Numeri 21:7 - AHYERƐLƐ KRONGRON

⁷ Yeɛ mmenia ne wale Mose berɛ beesele kyɛ, “Yayɔ bɔne kyɛ yadwudwo yatia AWURADE, ɔne wɔ ɔ; serɛ AWURADE maa ɔye ewoo nemɔ ofi yɛ wa hɔ.” Yiti Mose pale kyerɛ mane maen ne.

Numeri 21:7 Iomraidhean Croise

Gyenesise 20:17

Afei Abraham srɛle Nyameɛ, na Nyameɛ sale Abimɛlɛke ne ɔye ne ye afaneɛ mɔ anwonyerɛ, na afei bɛhora bɛwowole.

Gyenesise 20:7

Yiti sá fa biaa n’aye kɔma ye: ɔte ngɔmhyɛlɛniɛ, na okoli wɔ ti dwirɛ kɔma wɔ maa ekonya ngoa. Nakoso sɛ amva ye angɔ amma ye a, ye de kaye kyɛ ewue yeɛ ekowu ɔ, ɛne wɔ nwo ama ne wɔ nyɛmmoa mukoraati.”

1 Ahemvo 13:6

Yeɛ Nana Yeroboam sele Nyameɛ sona ne kyɛ, “Srɛ AWURADE wɔ Nyameɛ maa onwu me anwumvoin, ná bɔ mbaeɛ ma me maa me sa ne osa ɔyɛ paa.” Yiti Nyameɛ sona ne srɛle AWURADE mane Nana Yeroboam sa ne yɛle paa, na ɔyɛle kyɛ ye daa ne ala.

2 Ahemvo 13:4

Nakoso Yehoahase sũ frɛle AWURADE, na AWURADE tiele ye, ofikyɛ AWURADE nwuni kyɛbɔ Siria hene osi teetee Yisraelfoɛ ɔ.

YOB NWOMAA NE 42:10

Yob bɔle mbaeɛ mane ye damvo nemɔ yiele nen, AWURADE maa osa sili ye gya nu bieku. Bɔ né Yob ole ye daa ne amukoraa, AWURADE fale ye mmɔhoɛ nyɔ mane ye.

YOB NWOMAA NE 42:8

Yiti ɛ́mɔfa nandwie nyii nzoo ne mmoaen nyii nzoo, ná ɛmɔhɔ me somvoɛ Yob berɛ bɛɛbɔ ɛmɔ ti naen yeralɛ afɔleɛ. Me somvoɛ Yob kɔbɔ mbaeɛ kɔma ɛmɔ, ofikyɛ ngotie ye mbaeɛ, na mengogyina ɛmɔ ngwaseasɛm ne aso me ne ɛmɔ ngoli. Ofikyɛ ɛmɔanga me nwo dwirɛ nahorɛ nu, kyɛbɔ me somvoɛ Yob de waha ye nahorɛ nu ne.”

Edwein 106:23

Yiti ɔhane kyɛ okohũhũ bɛ. Nakoso Mose bɔ waneanea nu waye ye ne, ɔpale kyerɛ mane bɛ wɔ Nyameɛ nyunu, kyɛ ɔma ye ahone ɔtɔ nzue nu, ná nnɛmaa okũkũ bɛ.

Edwein 78:34

Ohuhuni bɛ ne, bɛpenane ye si atee; bɛsakyerale b’adwene bɛpenane Nyameɛ si atee yé paa.

Ɛksadɔso 10:17

Yiti mesrɛ wɔ, ɛhe angome de, fa me bɔne kyɛ me; na ɛ́mɔsrɛ AWURADE ɛmɔ Nyameɛ ne ma ɔye ewue he fi me so.”

Ɛksadɔso 32:11

Nakoso Mose pale AWURADE ye Nyameɛ kyerɛ kyɛ, “O AWURADE, wɔ mmenia bɔ ɛnate tumi piri ne anwoserɛ so ɛyele bɛ fili Misraim aseɛ so wale ne, nzu ati yeɛ afɛ bɛ so yaa piri sɔa ɔ?

Ɛksadɔso 32:30

Aleɛ hyene ne, Mose sele maen ne kyɛ, “Ɛmɔayɔ bɔne piri paa. Nakoso ngɔfo ngɔhɔ AWURADE berɛ kekesaala ye; ebiaa né mahora masrɛ ɛmɔ bɔne ne nwo mbata mama ɛmɔ.”

