Numeri 22:3 - AHYERƐLƐ KRONGRON

³ Moabo surole Yisrael maen ne paa, ofikyɛ né bɛsone pee. Na Yisraelfoɛ nwo suronyi tɔle Moabo so.

Numeri 22:3 Iomraidhean Croise

Nehemia 13:2

ofikyɛ bamva aleɛ ne nzue banzo Yisraelfoɛ wɔfoɛ, na mmom bɛbɔle Balaam paa kyɛ ɔɔnoma bɛ. Nakoso yɛ Nyameɛ mane ɛnomalɛ ne kakyili saleɛ.

Edwein 53:5

Berɛ yeɛ esuronyi kandinga kɔtɔ bɛ so ɔ, esuronyi bɔ ebie ɔhhane bɛ le ɔ. Ofikyɛ bɛ bɔ bɛko betia wɔ ne, Nyameɛ kɔto bɛ mmowue kɔpete, ɛkɔma bɛ nyunu kogua ase, ofikyɛ Nyameɛ aye ye sa wafi bɛ bo.

Ɛksadɔso 1:12

Nakoso bɛwɔ so bɛ́hyɛ bɛ anyeborolɛ maa ɔbo so nen, bekye po yeɛ né bɛ́kɔ so bɛsone ná bɛtrɛ ɔ. Na Misraimfoɛ surole Yisraelfoɛ paa.

Ɛksadɔso 15:15

Afei Edom ahemvo mɔ babɔ fuin; ɛserɛ aha Moabo atitirefoɛ; na bɛ bɔ bɛte Kanaan amukoraa b’ahone atu.

Ɛksadɔso 23:27

“Ngɔma me nwo suronyi koli wɔ nyunu, na maen biala bɔ ekodwu so ne, ngɔma ahunundetelɛ kɔtɔ nu mmenia so. Na ngɔma wɔ pɔfoɛ amukoraa kɔnwati kofi wɔ nyunu.

Yesaya 23:5

Sɛ sɔ dwirɛ ne odwu Misraim a, bekoli bɔ wato Tiro ne nwo aworabɔlɛ.

Deuteronomi 2:25

Ofi ɛnɛ bɔ ɔkɔ ɔ, ngɔma wɔ nwo suronyi ne esurolɛ piri kɔtɔ mmenia bɔ bɛwɔ ewiase amukoraati so. Na ebiala bɔ ɔkɔte wɔ nga nen, ɔnate wɔ ti ye nwo kɔwosowoso ye, na ahunundetelɛ kɔtɔ ye so.’

Yosua 2:24

Na besele Yosua kyɛ, “Amba, AWURADE afa aseɛ ne amukoraa wawura yɛ sa. Ɔnate yɛ ti ahunundetelɛ atɔ aseɛ ne aso ama mukoraati so dada.”

Yosua 9:24

Na bebuale Yosua kyɛ, “Ebie ha hyirele wɔ ngoaa mɔ pefee kyɛ, AWURADE wɔ Nyameɛ hyɛle ye somvoɛ Mose kyɛ ɔ́fa aseɛ ne amukoraa ɔ́ma ɛmɔ, ná ohuhu so mmenia amukoraa ofi ɛmɔ nyunu. Na ɔnate ɛmɔ ti, né yɛsuro paa kyɛ yɛ ngoa kofi yɛ sa ɔ; yiti yeɛ ɔmaa yɛyɔle sɔ ne.