Numeri 22:12 - AHYERƐLƐ KRONGRON

¹² Na Nyameɛ sele Balaam kyɛ, “Nnɛne bɛ kɔ; nnɛnoma mmenia nemɔ, ofikyɛ mayira bɛ.”

Numeri 22:12 Iomraidhean Croise

Gyenesise 12:2

Ngɔmaa ɛkɔyɛ maen pirikua, ngoyira wɔ, ná mama wɔ dumaa ahɔ anwuro, amaa ɔnate so ayɛ saleɛ.

2 Aberɛso Dwirɛ 31:10

Yeɛ ɔsɔfo panyi Asaria bɔ ɔte Sadoke bosoniɛ ne, obuale Hesekia kyɛ, “Ofi mmerɛ bɔ bɛhyɛle ye bo bɛfale sɔ nningyein nemɔ bɛwale AWURADE awuro ne, yanya aleɛ yali maa wabu yɛ so, ofikyɛ AWURADE ayira ye maen, amaa ɔnate ye sɔ ti yeɛ yanya nningyein pee maa wabu yɛ so ye.”

Edwein 144:15

Maen bɔ sɔ nningyein nemɔ wɔ so ne, benya saleɛ, maen bɔ AWURADE te bɛ Nyameɛ ne, benya saleɛ!

Edwein 146:5

Sona bɔ ye bokafoɛ ole Yakob Nyameɛ, bɔ ye wora wura AWURADE ye Nyameɛ nu ne, onya saleɛ.

Yesaya 61:9

Bɛ boso ama konya dumaa piri wɔ maen maen mɔ nu, yeɛ bɛ mma koso bekonya dumaa piri wɔ maen maen mɔ nu; na ebiala bɔ okonwu bɛ ne, okole kɔto nu kyɛ bɛte maen bɔ AWURADE ayira ye ɔ.

Mika 6:5

Ao me maen, kaye porɛ bɔ Moabo hene Balake bɔle ɔ, ɔne mmuayɛɛ bɔ Beɔ awa Balaam ɔfa mane ye, ofi Sitim bɔ ɔkwaadwu Gilgal ɔ, amaa ɔnate so anwu AWURADE tenenee ne.”

Numeri 22:11

‘Mmenia biemɔ afi Misraim bawa, na bayɛ aseɛ ye aso mitimiti, yiti bra ná baanoma bɛ ma me; ebiaa ngɔhora me ne bɛ yɛkɔho na mafoa bɛ mafi wa.’ ”

Numeri 22:13

Yiti Balaam dwɔsole ngyerɛmɔ, na osele Balake ye mbanyi nemɔ kyɛ, “Ɛ́mɔsa bɛhɔ ɛmɔ kuro, ofikyɛ AWURADE amma me ate kyɛ me ne ɛmɔ yɛhɔ.”

Numeri 22:6

Bra kekesaala ye ná baanoma mmenia ye mɔ ma me, ofikyɛ bɛ nwo yɛ se tra me. Ebiaa né mali bɛ so ngonim ná mafoa bɛ mafi aseɛ ye aso. Ofikyɛ mese kyɛ ebiala bɔ ekoyira ye ne, okonya saleɛ, na ebiala bɔ ɛkɔnoma ye ne, musue kɔto ye.”

Numeri 23:23

Amba, bɛyyele ngonyaa biala bettiale Yakob, yeɛ bɛwwale Yisrael amoen biala. Afei bɛkɔhã bɛkɔfa Yakob ne Yisrael nwo kyɛ, ‘Nea bɔ AWURADE ayɔ ɔ!’

Numeri 23:3

Yeɛ Balaam sele Balake kyɛ, “Tena wɔ naen yeralɛ afɔleɛ ne anwo, na mekɔ ahameɛ kãa. Ebiaa AWURADE ne me kooli ngitahoɛ. Bɔ ɔkɔye kohyire me biala, ngɔhã ngohyire wɔ.” Na Balaam sili nu hɔle bokaa pralaa bie aso.

Numeri 23:8

Meyɛ sɛɛ né manoma mmenia bɔ Nyameɛ ɔnnomane bɛ ɔ? Meyɛ sɛɛ né mawa mmenia bɔ AWURADE ɔppole bɛ ɔ amoen?

Numeri 24:9

Okunduni, na obutu berɛ kyɛ gyata, ɔte kyɛ gyata beleɛ; nwa yeɛ okotingye ye ɔ? Ebiala bɔ okoyira wɔ ne, Nyameɛ koyira ye, yeɛ ebiala bɔ ɔkɔnoma wɔ ne, Nyameɛ kɔnoma ye.”

Mateo 27:19

Asa koso, mmerɛ bɔ ɔtenane ndɛenbualɛ bia nu ne, ɔye somane maa bɛɛhã behyirele ye kyɛ, “Nnɛma ndoto biala ba wɔ ne sɔ biaa teneneeniɛ ne b’afia, ofikyɛ, ɔnate ye ti manwu amaneɛ pee wɔ laleɛ nu ɛnɛ kɔngɔen.”

Romanfoɛ 11:29

ofikyɛ Nyameɛ adom akyɛdeɛ ne ye frɛlɛ ne, ɔnzesã ye adwene wɔ ye nwo.

Ɛfesofoɛ 1:3

Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

Deuteronomi 2:7

Ofikyɛ AWURADE wɔ Nyameɛ ayira wɔ wɔ wɔ sa noa adwuma mukoraati nu, na wanea wɔ so wɔ ɛserɛ piri ye aso natelɛ nu. Afoɛ aburanna ɛhe yeɛ AWURADE wɔ Nyameɛ agyina wɔ si bɔ anhia nikye fee ɔ.’

Deuteronomi 23:5

Nakoso AWURADE wɔ Nyameɛ wandɛ Balaam so, na mmom AWURADE wɔ Nyameɛ kakyili ɛnomalɛ ne maa ɔyɛle saleɛ mane wɔ, ofikyɛ AWURADE wɔ Nyameɛ kuro wɔ dwirɛ.

Deuteronomi 28:6

“Ɛba awuro a, Nyameɛ koyira wɔ; yeɛ efite a, Nyameɛ koyira wɔ.

Deuteronomi 33:29

O Yisrael, anya saleɛ! Nwa yeɛ ɔne wɔ bɛte pɛ ɔ? Mmenia bɔ AWURADE ale bɛ ɔ, ɔte w’akokyɛm bɔ ɔbɔ wɔ nwo waen ɔ, ɔne wɔ ngonim ngrandɛ! Wɔ pɔfoɛ mɔ kɔbrɛ bɛ nwo ase wɔ wɔ nyunu, nakoso wɔ de, ekotiatia b’asɔneyɛɛ nemɔ aso.”

Deuteronomi 7:14

Ekonya saleɛ kɔtra maen biala, na bienzua anaa brasua biala ngɔyɛ mmotaen wɔ wɔ nu, anaa wɔ nyɛmmoa nu.