Numeri 22:20 - AHYERƐLƐ KRONGRON

²⁰ Sɔ kɔngɔen ne, Nyameɛ wale Balaam berɛ oosele ye kyɛ, “Sɛ biaa nemɔ bawa baato bɛ sa bafrɛ wɔ a, dwɔso na ɛne bɛ hɔ; na mmom bɔ ngɔhã ngohyire wɔ ne ala yeɛ yɔ ɔ.”

Numeri 22:20 Iomraidhean Croise

Edwein 81:12

Yiti nyakyili maa bɛyɔle bɔ bɛ bɔbɔ bekuro ɔ, maa bɛyɔle bɔ bɛ bɔbɔ b’adwene ma bɛ ɔ.

Yesaya 37:29

Ɔnate wɔ yaa piri bɔ afɛ ye me so, ɔne w’anwomasoɛ bɔ mate ne ati, ngɔfa me koaa ne ngosina wɔ bonyi anu, ná matofi wɔ noa nu mafa me nyamaa mawura nu; na atee bɔ ɛfale so wale ne, ngɔmaa ɛkɔkakyi wɔ nwo ɛkɔfa so ekosa kɔhɔ.’

Yeremia 1:7

Nakoso AWURADE sele me kyɛ, “Nnɛkã kyɛ, ‘Nde akwadaa’, ofikyɛ bɛ bɔ ngɔsoma wɔ wɔ bɛ berɛ ne amukoraa, odi kyɛ ɛkɔ ɔ, na edwirɛ biala bɔ ngɔfa ngɔsoma wɔ ne, odi kyɛ ɛkã ɔ.

Hosea 13:11

Mvɛle yaa nzili hene mane ɛmɔ, na nyele ye mvili berɛ wɔ m’ahonehulɛ nu.

Numeri 22:19

Ɛmɔ koso, ɛ́mɔla wa ɛnɛ, kyɛbɔ ɛbɔfoɛ hene mɔ yɔle ne ala, maa ndie edwirɛ bɔ AWURADE kɔha kohyire me bieku ɔ.”

Numeri 22:35

Na AWURADE abɔfo ne sele Balaam kyɛ, “Ɛne biaa nemɔ bɛhɔ, nakoso bɔ ngɔhã ngohyire wɔ ne angome yeɛ odi kyɛ ɛkã ɔ.” Yiti Balaam ne Balake mbanyi nemɔ bɛhɔle.

Numeri 23:12

Balaam buale kyɛ, “Aso nna bɔ AWURADE afa atua me noa yeɛ odi kyɛ menea meka ye yé ɔ?”

Numeri 23:16

AWURADE yele ye nwo ali hyirele Balaam, na ɔfale edwirɛ tuale ye noa kyɛ, “Sá kɔ Balake dɔ, na edwirɛ he yeɛ odi kyɛ ɛkã ɔ.”

Numeri 23:26

Nakoso Balaam buale Balake kyɛ, “Manga mangyire wɔ kyɛ, ‘Bɔ AWURADE kɔha biala, yeɛ odi kyɛ meyɔ ɔ’?”

Numeri 23:5

Na AWURADE fale edwirɛ tuale Balaam noa kyɛ, “Sa kɔ Balake dɔ, na edwirɛ he yeɛ odi kyɛ ɛkã ɔ.”

Numeri 24:13

‘Sɛ Balake fa ye awuro bɔ ɛdwetɛ ne sikaa kɔkorɛ ayi ye tɛkyɛɛ po ma me a, mengɔhora mengoli me ti piri mengobu AWURADE dwirɛ so, ná mengɔyɔ paa anaa tɛɛ biala; na mmom bɔ AWURADE kɔha ne, ye ala yeɛ ngɔhã ɔ’?

Numeri 24:4

sona bɔ ɔte Nyameɛ dwudwolɛ ne, ye ngɔmhyɛlɛ, bɔ onwu Ɛdangama ye nyekyire ne, bɔ ɔkata ye nye po a, ye nye nwu nikyee ne.