Numeri 21:34 - AHYERƐLƐ KRONGRON

³⁴ Nakoso AWURADE sele Mose kyɛ, “Nnɛsuro ye, ofikyɛ mafa ye mawura wɔ sa, ɔne ye mmenia amukoraa ne ye aseɛ amukoraa. Na kyɛbɔ ɛyɔle Amori hene Sihon bɔ né odi bia wɔ Hesebon ne, sɔ ala yeɛ ɛkɔfa kɔyɔ ye ɔ.”

Numeri 21:34 Iomraidhean Croise

2 Samuel 5:19

Na Dawide bisale AWURADE kyɛ, “Mva koɛ ngɔndoa Filistifoɛ anaa? Ɛkɔfa bɛ kowura me sa anaa?” Yeɛ AWURADE buale Dawide kyɛ, “Kɔ, ngɔfa Filistifoɛ ngowura wɔ sa amba.”

1 Ahemvo 20:13

Afei ngɔmhyɛlɛniɛ bie wale Yisrael hene Ahabo berɛ oosele ye kyɛ, “AWURADE nwa nyoo, ‘Anwu ɛlɔen kandinga he amukoraa? Tie, ngɔfa bɛ ngowura wɔ sa ɛnɛ, na ekonwu kyɛ me ole AWURADE.’ ”

1 Ahemvo 20:28

Nyameɛ sona bie hɔle Yisrael hene berɛ oosele ye kyɛ, “AWURADE nwa: Ɔnate kyɛ Siriafoɛ bahã kyɛ me AWURADE nde mmokaa so Nyameɛ na mmom nnde bɔnza nu Nyameɛ ne ati, yiti ngɔfa ɛlɔen kandinga he amukoraa ngowura wɔ sa, amaa ɛmɔanwu kyɛ me ole AWURADE.”

2 Ahemvo 3:18

Ɛhe te nikyee kaaba koraa wɔ AWURADE nye so, ofikyɛ ɔkɔfa Moabo kowura ɛmɔ sa koso.

Yesaya 41:13

Ofikyɛ me, AWURADE wɔ Nyameɛ, ndira wɔ sa famaa, na me yeɛ mekã mekyire wɔ kyɛ, ‘Nnɛsuro, na ngɔboka wɔ.’

Numeri 14:9

Mmom, nnɛma ɛmɔdwɔso betia AWURADE, yeɛ nnɛma ɛmɔsuro aseɛ ne aso ama, ofikyɛ bɛte yɛ sa nu ngwadaa koraa. AWURADE bɔ ɔbɔ bɛ nwo waen ne, waye ye sa wafi bɛ bo, nakoso yɛ de, AWURADE gyi yɛ si; nnɛma ɛmɔsuro bɛ.”

Numeri 32:4

AWURADE lili sɔ aseɛ nemɔ aso ngonim wɔ Yisraelfoɛ nyunu. Ɔte aseɛ paa ma nyɛmmoa, na wɔ ngoaa koso yɛle nyɛmmoa.”

Deuteronomi 2:30

Nakoso Hesebon hene Sihon wambene kyɛ yɛkɔfa ye aseɛ aso ɔ, ofikyɛ AWURADE wɔ Nyameɛ mane ye so yɛle se, maa obubuli mmakaa tuale ye so, amaa ɔnate so wafa ye wawura wɔ sa, kyɛbɔ kekesaala ye wayɔ ye.

Deuteronomi 20:3

Ɔ́ha hyire bɛ kyɛ, ‘Yisrael, tie, ɛnɛ kyẽa ye, ɛne wɔ pɔfoɛ mɔ bɛkwaaho koɛ. Nnɛma wɔ kunu tete wɔ, nnɛsuro, nnɛma wɔ nwo wosowoso wɔ, yeɛ nnɛma bɛ nwo suronyi tɔ wɔ so.

Deuteronomi 3:1

Afei yɛkakyili yɛ nwo yɛfale yɛ nye yɛhyirele Basan, na Basan hene Ogo wale yɛ so, ɔne ye lɔen amukoraati, kyɛ bɛ ne yɛ baaho koɛ wɔ Yedrei.

Deuteronomi 3:11

Refaimfoɛ bɛ bosofoɛ ne, né Basan hene Ogo ngome twe yeɛ waha ɔ. Né ye mba te buralɛ. Ye tendenn nu te agyirɛ ngona, yeɛ ye tɛtrɛtɛɛ nu te agyirɛ nna, kyɛbɔ sona agyirɛ nzusuleɛ te ɔ. Na ɔtɛ gyi Amonfoɛ kuro Raba so.

Deuteronomi 31:6

Ɛ́mɔgyina pindinn, ná ɛ́mɔma ɛmɔ ahone yɛ se. Nnɛma ɛmɔsuro, yeɛ nnɛmɔma bɛ nwo suronyi tɔ ɛmɔ so, ofikyɛ AWURADE wɔ Nyameɛ ne, ye yeɛ ɔne wɔ nate ɔ. Ongoli wɔ ngasi, yeɛ ɔngɔyakyi wɔ nu.”

Deuteronomi 7:17

“Ebiaa ɛkɔha ye wɔ wɔ ti anu kyɛ, ‘Maen hemɔ bɛsone bɛtra me; ɔkɔyɛ sɛɛ né mahora mafoa bɛ mafi berɛ?’

Deuteronomi 7:18

Nakoso nnɛsuro bɛ, na mmom kaye bɔ AWURADE wɔ Nyameɛ fa yɔle Faro ne Misraim amukoraati ne,

Deuteronomi 7:21

Nnɛma bɛ nwo suronyi tɔ wɔ so, ofikyɛ AWURADE wɔ Nyameɛ bɔ ogyi wɔ si ne, ɔte Nyameɛ bɔ ɔte piri, bɔ ye nwo yɛ suro ɔ.

Deuteronomi 7:24

Ɔkɔfa bɛ hene mɔ kowura wɔ sa, na odi kyɛ ɛma bɛ dumaa mini fi aseɛ ye aso. Na sona biala ngɔhora wɔ nyunu gyina kɔpem kyɛ ekohũhũ bɛ ɔ.

Yosua 10:25

Na Yosua sele safohene nemɔ kyɛ, “Nnɛma ɛmɔsuro, yeɛ nnɛmɔma ɛmɔ kunu tete ɛmɔ; ɛ́mɔgyina pindinn ná ɛmɔma ɛmɔ ahone yɛ se; ofikyɛ ɛmɔ pɔfoɛ amukoraati bɔ ɛmɔ ne bɛ kɔho ne, sɔ yeɛ AWURADE kɔfa kɔyɔ bɛ ɔ.”

Yosua 10:8

Na AWURADE sele Yosua kyɛ, “Nnɛsuro bɛ, ofikyɛ mafa bɛ mawura wɔ sa; na bɛ nu ko po ngɔhora ngogyina wɔ nyunu.”

Yosua 8:7

na ɛmɔ koso, odi kyɛ ɛmɔfi nekaa bɔ ɛmɔtetɛ ne befite, ná ɛmɔkɔfa kuro ne; ofikyɛ AWURADE ɛmɔ Nyameɛ kɔfa kɔma ɛmɔ.

Maenbulɛfoɛ 11:30

Na Yɛfeta hyɛle AWURADE bɔ kyɛ, “Sɛ ɛfa Amonfoɛ wura me sa a,

1 Samuel 23:4

Dawide bisale AWURADE bieku. Na AWURADE buale ye kyɛ, “Kɔ. Kɔ Keila, na ngɔfa Filistifoɛ ngowura wɔ sa.”