Numeri 23:14 - AHYERƐLƐ KRONGRON

¹⁴ Balake fale ye hɔle bokaa Pisiga ti afia wɔ Sofim ɛserɛ so. Osili afɔleɛ bokyea nzoo, na ɔfale nandwie nyii ko ne boaen nyii ko biala bɔle afɔleɛ wɔ afɔleɛ bokyea ko biala so.

Numeri 23:14 Iomraidhean Croise

Yesaya 46:6

Mmenia fura sikaa kɔkorɛ befi bɛ bɔtɔ nu, bɛkari ɛdwetɛ wɔ tonyi so, bɛbɔ sikaa kɔkorɛ dwumvoɛ paa maa ɔfa yɔ bosoen, na bebutu berɛ bɛsɔne ye.

Hosea 12:11

Aso amumuyɛɛ wɔ Gileade? Amba, bɛte mbaen. Bɛfa nandwie nyii mɔ bɛbobɔ afɔleɛ wɔ Gilgal, amba, b’afɔleɛ mmokyea nemɔ, bɛte kyɛ nyɔboɛ kure bɔ ɔwɔ eburo ngofie mɔ b’afia ɔ.

Numeri 21:20

na befili Bamote bɛhɔle bɔnza bɔ ɔla Moabo mbɔtam, bɔ ɔwɔ Pisiga ti afia bɔ ye nye nea ɛserɛ pralaa ne aso ne.

Numeri 23:13

Yiti Balake sele Balaam kyɛ, “Bra ma me ne wɔ yɛhɔ nekaa foforɛ bɔ egyi berɛ a wɔ nye tua bɛ ɔ; ekonwu bɛ nu bie, engonwu bɛ mukoraati; na afei gyina berɛ na noma bɛ ma me.”

Numeri 23:15

Balaam sele Balake kyɛ, “Gyina wɔ naen yeralɛ afɔleɛ ne anwo, na maa ngɔ moa dɔ me ne AWURADE yɛɛli ngitahoɛ.”

Numeri 23:29

Balaam sele Balake kyɛ, “Si afɔleɛ bokyea nzoo wɔ wa ma me, ná ma me nandwie nyii nzoo ne mmoaen nyii nzoo.”

Deuteronomi 3:27

Fo kɔ Pisiga bokaa ne aso, ná toto wɔ nye nea eyia atɔleɛ, sorɔ ne ngwaen ne eyia afiteleɛ. Fa wɔ nye nea aseɛ ne yé, ofikyɛ asue Yɔɔdan ye de, ɛngɔpɛ ye ngɔhɔ ye si.

Deuteronomi 34:1

Afei Mose fili Moabo aseɛ frɛtɛɛ ne aso, na ɔfo hɔle Nebo bokaa ne aso, wɔ Pisiga ti afia, wɔ Yeriko ndendeneɛ so. Na AWURADE hyirele ye aseɛ ne amukoraati, fite Gileade bɔ ɔkwaadwu Dan,

Deuteronomi 4:49

ɔne Araba mukoraati bɔ ɔla asue Yɔɔdan eyia afiteleɛ ne, bɔ ɔkwaadwu Araba ɛpo ne noa wɔ Pisiga bokaa ne aseɛnwo dɔ ne.