Numeri 21:26 - AHYERƐLƐ KRONGRON

²⁶ Ofikyɛ Hesebon te Amorifoɛ hene Sihon ye ahenguro. Né ɔne Moabo hene daa baho maa wale ye aseɛ amukoraa toonn waadwu asue Anɔn.

Numeri 21:26 Iomraidhean Croise

Edwein Nu Dwein 7:4

Wɔ kɔme te kyɛ abandenden bɔ bafa ɛsoen gye bayɔ ɔ, wɔ nye mma te kyɛ Hesebon ɛkwaa bɔ ɔwɔ Bate Rabim pambim ne anwo ɔ. Wɔ bonyi te kyɛ Lebanon abandenden bɔ ye nye kyire Damasko ne.

Edwein Nu Dwein 7:5

Wɔ ti bɔ otua so ne, ɔte kyɛ Kamɛl bokaa, wɔ ti nwiaa te kyɛ serekye, na ye mmɛsa ne, ɔma ɛhene ne tena a ɔndena.

Yeremia 48:2

Bɛngɔkamvo Moabo ko. Bɛbɔle ye nwo porɛ wɔ Hesebon kyɛ, ‘Ɛmɔbra maa yɛnua ye boso, bɔ ɔngɔyɛ maen ko ɔ!’ Wɔ, kuro bɔ bɛfrɛ wɔ Mademen koso, bɛkɔmaa ɛkɔhã wɔ noa kɔto nu, na ngrandɛ ne kɔfoa wɔ.

Yeremia 48:20

Moabo nyunu agua ase, ofikyɛ badwiri ye bagua ase: ɛ́mɔbɔ awuye ná ɛ́mɔsu! Ɛ́mɔbɔ ye dawure wɔ Anɔn kyɛ Moabo abɔ.

Yeremia 48:45

“Bɛ bɔ bɛnwatili ne, bɛɛbɔle bɛ nwo adwaa wɔ Hesebon fɔnwoo nu, ɔnate b’anwoserɛ bɔ wayie ne ati. Nakoso see kofi Hesebon kɔwa, na see bɔ ogye kofi Sihon kɔwa kɔɔyera Moabo ye nwoma so, ɔne basabasayɔlɛfoɛ bɛ ti afia.

Numeri 21:25

Yisrael fale nguro sɔ ne amukoraati, na Yisraelfoɛ tenatenane Amorifoɛ nguro nemɔ amukoraa so, wɔ Hesebon ne ye nguraa amukoraa nu.

Numeri 21:27

Yiti edweintolɛfoɛ nemɔ ka kyɛ, “Ɛmɔbra Hesebon. Maa besa bɛkyekye kuro ne, maa bɛpagya Sihon kuro ne besie berɛ.

Deuteronomi 1:4

Na sɔ mmerɛ ne, Amorifoɛ hene Sihon bɔ né odi hene Hesebon ne, ɔne Basan hene Ogo bɔ né odi hene Astarote ne Yedrei ne, né wali moa wali bɛ so ngonim.

Yosua 13:16

B’aseɛ ne, ye noa hyɛ ye bo fi Aroye bɔ ɔwɔ Anɔn bɔnza noa, ɔne kuro bɔ ɔwɔ bɔnza ne afia ne, ɔne bokaa frɛtɛɛ ne amukoraa bɔ ɔkwaadwu Medeba;

Yosua 13:17

Hesebon ne ye nguro amukoraa bɔ bɛwɔ bokaa frɛtɛɛ ne aso ne: Dibɔn, Bamote Baal ne Betebaal Meon;

Yosua 13:25

B’aseɛ ne noa fa Yasere, Gileade nguro ne amukoraa, ɔne Amonfoɛ aseɛ ne bue, toonn bɔ ɔkwaadwu Aroye bɔ ɔwɔ Raba eyia afiteleɛ ne;

Yosua 21:39

Hesebon, Yasere. Bɛte nguro nna.

Maenbulɛfoɛ 11:26

Afoɛ ɛyaa nza ɛhe yeɛ Yisrael atena Hesebon ne ye nwo nguraa mɔ nu, Aroye ne ye nwo nguraa mɔ nu, ɔne asue Anɔn noa nguro amukoraa nu ɔ. Nzu ati yeɛ sɔ mmerɛ ne, ɛmɔanne aseɛ ne bamvi bɛ sa nu ɔ?