Numeri 22:38 - AHYERƐLƐ KRONGRON

³⁸ Balaam buale Balake kyɛ, “Kekesaala ye, mawa, nakoso atee nne berɛ kyɛ meka bɔ me bɔbɔ mekuro ɔ. Edwirɛ bɔ Nyameɛ kɔfa kotua me noa ne, ye ala yeɛ odi kyɛ meka ɔ.”

Numeri 22:38 Iomraidhean Croise

1 Ahemvo 22:14

Nakoso Mikaya buale kyɛ, “Kyɛ AWURADE te ase ye, ngyi ye nyunu mekã kyɛ, edwirɛ bɔ AWURADE kɔfa kotua me noa ne, ye ala yeɛ ngɔhã ɔ.”

1 Ahemvo 22:16

Nakoso Nana Ahabo bisale Mikaya kyɛ, “Pɛen nyɛɛ yeɛ odi kyɛ memaa ɛta ndaen kyɛ AWURADE dumaa nu edwirɛ nahorɛ ngome yeɛ ɛkɔhã kohyire me ɔ?”

2 Aberɛso Dwirɛ 18:13

Nakoso Mikaya buale kyɛ, “Kyɛ AWURADE te ase ye de, edwirɛ bɔ me Nyameɛ kɔhã ne, ye ala yeɛ ngɔhã ɔ.”

Edwein 33:10

AWURADE ma maen maen mɔ b’agyinatulɛ ɔyɛ mbaen, na maen maen mɔ bɛ nhyehyɛleɛ yɛ basaa.

Edwein 76:10

“Amba, mmenia yaafɛlɛ po, ɔkakyi ayɛyelɛ ma wɔ; wɔ yaafɛlɛ piri ne, ɛfa ye ngaa bɔ abɔsoɛ.

Anyandera 19:21

Kuro sona fa ye adwene yɛ nhyehyɛleɛ pee, nakoso bɔ AWURADE ahyehyɛ ne yeɛ okogyina ɔ.

Yesaya 44:25

Kyẽa bie dwirɛ nwo musue bɔ ahɔmeɛ bɛye ne, me yeɛ memaa ɔyɛ mbaen ɔ, mema ngonyaayelɛfoɛ bɛyɛ ngwaseaa, mema nworɛfoɛ bɛ nworɛ ka nziɛ, na mekakyi bɛ nimdeɛ ngwaseasɛm.

Yesaya 46:10

Me yeɛ ofi ahyɛaseɛ ne, ngane ayieleɛ dwirɛ ɔ, ɔne kyɛ ofi tetetete yeɛ ngane bɔ onnya ossili nwo dwirɛ ɔ. Ngane kyɛ, ‘Me botaeɛ kogyina, na ngɔyɔ me nhyehyɛleɛ amukoraa.’

Yesaya 47:12

“Wɔ ngonyaayelɛ ne wɔ musueyelɛ worawora bɔ afi wɔ ngwadaa nu aye ne, kɔ so gyina pindinn wɔ nu e! Ebiaa okoyie wɔ yé wɔ nu, ebiaa ɔkɔma wɔ nwo kɔyɛ suro.

Numeri 22:18

Nakoso Balaam buale Balake ɛbɔfoɛ nemɔ kyɛ, “Sɛ Balake fa ye awuro bɔ ɛdwetɛ ne sikaa kɔkorɛ ayi ye tɛkyɛɛ po ma me a, mengɔhora mengohwi mengɔfa AWURADE me Nyameɛ ahyɛdeɛ so mengɔyɔ ye nwo hwee.

Numeri 22:37

Na Balake bisale Balaam kyɛ, “Manzoma kyɛ bɛɛfrɛ wɔ? Nzu ati yeɛ amma ɔ?” Aso mengɔhora mengɔma wɔ akatuaa bɔ ɔsɛ ɔ?”

Numeri 22:39

Balaam ne Balake bɛhɔle, na beedwuli Kiriate Husote.

Numeri 22:8

Balaam buale bɛ kyɛ, “Ɛ́mɔla wa ma aleɛ hye, na edwirɛ bɔ AWURADE kɔha kohyire me biala ngɔma ɛmɔ so kɔte.” Yiti Moabo mbanyi nemɔ lale Balaam berɛ.

Numeri 23:16

AWURADE yele ye nwo ali hyirele Balaam, na ɔfale edwirɛ tuale ye noa kyɛ, “Sá kɔ Balake dɔ, na edwirɛ he yeɛ odi kyɛ ɛkã ɔ.”

Numeri 23:26

Nakoso Balaam buale Balake kyɛ, “Manga mangyire wɔ kyɛ, ‘Bɔ AWURADE kɔha biala, yeɛ odi kyɛ meyɔ ɔ’?”

Numeri 24:13

‘Sɛ Balake fa ye awuro bɔ ɛdwetɛ ne sikaa kɔkorɛ ayi ye tɛkyɛɛ po ma me a, mengɔhora mengoli me ti piri mengobu AWURADE dwirɛ so, ná mengɔyɔ paa anaa tɛɛ biala; na mmom bɔ AWURADE kɔha ne, ye ala yeɛ ngɔhã ɔ’?