Numeri 21:5 - AHYERƐLƐ KRONGRON

⁵ Yisraelfoɛ dwudwole tiale Nyameɛ ne Mose kyɛ, “Nzu ati yeɛ ɛmɔaye yɛ bafi Misraim aseɛ so kyɛ yɛɛwuwu wɔ ɛserɛ ye aso ye? Ofikyɛ aleɛ ne nzue nne wa, na sɔ aleɛ tɛɛtɛɛ he abɔ yɛ.”

Numeri 21:5 Iomraidhean Croise

Edwein 68:6

Nyameɛ yeɛ ɔma sona bɔ olle bie ɔ awuro maa ɔtena nu ɔ; ɔye kukunufoɛ fite maa oyie bɛ yé, nakoso ɛlɔenyɛlɛfoɛ de, bɛtena aseɛ katerepee so.

Edwein 78:19

Bedwudwo betiale Nyameɛ kyɛ, “Aso Nyameɛ kɔhora kɔma yɛ aleɛ wɔ ɛserɛ so?

Ɛksadɔso 14:11

Na besele Mose kyɛ, “Asieleɛ mɔ nne Misraim hɔ ɔ, bɔ yiti yeɛ afa yɛ awa kyɛ yɛɛwuwu yɛgua ɛserɛ ye aso ye? Ɛɛyele yɛ fili Misraim ne, bɔ amaa wato yɛ hɔ ɛne?

Ɛksadɔso 15:24

Na mmenia ne penepenene bɛ komvi beguale Mose so kyɛ, “Nzue beni yeɛ yɛ́nya ye yɛ́no ɔ?”

Ɛksadɔso 16:15

Na Yisraelfoɛ nwuni ye sɔ nen, bebisabisale bɛ nwo ngoko ngoko kyɛ, “Nzikyɛ nikyee ɛhe?” Ofikyɛ né bɛnze nikye horɛ. Na Mose sele bɛ kyɛ, “Aleɛ bɔ AWURADE afa ama ɛmɔ kyɛ ɛmɔli hɔ ɛne.

Ɛksadɔso 16:31

Yisraelfoɛ frɛle aleɛ ne mana. Né ɔte kyɛ mviɛlɛ, fitaa, na ye fɛɛ te kyɛ apiti bɔ woɛ wɔ nu ɔ.

Anyandera 27:7

Sona ko yi a, woɛ nyɛ ye akɔnnɔ; nakoso bɔ ɛhɔen ku ye de, aleɛ weewee biala yɛ ye fɛ.

Hesekiel 20:21

Nakoso mmaa nemɔ yɛle me nwo lɔen; banni m’ahyɛdeɛ so, yeɛ me mmeraa ne bɔ sona di so a onya ngoa ne, ye koso banni so; na m’afofingyẽa ne koso, beguale bɛ nwo fiɛ. Yiti ngane kyɛ: Ngɔma m’ahone kohu bɛ so, na ngɔma me yaafɛlɛ ne kɔyɔ bɛ nwo adwuma koyie wɔ ɛserɛ ne aso.

Numeri 11:20

na mmom ɛmɔkoli ye bosome ko mumua, kɔpem kyɛ ɔkɔfa ɛmɔ bonyi anu, ná wabɔ ɛmɔ ɔ, ofikyɛ ɛmɔapo AWURADE bɔ ɔne ɛmɔ te ne, na ɛmɔabɔ awuye wɔ ye nyunu kyɛ, ‘Nzu ati po yeɛ yɛtu yɛfili Misraim ye?’ ”

Numeri 16:41

Nakoso aleɛ hyene ne, maen ne amukoraati bɛpenepenene bɛ komvi beguale Mose ne Aarɔn so kyɛ, “Ɛmɔahu AWURADE mmenia.”

Numeri 17:12

Yisraelfoɛ sele Mose kyɛ, “Yawu oo, yawu yayie, yɛ mukoraa yawu yayie!

1 Korintofoɛ 10:9

Nnɛmɔma yɛso Kristo yɛnea kyɛbɔ bɛ nu biemɔ yɔle ná ewoo kekale bɛ maa bewuwuli ne.