Numeri 23:13 - AHYERƐLƐ KRONGRON

¹³ Yiti Balake sele Balaam kyɛ, “Bra ma me ne wɔ yɛhɔ nekaa foforɛ bɔ egyi berɛ a wɔ nye tua bɛ ɔ; ekonwu bɛ nu bie, engonwu bɛ mukoraati; na afei gyina berɛ na noma bɛ ma me.”

Numeri 23:13 Iomraidhean Croise

1 Ahemvo 20:23

Siria hene mbanyi mɔ tuli ye foɛ kyɛ, “Yisraelfoɛ bɛ nyameɛ nemɔ bɛte mmokaa so nyameɛ mɔ, yiti ɔma bɛ nwo yɛ se tra yɛ. Yiti ɛ́mɔma yɛ ne bɛ yɛɛho wɔ aseɛ frɛtɛɛ so, na amba yɛkoli bɛ so ngonim.

1 Ahemvo 20:28

Nyameɛ sona bie hɔle Yisrael hene berɛ oosele ye kyɛ, “AWURADE nwa: Ɔnate kyɛ Siriafoɛ bahã kyɛ me AWURADE nde mmokaa so Nyameɛ na mmom nnde bɔnza nu Nyameɛ ne ati, yiti ngɔfa ɛlɔen kandinga he amukoraa ngowura wɔ sa, amaa ɛmɔanwu kyɛ me ole AWURADE.”

Edwein 109:17

Ohurole amoenwaa, yiti maa obu osa ye. Né ɔmbena saleɛ mma ye mmango, yiti maa saleɛ ɔbɔ ye.

Mika 6:5

Ao me maen, kaye porɛ bɔ Moabo hene Balake bɔle ɔ, ɔne mmuayɛɛ bɔ Beɔ awa Balaam ɔfa mane ye, ofi Sitim bɔ ɔkwaadwu Gilgal ɔ, amaa ɔnate so anwu AWURADE tenenee ne.”

Numeri 22:41

Aleɛ hyene ne, Balake fale Balaam ɔne ye bɛfo bɛhɔle Bamote Baal. Bɛwɔ berɛ ne, né Balaam nye tua Yisraelfoɛ nemɔ anu bie.

Numeri 22:6

Bra kekesaala ye ná baanoma mmenia ye mɔ ma me, ofikyɛ bɛ nwo yɛ se tra me. Ebiaa né mali bɛ so ngonim ná mafoa bɛ mafi aseɛ ye aso. Ofikyɛ mese kyɛ ebiala bɔ ekoyira ye ne, okonya saleɛ, na ebiala bɔ ɛkɔnoma ye ne, musue kɔto ye.”

Numeri 23:12

Balaam buale kyɛ, “Aso nna bɔ AWURADE afa atua me noa yeɛ odi kyɛ menea meka ye yé ɔ?”

Numeri 23:14

Balake fale ye hɔle bokaa Pisiga ti afia wɔ Sofim ɛserɛ so. Osili afɔleɛ bokyea nzoo, na ɔfale nandwie nyii ko ne boaen nyii ko biala bɔle afɔleɛ wɔ afɔleɛ bokyea ko biala so.

Yosua 24:9

Na Moabo hene Balake bɔ ɔse ole Sipore ne, ɔfale koɛ ɔɔtetale Yisrael. Ɔtole ye sa frɛle Beɔ awa Balaam kyɛ ɔɔnoma ɛmɔ,