Numeri 23:10 - AHYERƐLƐ KRONGRON

¹⁰ Nwa yeɛ ɔkɔhora kɔha Yakob boso ama bɔ bɛ somaa te kyɛ mvuture ɔ, anaakyɛ ɔkɔhora kɔha Yisraelfoɛ nna nu ngyɛmuɛ ko ɔ? Ma me wue yɛ kyɛ mmenia bɔ bɛtengyɛ ɔ bɛ wue, ná m’ayieleɛ ɔyɛ kyɛ bɛ deɛ!”

Numeri 23:10 Iomraidhean Croise

Gyenesise 13:16

Ngɔma wɔ boso ama kɔta kyɛ aseɛ so mvuture. Na sɛ ebie kora ka aseɛ so mvuture a, ye de ɔkɔhora kɔha wɔ boso ama koso.

Gyenesise 22:17

ngoyira wɔ, na ngɔma wɔ boso ama kɔsone kyɛ ewienu nzramaa ne mboanoa anweaa. Na wɔ boso ama kɔfa bɛ pɔfoɛ mɔ aseɛ bekoli so.

Gyenesise 28:14

Wɔ bosofoɛ kɔsone kyɛ aseɛ so mvuture. Na wɔ boso kɔtrɛ kofi eyia afiteleɛ koodwu eyia atɔleɛ; fi sorɔ kodwu ngwaen, na ɔnate wɔ ne wɔ bosofoɛ so yeɛ ewiase mmenia amu konya saleɛ ɔ.

Edwein 116:15

AWURADE ye teneneefoɛ bɛ wue, odi mu wɔ ye nyunu.

Edwein 37:37

Hyɛ sona bɔ ye bra te sannwuu ɔ nzorɛ, ná nea teneneeniɛ, ofikyɛ sɔ sona ne, ye ayieleɛ te asomdwee.

Anyandera 14:32

Bɔnefoɛ ye bɔne yeɛ ɔbrɛ ye ase ɔ, nakoso teneneeniɛ de, ole anyelasoɛ wɔ ye wue nu.

Numeri 2:16

Ruben asikyeleɛ nu mmenia bɔ bɛhale bɛ kure kure ne, bɛ mukoraa bɛ somaa te apee ɛyaa ko aburannu ne ko ɔne ɛyaa nna ne aburannu. Sɛ betu bɛ bo befi asikyeleɛ ne anu a, bɛ yeɛ odi kyɛ bɛtɔ so nyɔ ɔ.

Numeri 2:24

Efraim asikyeleɛ nu mmenia bɔ bɛhale bɛ kure kure ne, bɛ mukoraa bɛ somaa te apee ɛyaa ko ne mmɔtwɛ ɔne ɛyaa ko. Sɛ betu bɛ bo befi asikyeleɛ ne anu a, bɛ yeɛ odi kyɛ bɛtɔ so nza ɔ.

Numeri 2:31

Dan asikyeleɛ nu mmenia bɔ bɛhale bɛ ne, bɛ mukoraa bɛ somaa te apee ɛyaa ko aburannu ne nzoo ɔne ɛyaa nzia. Sɛ betu bɛ bo befi asikyeleɛ ne anu a, bɛ yeɛ bekotu bɛ bo kure kure bekoli nziɛ ɔ.”

Numeri 2:9

Yuda asikyeleɛ nu mmenia bɔ bɛhale bɛ kure kure ne, bɛ mukoraa bɛ somaa te apee ɛyaa ko aburawɔtwɛ ne nzia ɔne ɛyaa nna. Bɛ yeɛ odi kyɛ bedi moa betu bɛ bo befi asikyeleɛ ne anu ɔ.

Numeri 31:8

Behuhuni Midian ahemvo hemɔ bɛbokale mmenia bɔ behuhuni bɛ ne aso: Ewi, Rekem, Sure, Hure ne Reba. Besa bɛfale ngrandɛ behuni Beɔ awa Balaam.

2 Korintofoɛ 5:1

Na yɛse kyɛ sɛ yɛ aseɛ ye aso ɛtena sua ne sɛkye a, yɛkonya awuro bɔ ofi Nyameɛ berɛ, bɔ nna sona yeɛ osili ɔ, bɔ ɔwɔ nyameɛso afebɔɔ.

Nyekyire 14:13

Na ndele kyɛ komviɛ bie fi nyameɛso odwudwo kyire me kyɛ, “Kyerɛ ɛhe: ‘Awufoɛ bɔ bewu Awurade nu fi kekesaala ye bɔ ɔkɔ ne, banya saleɛ.’ ” Na Sunzum ne nwa, “Amba, bekole bɛ nwome wɔ bɛ fɛɛ nwo, ofikyɛ bɛ nnwumaa li bɛ si.”