Numeri 21:25 - AHYERƐLƐ KRONGRON

²⁵ Yisrael fale nguro sɔ ne amukoraati, na Yisraelfoɛ tenatenane Amorifoɛ nguro nemɔ amukoraa so, wɔ Hesebon ne ye nguraa amukoraa nu.

Numeri 21:25 Iomraidhean Croise

Edwein Nu Dwein 7:4

Wɔ kɔme te kyɛ abandenden bɔ bafa ɛsoen gye bayɔ ɔ, wɔ nye mma te kyɛ Hesebon ɛkwaa bɔ ɔwɔ Bate Rabim pambim ne anwo ɔ. Wɔ bonyi te kyɛ Lebanon abandenden bɔ ye nye kyire Damasko ne.

Yesaya 15:4

Hesebon ne Eleale besu serɛserɛ, bɛte bɛ suɛ alaa kodwu Yahase, yiti Moabo koɛhonɛfoɛ nemɔ bɛteatea nu, na ye nwo ngaka anwati.

Yeremia 48:2

Bɛngɔkamvo Moabo ko. Bɛbɔle ye nwo porɛ wɔ Hesebon kyɛ, ‘Ɛmɔbra maa yɛnua ye boso, bɔ ɔngɔyɛ maen ko ɔ!’ Wɔ, kuro bɔ bɛfrɛ wɔ Mademen koso, bɛkɔmaa ɛkɔhã wɔ noa kɔto nu, na ngrandɛ ne kɔfoa wɔ.

Yeremia 48:34

“Bɛteatea nu befi Hesebon bekodwu Eleale ne Yahase. Bɛteatea nu befi Soa bekodwu Horonaim ne Eglate Selisiya, ofikyɛ Nimrim nzue po wawewe.

Yeremia 48:45

“Bɛ bɔ bɛnwatili ne, bɛɛbɔle bɛ nwo adwaa wɔ Hesebon fɔnwoo nu, ɔnate b’anwoserɛ bɔ wayie ne ati. Nakoso see kofi Hesebon kɔwa, na see bɔ ogye kofi Sihon kɔwa kɔɔyera Moabo ye nwoma so, ɔne basabasayɔlɛfoɛ bɛ ti afia.

Hesekiel 16:46

Eliɛma brasua panyi ole Samaria, bɔ ɔne ye mma mmrasua bɛte wɔ sa bɛen so dɔ ne. Yeɛ eliɛma brasua kãa ole Sodom, bɔ ɔne ye mma mmrasua bɛte wɔ sa famaa so dɔ ne.

Hesekiel 16:49

Tie, eliɛma brasua Sodom ye amumuyɛɛ ɛhe: ɔne ye mma mmrasua mɔ bɛyɛle ahandaen, adidi mmorosoɛ, benyane bɛ nwo mane bɛ so anu tɔle bɛ, yeɛ bammoka ehiafoɛ ne bɛ bɔ bɛyɛ anwumvo ɔ.

Hesekiel 16:53

“Ngɔma bɛ sa kosa kɔhã b’agyapadeɛ. Sɔ yeɛ ngɔyɛ Sodom ne ye mma mmrasua mɔ ɔ, yeɛ Samaria ne ye mma mmrasua mɔ, na wɔ koso sɔ ala yeɛ ngɔyɛ wɔ wɔ bɛ nu ɔ,

Amose 2:10

Afei koso, nyele ɛmɔ mvili Misraim aseɛ so, na nnili ɛmɔ nyunu mvale ɛmɔ mvale ɛserɛ so afoɛ aburanna, kyɛ ɛmɔɔfa Amoriniɛ n’aseɛ ne bɛyɛ ɛmɔ deɛ.

Numeri 21:26

Ofikyɛ Hesebon te Amorifoɛ hene Sihon ye ahenguro. Né ɔne Moabo hene daa baho maa wale ye aseɛ amukoraa toonn waadwu asue Anɔn.

Numeri 21:31

Yiti Yisrael tenane Amorifoɛ aseɛ ne aso.

Numeri 32:3

“Atarote, Dibɔn, Yasere, Nimra, Hesebon, Eleale, Sebam, Nebo ɔne Beon:

Deuteronomi 2:12

Daa ne de, né Horifoɛ yeɛ bɛte Sɛre ɔ, nakoso Yisɔ bosofoɛ tuli bɛ fili berɛ. Behuhuni bɛ, na bɛtenane b’aseɛ ne aso, kyɛbɔ Yisraelfoɛ yɔle ye wɔ aseɛ bɔ AWURADE fa mane bɛ kyɛ bɛfa ne aso ne.)

Yosua 24:8

Afei Amorifoɛ bɔ né bɛte Yɔɔdan si dɔ ne, mvale ɛmɔ male b’aseɛ so. Bɛ ne ɛmɔ hone, na mvale bɛ nwurale ɛmɔ sa. Ɛmɔfale b’aseɛ ne, na ngukuni bɛ mvili ɛmɔ nyunu.

Maenbulɛfoɛ 11:26

Afoɛ ɛyaa nza ɛhe yeɛ Yisrael atena Hesebon ne ye nwo nguraa mɔ nu, Aroye ne ye nwo nguraa mɔ nu, ɔne asue Anɔn noa nguro amukoraa nu ɔ. Nzu ati yeɛ sɔ mmerɛ ne, ɛmɔanne aseɛ ne bamvi bɛ sa nu ɔ?