Numeri 22:31 - AHYERƐLƐ KRONGRON

³¹ Yeɛ AWURADE bukyele Balaam nye, na onwuni kyɛ AWURADE abɔfo ne gyi atee ne anu, bɔ wahwe ye ngrandɛ ɔ. Balaam bɔle ye nu ase fale ye nyunu butuli ase.

Numeri 22:31 Iomraidhean Croise

Gyenesise 21:19

Afei Nyameɛ bukyele Hagar nye, na onwuni abura bie; ɔɔsale nzue ne bie guale kɔndoa ne anu, na ɔmane akwadaa ne bie maa ɔnone.

1 Aberɛso Dwirɛ 21:16

Dawide mane ye ti so, na onwuni AWURADE abɔfo ne kyɛ ogyi nyameɛso ne aseɛ b’afia, bɔ watengyɛ ye ngrandɛ wɔ Yerusalem so ɔ. Na Dawide ne ye mbanyi mɔ bɔ baherahera ɛsɛen tena ɔ, bɛfale bɛ nyunu bebutubutuli berɛ.

Edwein 9:20

Ao AWURADE, ma ɛserɛ tɔ bɛ so; ma maen maen benwu kyɛ bɛte adasa mmaa mbaen. Sela

Ɛksadɔso 34:8

Na Mose yɛle ndɛndɛ bɔle ye ti ase sɔnene AWURADE.

Numeri 22:30

Nakoso afunum ne bisale Balaam kyɛ, “Aso nna w’afunum ole me, bɔ yeɛ atena me so alaa maa waadwu ɛnɛ ye? Aso mayɔ wɔ sɔ le?” Na Balaam buale ye kyɛ, “Daabi.”

Numeri 24:16

sona bɔ ɔte Nyameɛ dwudwolɛ ne, ye ngɔmhyɛlɛ, sona bɔ ole Anwuro Anwuro Nyameɛ nwo nimdeɛ, ná onwu Tuminiɛ Nyameɛ ye nyekyire, sona bɔ ɔkata ye nye po a, ye nye nwu nikyee ne, ye ngɔmhyɛlɛ:

Numeri 24:4

sona bɔ ɔte Nyameɛ dwudwolɛ ne, ye ngɔmhyɛlɛ, bɔ onwu Ɛdangama ye nyekyire ne, bɔ ɔkata ye nye po a, ye nye nwu nikyee ne.

Luka 24:16

Nakoso wamma bɛ nye ne wangora wannwu kyɛ ye ɔ.

Luka 24:31

Na afei bɛ nye ne bukyebukyele, na benwuni kyɛ ye ɔ; na otu minini.

Yohane 18:6

Na mmerɛ bɔ osele bɛ kyɛ, “Me ɛhe” nen, bepimbini bɛ si, na befifini ase.

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Yosua 5:13

Ɛlɛho bie, né Yosua wɔ nekaa bie bɔ opingye Yeriko. Ɔmane ye ti so, na mvum nu, onwuni biaa bie bɔ wahwe ngrandɛ watira ɔ kyɛ ogyi ye nyunu berɛ. Na Yosua hɔle ye nwo berɛ oobisale ye kyɛ, “Ɛboka yɛ so, anaa ɛboka yɛ pɔfoɛ nemɔ so?”

Yosua 5:14

Na obuale kyɛ, “Nna nu biala ɔ, na mmom nde AWURADE lɔen so safohene bɔ afei mawa ɔ.” Yosua fale ye nyunu butuli berɛ sɔnene ye, na obisale ye kyɛ, “Me mene, nzikyɛ dwirɛ yeɛ ele ye ma w’akoaa ɔ?”