Numeri 22:6 - AHYERƐLƐ KRONGRON

⁶ Bra kekesaala ye ná baanoma mmenia ye mɔ ma me, ofikyɛ bɛ nwo yɛ se tra me. Ebiaa né mali bɛ so ngonim ná mafoa bɛ mafi aseɛ ye aso. Ofikyɛ mese kyɛ ebiala bɔ ekoyira ye ne, okonya saleɛ, na ebiala bɔ ɛkɔnoma ye ne, musue kɔto ye.”

Numeri 22:6 Iomraidhean Croise

Gyenesise 12:3

Ngoyira bɛ bɔ beyira wɔ, na ebiala bɔ ɔnoma wɔ ne, me koso ngɔnoma ye; na ɔnate wɔ so yeɛ aseɛ so mmusua amukoraa bekonya saleɛ ɔ.”

Gyenesise 27:29

Ɔ́ma mmenia so wɔ, na maen maen bɛkoto wɔ. Ɔ́ma ɛyɛ eliɛma mɔ so meneɛ, Na eni amma mɔ bɛkoto wɔ. Bɛkɔnoma ebiala bɔ ɔkɔnoma wɔ ɔ, Na saleɛ yɛ ebiala bɔ okoyira wɔ ɔ deɛ!”

1 Ahemvo 22:13

Ɛbɔfoɛ bɔ betuli ye kyɛ ɔɔfa Mikaya bra ne, osele Mikaya kyɛ, “Tie, ngɔmhyɛlɛfoɛ nemɔ amukoraa bɛ noa dwirɛ te ko. Bahã ngonimlilɛ nwo dwirɛ bahyire Nana Ahabo. Wɔ koso fa to bɛ deɛ ne aso, na kã ngonimlilɛ nwo dwirɛ kyire ye.”

1 Ahemvo 22:6

Yiti Yisrael hene boaboale ngɔmhyɛlɛfoɛ nemɔ noa. Bɛ somaa te kɔyɛ ɛyaa nna. Na obisale bɛ kyɛ, “Mva koɛ ngɔndoa Ramote Gileade, anaa nyakyi?” Bebuale kyɛ, “Nana, kɔ, ofikyɛ AWURADE kɔfa kuro ne kowura wɔ sa.”

1 Ahemvo 22:8

Yeɛ Yisrael hene buale Yehosafate kyɛ, “Waha ko bɔ yɛkɔhora yɛkobisa ye AWURADE noa dwirɛ ɔ. Ye ole Yimila awa Mikaya. Nakoso mekyi ye kɔkɔkɔkɔ, ofikyɛ ɔnhyɛ ngɔm paa biala mva me nwo, sana musue nwo ngɔm ala yeɛ ɔhyɛ fa me nwo ɔ.” Na Yehosafate sele kyɛ, “Nana, nnɛkã ye sɔ.”

Nehemia 13:2

ofikyɛ bamva aleɛ ne nzue banzo Yisraelfoɛ wɔfoɛ, na mmom bɛbɔle Balaam paa kyɛ ɔɔnoma bɛ. Nakoso yɛ Nyameɛ mane ɛnomalɛ ne kakyili saleɛ.

Edwein 109:28

Bɛ de bɛnoma, nakoso wɔ de eyira. Sɛ bɛba me so a, ma bɛ nyunu gua ase, nakoso wɔ somvoɛ de, ma ye nye gye.

Anyandera 26:2

Kyɛbɔ akatipire tu tenatena, ná nandwinoma koso tu kyinikyini ne, sɔ ala yeɛ amoenwaa bɔ olle nyinasoɛ ne ongonzi huu ɔ.

Hesekiel 13:6

Bɛ noa dwirɛ te nnakannaka, yeɛ bɛhyɛ ngondombo ngɔm. Bɛnwa: ‘AWURADE nwa nyoo,’ wɔ aberɛ bɔ nna AWURADE yeɛ wasoma bɛ ɔ; nakoso bɛ nye la so kyɛ AWURADE kɔma bɛ dwirɛ ne kɔwa nu ɔ.

Mika 6:5

Ao me maen, kaye porɛ bɔ Moabo hene Balake bɔle ɔ, ɔne mmuayɛɛ bɔ Beɔ awa Balaam ɔfa mane ye, ofi Sitim bɔ ɔkwaadwu Gilgal ɔ, amaa ɔnate so anwu AWURADE tenenee ne.”

Numeri 22:12

Na Nyameɛ sele Balaam kyɛ, “Nnɛne bɛ kɔ; nnɛnoma mmenia nemɔ, ofikyɛ mayira bɛ.”

Numeri 22:17

ofikyɛ ngɔma wɔ akatuaa bɔ ɔfata paa ɔ, na bɔ ekose me ne biala ngɔyɔ. Mesrɛ wɔ, bra baanoma mmenia ye ma me.’ ”

Numeri 23:13

Yiti Balake sele Balaam kyɛ, “Bra ma me ne wɔ yɛhɔ nekaa foforɛ bɔ egyi berɛ a wɔ nye tua bɛ ɔ; ekonwu bɛ nu bie, engonwu bɛ mukoraati; na afei gyina berɛ na noma bɛ ma me.”

Numeri 23:27

Yiti Balake sele Balaam kyɛ, “Bra, maa mva wɔ ngɔ neka foforɛ. Ebiaa, berɛ de, Nyameɛ kɔpene so maa ɛkɔnoma mmenia nemɔ kɔma me.”

Numeri 24:9

Okunduni, na obutu berɛ kyɛ gyata, ɔte kyɛ gyata beleɛ; nwa yeɛ okotingye ye ɔ? Ebiala bɔ okoyira wɔ ne, Nyameɛ koyira ye, yeɛ ebiala bɔ ɔkɔnoma wɔ ne, Nyameɛ kɔnoma ye.”

Asomafoɛ 16:16

Né yɛkɔ nekaa bie bɔ mmenia bɛtaa beyia bɛbɔ mbaeɛ ɔ, na abaayaa bie bɔ ɔte afaneɛ bɔ odi ahɔen ɔ wale ooyiale yɛ. Ye ngɔmhyɛlɛ ne, né wama ye mene mɔ banya bɛ nwo tam.

Deuteronomi 23:4

ofikyɛ mmerɛ bɔ né ɛmɔfi Misraim bɛ́ba nen, bamva aleɛ ne nzue bamma anyia ɛmɔ ate. Asa koso Beɔ awa Balaam, bɔ ofi Petore bɔ ɔwɔ Mesopotamia ne, bɛbɔle ye paa kyɛ ɔnoma wɔ.

Yosua 24:9

Na Moabo hene Balake bɔ ɔse ole Sipore ne, ɔfale koɛ ɔɔtetale Yisrael. Ɔtole ye sa frɛle Beɔ awa Balaam kyɛ ɔɔnoma ɛmɔ,

1 Samuel 17:43

Na Filistiniɛ ne sele Dawide kyɛ, “Mmokuroma yeɛ ɛfa ba me so ɔ, nde kyea hɔ ɔ?” Afei Filistiniɛ ne fale ye nyameɛ mɔ payele Dawide.