Numeri 23:1 - AHYERƐLƐ KRONGRON

¹ Yeɛ Balaam sele Balake kyɛ, “Si afɔleɛ bokyea nzoo wɔ wa ma me, ná ma me nandwie nyii nzoo ne mmoaen nyii nzoo.”

Numeri 23:1 Iomraidhean Croise

2 Ahemvo 18:22

Nakoso ebiaa ɛmɔkɔhã bekohyire me kyɛ, ‘Yafa yɛ nwo yato AWURADE yɛ Nyameɛ so.’ Aso nna ye asɔneyɛɛ mɔ ne afɔleɛ bokyea mɔ yeɛ Hesekia wabubu bɛ ye? Aso Hesekia wanga wangyire Yuda ne Yerusalem kyɛ, Afɔleɛ bokyea he bɔ ɔwɔ Yerusalem ne, so yeɛ ɔsɛ kyɛ ɛmɔsɔne ɔ’?

1 Aberɛso Dwirɛ 15:26

Na ɔnate kyɛ Nyameɛ bokale Lewifoɛ bɔ né bɛso AWURADE apam alaka ne ati, bɛfale nandwie nyii nzoo ne mmoaen nyii nzoo bɛbɔle afɔleɛ.

2 Aberɛso Dwirɛ 29:21

Bɛfale ɛhemɔ yeɛ bɛhɔle ɔ: nandwie nyii nzoo, mmoaen nyii nzoo, mmoaen akrɔngrɔma nzoo; yeɛ afei mbɔngye nyii nzoo bɔ bɛfa bɛbɔ ahennie ne anwo, nekaa krongron ne, ɔne Yuda maen nwo bɔne nwo afɔleɛ ɔ. Ɔfale ahyɛdeɛ mane asɔfo nemɔ, bɔ bɛ yeɛ bɛte Aarɔn boso ama nemɔ, kyɛ bɛfa sɔ ngaka nemɔ bɛbɔ afɔleɛ wɔ AWURADE bokyea ne aso.

YOB NWOMAA NE 42:8

Yiti ɛ́mɔfa nandwie nyii nzoo ne mmoaen nyii nzoo, ná ɛmɔhɔ me somvoɛ Yob berɛ bɛɛbɔ ɛmɔ ti naen yeralɛ afɔleɛ. Me somvoɛ Yob kɔbɔ mbaeɛ kɔma ɛmɔ, ofikyɛ ngotie ye mbaeɛ, na mengogyina ɛmɔ ngwaseasɛm ne aso me ne ɛmɔ ngoli. Ofikyɛ ɛmɔanga me nwo dwirɛ nahorɛ nu, kyɛbɔ me somvoɛ Yob de waha ye nahorɛ nu ne.”

Ɛksadɔso 20:24

Wɔ de, si nnɛterɛ afɔleɛ bokyea ma me, na so yeɛ fa wɔ mmoaen ne wɔ nandwie bɔ naen yeralɛ afɔleɛ, ɔne w’asomdwee afɔleɛ ɔ. Na nekaa biala bɔ ngɔmaa ɛkɔkaye me dumaa nen, ngɔwa wɔ berɛ ngooyira wɔ.

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Hesekiel 33:31

Bɛba wɔ berɛ kyɛbɔ maen bɛkwaayia ne ala, bɛtenatena wɔ nyunu kyɛ me maen, betie wɔ noa dwirɛ, nakoso benni so; ofikyɛ bɛma bɛ noa dwirɛ yɛ fɛfɛɛfɛ kyɛ bale bato nu, nakoso b’ahone nu de, b’anwonya fiɛ yeɛ bɛpena ɔ.

Hesekiel 45:23

Na aluolue ɛlɛsoo ne amukoraa, odi kyɛ ɔfa nandwie nyii akrɔngrɔma nzoo ne mmoaen nyii nzoo bɔ bellili nnɛen ɔ maa bɛbɔ naen yeralɛ afɔleɛ bɛma AWURADE, ɛlɛho biala sɔ alaa ɛlɛsoo. Yeɛ ɛlɛho biala, odi kyɛ ɔfa abɔngye nyii ko maa bɛbɔ bɔne nwo afɔleɛ.

Numeri 22:41

Aleɛ hyene ne, Balake fale Balaam ɔne ye bɛfo bɛhɔle Bamote Baal. Bɛwɔ berɛ ne, né Balaam nye tua Yisraelfoɛ nemɔ anu bie.

Numeri 23:2

Balake yɔle kyɛbɔ Balaam hane ne ala, na Balake ne Balaam bɛfale nandwie nyii ko ne boaen nyii ko biala bɛbɔle afɔleɛ wɔ afɔleɛ bokyea ko biala so.

Numeri 23:29

Balaam sele Balake kyɛ, “Si afɔleɛ bokyea nzoo wɔ wa ma me, ná ma me nandwie nyii nzoo ne mmoaen nyii nzoo.”

Numeri 23:30

Yiti Balake yɔle kyɛbɔ Balaam hane ne, ɔfale nandwie nyii ko ne boaen nyii ko biala bɔle afɔleɛ wɔ afɔleɛ bokyea ko biala so.

Numeri 29:32

Ye ɛlɛsoo ne aso, ɛ́mɔfa ɛhemɔ bɛ́bɔ afɔleɛ: nandwie nyii nzoo, mmoaen nyii nyɔ, mmoaen nyii akrɔngrɔma buru ne nna bɔ bali afoɛ ngoko, bɔ bellili nnɛen biala ɔ;

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.

1 Samuel 15:22

Nakoso Samuel hane kyɛ, “Aso AWURADE nye gye naen yeralɛ afɔleɛ ne afɔleɛ mɔ nwo tra kyɛ ekotie AWURADE dwirɛ ɔ? Nahorɛ nu, sotie te paa tra afɔleɛbɔlɛ, yeɛ asoɛ mmerɛlɛyɛlɛ te paa tra boaen nyii loe.