Numeri 22:7 - AHYERƐLƐ KRONGRON

⁷ Yiti Moabo mbanyi ne Midian mbanyi fale abisa aboadeɛ ne, na besili nu bɛhɔle Balaam berɛ bɛɛfale Balake dwirɛ ne bɛɛbɔle ye amaneɛ.

Numeri 22:7 Iomraidhean Croise

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 56:11

Amba, bɛte ngyea adifuu, na bɛnze ahoyire. Bɛte mmoaenneafoɛ bɔ nimdeɛ abɔ bɛ ɔ, bɛ mukoraa bali makyebu baafa bɛ bɔbɔ b’atee so, na bɛ nu biala ɔdwene ye ngome ye yeeyɛlɛ nwo.

Hesekiel 13:19

Ɔnate ayuo bɛ sa bum kãa bie, ɔne paanoo bue kãa bie ti, ɛmɔagua me nwo fiɛ wɔ me maen nyunu. Ɛmɔlakalaka me maen bɔ okuro nnakannaka tielɛ, na ɔnate so ɛmɔku mmenia bɔ bɛmvata ewue, yeɛ ɛmɔyakyi bɛ bɔ bɛfata ewue ɔ.

Hesekiel 21:21

Ofikyɛ Babilɔn hene waagyina ngwandaa ne aso, nekaa bɔ atee nyɔ nemɔ beyia ne, kyɛ ɔkɔ abisa. Ɔnwaha agyaen, obisa abusua amoen ne, na ɔnea brɛboɛ mɔ nu.

Mika 3:11

Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Numeri 22:8

Balaam buale bɛ kyɛ, “Ɛ́mɔla wa ma aleɛ hye, na edwirɛ bɔ AWURADE kɔha kohyire me biala ngɔma ɛmɔ so kɔte.” Yiti Moabo mbanyi nemɔ lale Balaam berɛ.

Numeri 23:23

Amba, bɛyyele ngonyaa biala bettiale Yakob, yeɛ bɛwwale Yisrael amoen biala. Afei bɛkɔhã bɛkɔfa Yakob ne Yisrael nwo kyɛ, ‘Nea bɔ AWURADE ayɔ ɔ!’

Numeri 24:1

Afei Balaam nwuni kyɛ ɔyɛle AWURADE fɛ kyɛ ye Balaam wayira Yisrael ɔ. Yiti wangɔ ammisa so kyɛbɔ ɔyɔle ye daa ne, na mmom ɔfale ye nye hyirele ɛserɛ ne aso.

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.

Tito 1:11

bɔ ɔsɛ kyɛ bɛmaa bemua bɛ noa ɔ. Bɛ yeɛ mvasoɛ fiɛ ti bekyirekyire bɔ ɔnzɛ kyɛ bekyire ɔ, na bɛfa bɛsɛkye abusuafoɛ mukoraa b’adwene.

Yosua 13:22

Beɔ awa Balaam bɔ odi ahɔen ne, Yisraelfoɛ fale ngrandɛ huni ye bɛbokale mmenia bɔ behuni bɛ ne aso.

2 Petro 2:15

Bayakyi nahorɛ atee ne berɛ bali makyebu, na baafa Beɔ awa Balaam atee so, ye bɔ ohurole kyɛ okonya mvasoɛ kofi amumuyɛɛyɔlɛ nu ɔ.

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.