Numeri 22:5 - AHYERƐLƐ KRONGRON

⁵ Otuli ɛbɔfoɛ maa bɛhɔle Beɔ awa Balaam berɛ wɔ Petore bɔ ɔla asue Yufreti noa, wɔ Amawo aseɛ so ne. Na bɛtole bɛ sa bɛfrɛle ye kyɛ, “Mmenia bie fi Misraim bawa; bayɛ aseɛ so mitimiti, na baatena bapingye me.

Numeri 22:5 Iomraidhean Croise

Gyenesise 13:16

Ngɔma wɔ boso ama kɔta kyɛ aseɛ so mvuture. Na sɛ ebie kora ka aseɛ so mvuture a, ye de ɔkɔhora kɔha wɔ boso ama koso.

Edwein 105:24

Na AWURADE mane ye mmenia bɛtale pee, na ɔmaa benyane anwoserɛ bɛtrale bɛ pɔfoɛ mɔ.

Ɛksadɔso 10:15

Beyili bɛfale aseɛ ne aso amukoraa mane aseɛ ne aso yɛle tunn. Na aseɛ ne aso nyaa mukoraa ne mmakaammaa mukoraa bɔ asukɔtwea akungumaboɔ ne anzɛkye bɛ ne, belili. Nikyee monɛ ko po anga wɔ eburo mmakaa ne ndire mɔ so, wɔ Misraim aseɛ so amukoraa.

Mika 6:5

Ao me maen, kaye porɛ bɔ Moabo hene Balake bɔle ɔ, ɔne mmuayɛɛ bɔ Beɔ awa Balaam ɔfa mane ye, ofi Sitim bɔ ɔkwaadwu Gilgal ɔ, amaa ɔnate so anwu AWURADE tenenee ne.”

Numeri 23:7

Yeɛ Balaam hyɛle ngɔm kyɛ, “Balake waafa me wafi Aram wawa, Moabo hene waafa me wafi eyia afiteleɛ mmokaa so. Ɔnwa: ‘Bra ná baanoma Yakob ma me; Bra baawa Yisrael amoen!’

Numeri 31:8

Behuhuni Midian ahemvo hemɔ bɛbokale mmenia bɔ behuhuni bɛ ne aso: Ewi, Rekem, Sure, Hure ne Reba. Besa bɛfale ngrandɛ behuni Beɔ awa Balaam.

Deuteronomi 23:4

ofikyɛ mmerɛ bɔ né ɛmɔfi Misraim bɛ́ba nen, bamva aleɛ ne nzue bamma anyia ɛmɔ ate. Asa koso Beɔ awa Balaam, bɔ ofi Petore bɔ ɔwɔ Mesopotamia ne, bɛbɔle ye paa kyɛ ɔnoma wɔ.

Deuteronomi 23:5

Nakoso AWURADE wɔ Nyameɛ wandɛ Balaam so, na mmom AWURADE wɔ Nyameɛ kakyili ɛnomalɛ ne maa ɔyɛle saleɛ mane wɔ, ofikyɛ AWURADE wɔ Nyameɛ kuro wɔ dwirɛ.

Yosua 13:22

Beɔ awa Balaam bɔ odi ahɔen ne, Yisraelfoɛ fale ngrandɛ huni ye bɛbokale mmenia bɔ behuni bɛ ne aso.

Yosua 24:9

Na Moabo hene Balake bɔ ɔse ole Sipore ne, ɔfale koɛ ɔɔtetale Yisrael. Ɔtole ye sa frɛle Beɔ awa Balaam kyɛ ɔɔnoma ɛmɔ,

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.