Numeri 22:4 - AHYERƐLƐ KRONGRON

⁴ Yeɛ Moabo sele Midian mbanyi nemɔ kyɛ, “Ɛlɔen piri he koli nningyein amukoraa bɔ wapɛ yɛ nwo wayia ɔ, kyɛbɔ nandwie di aseɛ so ndire ɔ.” Sɔ mmerɛ ne, né Sipore awa Balake yeɛ ɔte Moabo hene ɔ.

Numeri 22:4 Iomraidhean Croise

1 Ahemvo 11:18

Besili nu befili Midian beedwuli Paran. Bɛfale mmenia bɛbokale bɛ nwo so befili Paran beedwuli Misraim hene Faro berɛ wɔ Misraim. Faro mane Hadade nekaa maa ɔtenane. Ɔmane ye ye noa aleɛ daa daa, na ɔmane ye aseɛ koso.

Ɛksadɔso 15:15

Afei Edom ahemvo mɔ babɔ fuin; ɛserɛ aha Moabo atitirefoɛ; na bɛ bɔ bɛte Kanaan amukoraa b’ahone atu.

Yeremia 48:38

Na awuyebɔlɛ ngome yeɛ bɛkɔte ye wɔ Moabo sua amukoraa so, ɔne mmorɔnoɛ mɔ so ɔ, ofikyɛ mabɔ Moabo kyɛ kukue bɔ ebiala nye ngye ye nwo ɔ, AWURADE noa dwirɛ ɛne.

Numeri 22:2

Né Sipore awa Balake anwu nningyein amukoraa bɔ Yisrael afa ayɔ Amorifoɛ ɔ.

Numeri 22:7

Yiti Moabo mbanyi ne Midian mbanyi fale abisa aboadeɛ ne, na besili nu bɛhɔle Balaam berɛ bɛɛfale Balake dwirɛ ne bɛɛbɔle ye amaneɛ.

Numeri 24:17

Bɔ menwu ye mefa ye nwo ne, nna kekesaala ye yeɛ ɔkɔwa nu ɔ; bɔ me nye tua fa ye nwo ne, ongosi kekesaala ye. Nzramaa bie kofi Yakob nu kofite, na ɛhɔtɔ bie kofi Yisrael nu kodwɔso. Okoli Moabo mbanyi so ngonim, ná wabrɛ Sɛti boso ama amukoraa ase.

Numeri 25:6

Berɛ ne ala, bɔ begu so besu wɔ ɛtena sua atenaleɛ anoa nu berɛ ne, Yisraelniɛ bienzua bie ɔɔfale Midianniɛ braa bie oowurale ye ɛtena sua nu. Né Mose ne Yisrael maen ne amukoraa bɛ nye tua ye.

Numeri 31:1

AWURADE sele Mose kyɛ,

Numeri 31:8

Behuhuni Midian ahemvo hemɔ bɛbokale mmenia bɔ behuhuni bɛ ne aso: Ewi, Rekem, Sure, Hure ne Reba. Besa bɛfale ngrandɛ behuni Beɔ awa Balaam.

Maenbulɛfoɛ 11:25

Sipore awa Balake bɔ né ɔte Moabo hene ne, aso ɛte paa tra ye? Aso ɔfale ye dwirɛ wale Yisrael so le, anaa ɔfale koɛ ɔtoale Yisrael le?

Maenbulɛfoɛ 6:1

Yisraelfoɛ yɔle bɔ ɔte bɔne wɔ AWURADE nyunu ɔ, na AWURADE fale bɛ wurale Midian sa afoɛ nzoo.