Numeri 22:23 - AHYERƐLƐ KRONGRON

²³ Afunum ne nwuni kyɛ AWURADE abɔfo ne gyi atee ne anu, bɔ yeɛ otira ngrandɛ ɔ. Yiti afunum ne makyele fili atee ne anu, na oowurale eburo. Balaam bɔle afunum ne kyɛ ɔmaa ɔfa ye nye kyire atee nu.

Numeri 22:23 Iomraidhean Croise

2 Ahemvo 6:17

Yeɛ Elisa bɔle mbaeɛ kyɛ, “Ao AWURADE, mesrɛ wɔ, te ye nye maa onwu nikye bɔ ɔkɔ so ɔ.” Yiti AWURADE tele somvoɛ ne nye. Na onwuni kyɛ mbɔngɔ ne see teaseɛnam mɔ bayɛ mitimiti wɔ bokaa ne aso bapɛ Elisa nwo amukoraa bayia ɔ.

1 Aberɛso Dwirɛ 21:16

Dawide mane ye ti so, na onwuni AWURADE abɔfo ne kyɛ ogyi nyameɛso ne aseɛ b’afia, bɔ watengyɛ ye ngrandɛ wɔ Yerusalem so ɔ. Na Dawide ne ye mbanyi mɔ bɔ baherahera ɛsɛen tena ɔ, bɛfale bɛ nyunu bebutubutuli berɛ.

Yeremia 8:7

Akyemvona katakyie bɔ ɔwɔ ewienu ne po, ɔse ye mmerɛ; yeɛ aborɔma, nandwinoma ne bɔlanoma bɛse mmerɛ bɔ odi kyɛ bɛba ɔ; nakoso me maen de, benze AWURADE ahyɛdeɛ ne.

Daniel 10:7

Me, Daniel, me ngome yeɛ nwuni nyekyire ne ɔ; ofikyɛ mmenia bɔ né bɛboka me so ne, bannwu nyekyire ne bie, nakoso ɛserɛ kandinga hane bɛ, na bɛnwatili bɛɛfeale.

Numeri 22:22

Nyameɛ fɛle yaa paa, ofikyɛ Balaam sili nu kyɛ ɔkɔ. Na AWURADE abɔfo oogyinane atee ne anu sili ye ate. Né Balaam te ye afunum ne aso, na né ɔne ye ngoaa nyɔ yeɛ bɛnate ɔ.

Numeri 22:24

Né atee kyenɔnn bie la bobe boo nemɔ anu. Ɛwaen wɔ ye bɛen ne famaa. Na AWURADE abɔfo oogyinane atee ne anu.

Asomafoɛ 22:9

Mmenia bɔ né bɛboka me so ne nwuni kanea ne, (ɛserɛ hane bɛ), nakoso bande bɔ né ɔne me dwudwo ne komvi.

Yosua 5:13

Ɛlɛho bie, né Yosua wɔ nekaa bie bɔ opingye Yeriko. Ɔmane ye ti so, na mvum nu, onwuni biaa bie bɔ wahwe ngrandɛ watira ɔ kyɛ ogyi ye nyunu berɛ. Na Yosua hɔle ye nwo berɛ oobisale ye kyɛ, “Ɛboka yɛ so, anaa ɛboka yɛ pɔfoɛ nemɔ so?”

2 Petro 2:16

Nakoso behwili ye nyunu wɔ ye mmeraatolɛ nwo; afupɔngɔ bɔ ɔngora dwudwo ɔ ɔfale sona komvi dwudwole fa sili ngɔmhyɛlɛniɛ ne ngwaseasɛm ne ate.

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.