wafɛ yaa maa wayakyi ye anwumvoinnwunɛ ne anaa? Sela

Edwein 89:34

Mengobu m’apam ne aso, yeɛ mengɔsesã me noa.

Edwein 89:35

Mafa me krongronyɛlɛ mata ndaen komapɛ twe; mengɔpɛ anoanu mengohyire Dawide.

Yesaya 21:17

Na Kedare agyaentolɛfoɛ ahoneserɛfoɛ kãa bie yeɛ bɛkɔha ɔ; ofikyɛ AWURADE Yisrael Nyameɛ noa dwirɛ ɛne.”

Yesaya 31:2

Nakoso ɔte nworɛniɛ, na ɔkɔma musue kɔwa, ɔkã dwirɛ a ɔndwe nza, okodwɔso kotia bɔnefoɛ awuro ne bɛ bɔ bedi bɛboka amumuyɛɛfoɛ ɔ.

Yesaya 40:8

Ndire kese, yeɛ nyerɛen nyemene koso otu, nakoso yɛ Nyameɛ dwirɛ de, otimu berɛ afebɔɔ.

Yesaya 46:11

Ngɔfrɛ anomaa bɔ ɔkye ngaka di ɔ ngofi eyia afiteleɛ, biaa bɔ ofi maen bie aso dedeede bɔ ɔkɔyɔ me nhyehyɛleɛ ne ɔ. Mahã, na ngɔmaa ɔkɔwa nu; mahyehyɛ mato berɛ, na ngɔyɔ.

Yesaya 55:11

sɔ ala yeɛ me dwirɛ bɔ ofi me noa kɔwa ne ɔte ɔ. Ongosa ngɔwa me berɛ mbaen, na mmom sana wayɔ bɔ mekuro kyɛ meyɔ ɔ, ɔne kyɛ okoyie botaeɛ bɔ yiti yeɛ nzomane ye ɔ.

Yeremia 4:28

Ɔnate sɔ ne ati, aseɛ kɔbɔ awuye, na ewienu anwuro anwuro kɔkakyi tunn, ofikyɛ madwudwo, mayɛ m’adwene; mengɔsesã m’adwene, yeɛ mengosa me si.

Daniel 4:28

Sɔ dwirɛ ne amukoraa wale Nana Nebukadenesa so.

Hosea 11:9

Me yaafɛlɛ kandinga ne, mengɔye mengofite, mengosa mengɔsɛkye Efraim ko, ofikyɛ nde Nyameɛ, na nnde sona; nde Krongronniɛ bɔ ɔwɔ wɔ nu ɔ, na mengɔwa mengɔsɛkye kuro ne.

Mika 7:20

Ɛkɔye nahorɛlilɛ ali kohyire Yakob, ɔne anwumvoinnwunɛ ali kohyire Abraham, kyɛbɔ ata ye nwo ndaen ahyire yɛ nana mɔ fi daa tete ne.

Habakuku 2:3

Ofikyɛ nyekyire ne, ɔ́nwondɛ mmerɛ bɔ bahyehyɛ bato berɛ bama ye ɔ; ɔpe ndɛen kyɛ ɔkɔwa nu ɔ, na ɔngɔyɛ ngyɛkyerɛ. Sɛ ɔyɛ ngyɛkyerɛ po a, nwondɛ; ofikyɛ ɔkɔwa nu amba, ɔngɔyɛ ngyɛkyerɛ.

Malaki 3:6

“Ofikyɛ me, AWURADE, menzesã; yiti ɛmɔ, Yakob boso ama, ɛmɔ boso ngonua.

Numeri 14:35

Me, AWURADE, yeɛ mahã ɔ. Amba ngɔyɔ ɛhe ngotia mmenia atianuserɛfoɛ bɔ bɛ mukoraa babɔ porɛ bayɛ lɔen batia me ye. Bɛ mukoraa bɛ boso konua ɛserɛ ye aso, na berɛ yeɛ bekowuwu ɔ.’ ”

Numeri 23:18

Yeɛ Balaam hyɛle ngɔm kyɛ, “Dwɔso, Balake, ná tie; Sipore awa, tie bɔ meka ye.

Luka 21:33

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Romanfoɛ 11:29

ofikyɛ Nyameɛ adom akyɛdeɛ ne ye frɛlɛ ne, ɔnzesã ye adwene wɔ ye nwo.

Romanfoɛ 9:6

Nna kyɛ ebiaa Nyameɛ dwirɛ ne ayɛ mbaen ɔ, ofikyɛ nna bɛ bɔ befi Yisrael nu amukoraa yeɛ bɛte Yisraelfoɛ ɔ.

2 Timoteo 2:13

sɛ yɛnni nahorɛ a, ye de, odi nahorɛ daa, ofikyɛ ɔngora mbɛ ngondombo.”

Tito 1:2

daa ngoa nwo anyelasoɛ nu, ngoa bɔ Ɛdangama Nyameɛ bɔ ɔmbɛ ngondombo ne ɔfa hyɛle bɔ koraka yeɛ ɔbɔ aleɛ ɔ;

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.

Hebrifoɛ 7:21

na mmom ɛhe deɛ de, ɔtale ndaen hane kyɛ yoo: “Awurade ata ndaen, na ɔngɔkakyi ye adwene le, kyɛ, ‘Ɛte sɔfo afebɔɔ.’ ”

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

Yakobo 4:5

Anaakyɛ ɛmɔdwene kyɛ Ahyerɛlɛ ne kã ye mbaen, kyɛ, “Ɔtwe ye sunzum bɔ ɔte yɛ nu ne nwo nungunɛ” ɔ?

Yosua 21:45

Edwirɛ fɛɛ amukoraa bɔ AWURADE fa bɔle Yisrael awuro ama anohoba nen, wanni bɛ ngasi wɔ bɛ nu biala nu, na ye mukoraa wale nu.

1 Samuel 15:29

Asa koso, Yisrael Animnyam ne, ɔtte nnakannakaniɛ, yeɛ ɔnzesã ye adwene, ofikyɛ ɔtte kuro sona ná wasesã ye adwene.”

1 Samuel 3:12

Sɔ kyẽa ne, edwirɛ biala bɔ mahã kyɛ ɔkɔto Eli abusua nen, ngɔmaa okosi fite ye bo koodwu ye ayieleɛ.