Numeri 21:9 - AHYERƐLƐ KRONGRON

⁹ Yiti Mose fale kɔɔbere yɔle ewoo ne. Ɔfa sinzele mbuna so; na sɛ ewoo ka ebie ná sɔ sona ne nea kɔɔbere ewoo ne a, onya ngoa.

Numeri 21:9 Iomraidhean Croise

2 Ahemvo 18:4

Otutuli asɔneyɛɛ nemɔ abo, obubuli bonima nemɔ, na ɔpepɛle Asera dosii nemɔ guale. Kɔɔbere ewoo bɔ Mose yɔle ne, obubuli nu. Ofikyɛ ɔbaadwu sɔ mmerɛ ne, né Yisraelfoɛ bɛyera ɛyɛɛ wɔ kɔɔbere ne aso bɛsɔne ye: né bɛfrɛ ye Nehustan.

Yesaya 45:22

“Aseɛ so maen maen amukoraa, ɛ́mɔsa bɛ si bɛ́bra me berɛ beenya ngoa! Ofikyɛ me yeɛ nde Nyameɛ ɔ, na ebiala nne berɛ ko.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Yohane 12:32

Na me de, sɛ bɛma me so befi aseɛ ye aso a, ngɔhwe mmenia mukoraa ngɔwa me nwo.”

Yohane 6:40

Ɛhe ole me Baba n’apɛdeɛ, kyɛ ebiala bɔ onwu Baa ne, ná ode ye di ne, okonya daa ngoa; na ngotingye ye wɔ ayieleɛ kyẽa ne.”

Romanfoɛ 1:17

Ofikyɛ nzɛmba ne kyire kyɛ, Nyameɛ siesie kuro sona ne ye afia maa bɛyɛ ko: na ɛhe gyi gyidie ngome so. Kyɛbɔ bahyerɛ kyɛ, “Teneneeniɛ de, ɔnate ye gyidie so yeɛ okonya ngoa ɔ.”

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

1 Yohane 3:8

Ebiala bɔ ɔyɔ bɔne te abɔnzam sona, ofikyɛ ofi ahyɛaseɛ ne yeɛ abɔnzam yɔ bɔne ɔ. Na ɔnate ɛhe ati yeɛ Nyameɛ Awa ne ɔɔlale ye nwo ali kyɛ ɔbaasɛkye abɔnzam nnwumaa.