Numeri 22:18 - AHYERƐLƐ KRONGRON

¹⁸ Nakoso Balaam buale Balake ɛbɔfoɛ nemɔ kyɛ, “Sɛ Balake fa ye awuro bɔ ɛdwetɛ ne sikaa kɔkorɛ ayi ye tɛkyɛɛ po ma me a, mengɔhora mengohwi mengɔfa AWURADE me Nyameɛ ahyɛdeɛ so mengɔyɔ ye nwo hwee.

Numeri 22:18 Iomraidhean Croise

1 Ahemvo 13:8

Nakoso Nyameɛ sona ne buale ye kyɛ, “Sɛ ɛfa w’ahennie ne bue po kyɛ me a, me ne wɔ ngɔhɔ. Afei koso mengodidi yeɛ mengɔno nzue wɔ ɛwa.

1 Ahemvo 22:14

Nakoso Mikaya buale kyɛ, “Kyɛ AWURADE te ase ye, ngyi ye nyunu mekã kyɛ, edwirɛ bɔ AWURADE kɔfa kotua me noa ne, ye ala yeɛ ngɔhã ɔ.”

2 Aberɛso Dwirɛ 18:13

Nakoso Mikaya buale kyɛ, “Kyɛ AWURADE te ase ye de, edwirɛ bɔ me Nyameɛ kɔhã ne, ye ala yeɛ ngɔhã ɔ.”

YOB NWOMAA NE 3:15

anaakyɛ me ne atitirefoɛ bɔ bɛ sa nu le bie ɔ, bɛ bɔ bɛfa ɛdwetɛ beyi b’awuro tɛkyɛ ɔ.

Daniel 5:17

Yeɛ Daniel buale ɛhene ne kyɛ, “Nana, w’akyɛdeɛ ne, maa ɔwɔ berɛ, ná fa w’akatuaa ne ma sona foforɛ. Nakoso ngɔkenga ahyerɛlɛ ne ngohyire wɔ, yeɛ ngohyire ye bo koso ngohyire wɔ.

Numeri 22:19

Ɛmɔ koso, ɛ́mɔla wa ɛnɛ, kyɛbɔ ɛbɔfoɛ hene mɔ yɔle ne ala, maa ndie edwirɛ bɔ AWURADE kɔha kohyire me bieku ɔ.”

Numeri 22:38

Balaam buale Balake kyɛ, “Kekesaala ye, mawa, nakoso atee nne berɛ kyɛ meka bɔ me bɔbɔ mekuro ɔ. Edwirɛ bɔ Nyameɛ kɔfa kotua me noa ne, ye ala yeɛ odi kyɛ meka ɔ.”

Numeri 22:8

Balaam buale bɛ kyɛ, “Ɛ́mɔla wa ma aleɛ hye, na edwirɛ bɔ AWURADE kɔha kohyire me biala ngɔma ɛmɔ so kɔte.” Yiti Moabo mbanyi nemɔ lale Balaam berɛ.

Numeri 23:26

Nakoso Balaam buale Balake kyɛ, “Manga mangyire wɔ kyɛ, ‘Bɔ AWURADE kɔha biala, yeɛ odi kyɛ meyɔ ɔ’?”

Numeri 24:12

Yeɛ Balaam sele Balake kyɛ, “Aso manga mangyire wɔ bɔfoɛ mɔ bɔ ɛsomane bɛ me berɛ ne kyɛ,

Numeri 24:13

‘Sɛ Balake fa ye awuro bɔ ɛdwetɛ ne sikaa kɔkorɛ ayi ye tɛkyɛɛ po ma me a, mengɔhora mengoli me ti piri mengobu AWURADE dwirɛ so, ná mengɔyɔ paa anaa tɛɛ biala; na mmom bɔ AWURADE kɔha ne, ye ala yeɛ ngɔhã ɔ’?

Asomafoɛ 8:20

Na Petro buale ye kyɛ, “Abue bu wɔ ne wɔ sikaa ne, ofikyɛ ɛdwene kyɛ ɛkɔhora kɔfa sikaa kɔtɔ Nyameɛ akyɛdeɛ ne!

Tito 1:16

Bekyire kyɛ bɛse Nyameɛ, nakoso bɛfa bɛ yɔleɛ bɛpo ye; bɛte akyiwadeɛyɔlɛ mmenia, asoserɛfoɛ, bɔ bɛngora bɛnyɔ nikye paa biala ɔ.

Yosua 24:10

nakoso mandie Balaam dwirɛ. Yiti oyirale ɛmɔ; na nnele ɛmɔ mvili ye sa nu.