Ɛksadɔso 8:28

Na Faro sele kyɛ, “Ngɔmaa ɛmɔkɔɔbɔ afɔleɛ bɛkɔma AWURADE ɛmɔ Nyameɛ ne wɔ ɛserɛ so, nakoso nnɛma ɛmɔkɔ dedeede. Ɛ́mɔli me ti dwirɛ bɛma me.”

Ɛksadɔso 8:4

Na mborohyɛen nemɔ kɔwa wɔ so, wɔ mmenia ne wɔ mbanyi mukoraa so.’ ”

Ɛksadɔso 8:8

Afei Faro frɛle Mose ne Aarɔn sele bɛ kyɛ, “Ɛ́mɔserɛ AWURADE bɛma ɔye mborohyɛen nemɔ ofi me ne me mmenia so, na ngɔma Yisraelfoɛ kɔhɔ ná baabɔ afɔleɛ bama AWURADE.”

Yesaya 26:16

O AWURADE, bɛpenane wɔ si atee wɔ b’amaneɛnwunɛ nu, besu bɛfrɛle wɔ wɔ mmerɛ bɔ né ɛtwe bɛ so ɔ.

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Yeremia 37:3

Na Nana Sedekia somane Selemia awa Yehukale ne Maaseya awa ɔsɔfo Sefania wɔ Yeremia berɛ kyɛ, “Bɔ mbaeɛ kyire AWURADE yɛ Nyameɛ ma yɛ.”

Hosea 5:15

Ngosa ngɔhɔ m’atenaleɛ berɛ, kɔpem kyɛ bekole bɛ bɔne bɛkɔto nu, ná bɛkɔpena me si atee ɔ. B’amaneɛnwunɛ mmerɛ nu, bɛkɔpena me si atee ndɛndɛ.

Numeri 11:2

Nakoso mmenia ne sũ frɛle Mose. Mose srɛle AWURADE na see ne nuane.

Mateo 27:4

na ɔhane kyɛ, “Mayɔ bɔne kyɛ maye mogya bɔ odi be ɔ mama ɔ.” Na bebuale kyɛ, “Yɛ de, ɔfa yɛ nwo nzu? Wɔ yeɛ ɔte wɔ dwirɛ ɔ!”

Asomafoɛ 8:24

Na Simɔn sele Petro ne Yohane kyɛ, “Mepa ɛmɔ kyerɛ, ɛmɔbɔ mbaeɛ bɛsrɛ Awurade bɛma me, na bɔ ɛmɔaha ye anu biala ando me.”

Romanfoɛ 10:1

Nniɛma mɔ, m’ahone nu dwirɛ ne me mbaeɛ bɔ mebɔ mekyire Nyameɛ mema Yisrael ole kyɛ bekonya daa ngoa ɔ.

Deuteronomi 9:20

AWURADE fɛle Aarɔn so yaa piri paa bɔ ahaa oku ye ɔ, nakoso mbale kyerɛ mane Aarɔn koso sɔ mmerɛ ne.

Yakobo 5:16

Yiti ɛ́mɔkekã ɛmɔ mvomsoɛ behyirehyire ɛmɔ nwo, ná ɛ́mɔbobɔ mbaeɛ bɛma ɛmɔ nwo, amaa ɛmɔate apɔ. Na teneneeniɛ mbaeɛ bɔ nu yɛ se ne, ɔkora yɔ nikyee biala.

1 Samuel 15:24

Yeɛ Sɔɔlo sele Samuel kyɛ, “Mayɔ bɔne kyɛ mabu AWURADE mmeraa ne wɔ noa dwirɛ so ɔ, ofikyɛ nzurole koɛhonɛfoɛ nemɔ, na ndiele bɛ dwirɛ.

1 Samuel 15:30

Na Sɔɔlo buale ye kyɛ, “Mayɔ bɔne de, nakoso mesrɛ wɔ ala, nnɛgua me nyunu ase wɔ me maen mbanyi ne Yisrael nyunu. Ɛne me sa hɔ ma ngɔnzɔne AWURADE wɔ Nyameɛ.”