Numeri 22:32 - AHYERƐLƐ KRONGRON

³² Yeɛ AWURADE abɔfo ne bisale ye kyɛ, “Nzu ati yeɛ abɔ wɔ kaka ne pɛen nza ye? Mawa kyɛ mebaasi wɔ ate, ofikyɛ nikyee bɔ ɛyɔ ne, ɔndengyɛ wɔ me nyunu.

Numeri 22:32 Iomraidhean Croise

Edwein 145:9

AWURADE te paa ma sona biala, na ye anwumvoinnwunɛ ne, ɔkata ye nnwumaa mukoraa so.

Edwein 147:9

Ɔma eburo ngaka aleɛ, bɛ ne adene mma bɔ besu nemɔ.

Edwein 36:6

Wɔ tenenee kɔ anwuro anwuro te kyɛ Nyameɛ mmokaa, na wɔ ndɛenbualɛ turoloo ne, ye kuronn te kyɛ ɛpo buma. Ao AWURADE, ɛpepɛ de kuro mmenia ne ngaka.

Anyandera 14:2

Sona bɔ ɔnate nahorɛlilɛ atee so ne, osuro AWURADE, nakoso bɔ ɔnate atee tɛɛ so ne de, obu ye animtia.

Anyandera 16:2

Kuro sona bra amukoraa tengyɛ wɔ ye bɔbɔ ye nye so, nakoso AWURADE yeɛ ɔkari sona ti anu dwirɛ nea ɔ.

Anyandera 28:18

Sona bɔ odi nahorɛ ne, okonya ngoa, nakoso bɔ ɔnate atee tɛɛ so ne de, ye ayieleɛ koyie ye mvum nu.

Anyandera 28:6

Ehianiɛ bɔ ye bra te sannwuu ne, ɔte paa tra sikaniɛ bɔ ye suban ɔtte mayee ɔ.

Yona 4:11

Na Ninewe, sɔ kuro piri ne, bɔ nu mmenia bɛ somaa bo apee ɛyaa ko aburanyɔ, bɔ bɛnze bɛ sa bɛen ne bɛ sa famaa nu nzonzoleɛ, kuro bɔ nyɛmmoa pee wɔ nu ne, aso onni kyɛ menwu ye anwumvoin anaa’?”

Mika 6:5

Ao me maen, kaye porɛ bɔ Moabo hene Balake bɔle ɔ, ɔne mmuayɛɛ bɔ Beɔ awa Balaam ɔfa mane ye, ofi Sitim bɔ ɔkwaadwu Gilgal ɔ, amaa ɔnate so anwu AWURADE tenenee ne.”

Numeri 22:20

Sɔ kɔngɔen ne, Nyameɛ wale Balaam berɛ oosele ye kyɛ, “Sɛ biaa nemɔ bawa baato bɛ sa bafrɛ wɔ a, dwɔso na ɛne bɛ hɔ; na mmom bɔ ngɔhã ngohyire wɔ ne ala yeɛ yɔ ɔ.”

Numeri 22:22

Nyameɛ fɛle yaa paa, ofikyɛ Balaam sili nu kyɛ ɔkɔ. Na AWURADE abɔfo oogyinane atee ne anu sili ye ate. Né Balaam te ye afunum ne aso, na né ɔne ye ngoaa nyɔ yeɛ bɛnate ɔ.

Numeri 22:28

AWURADE mane afunum ne dwudwole, na obisale Balaam kyɛ, “Nzikyɛ yeɛ mayɔ wɔ ɔ, bɔ yeɛ yiti abɔ me pɛen nza ye?”

Numeri 22:33

Afunum ne nwuni me, na ɔmakyele fili me nyunu pɛen nza. Sɛ wammakye wamvi me nyunu a, amba, ahaa mahu wɔ dadaada, maa ye de wanya ye ti wadidi nu.”

Numeri 22:35

Na AWURADE abɔfo ne sele Balaam kyɛ, “Ɛne biaa nemɔ bɛhɔ, nakoso bɔ ngɔhã ngohyire wɔ ne angome yeɛ odi kyɛ ɛkã ɔ.” Yiti Balaam ne Balake mbanyi nemɔ bɛhɔle.

Asomafoɛ 13:10

na osele ye kyɛ, “Ɛte abɔnzam sona! Ɛte tenenee mukoraa pɔfoɛ, nnakannaka ne amumuyɛɛ ayi wɔ ti anu tɛkyɛ, aso ɛngɔyakyi kyɛ ɛkɔhyea Awurade tenenee atee ne ɔ?

Deuteronomi 23:4

ofikyɛ mmerɛ bɔ né ɛmɔfi Misraim bɛ́ba nen, bamva aleɛ ne nzue bamma anyia ɛmɔ ate. Asa koso Beɔ awa Balaam, bɔ ofi Petore bɔ ɔwɔ Mesopotamia ne, bɛbɔle ye paa kyɛ ɔnoma wɔ.

Deuteronomi 25:4

“Sɛ nandwie boro aburoo a, nnɛkyekye ye noa.