Numeri 21:24 - AHYERƐLƐ KRONGRON

²⁴ Yisrael le ngrandɛ huni ye, na bɛfale ye aseɛ ne fite asue Anɔn kɔpem Yabɔko, toonn kɔpem Amorifoɛ nemɔ dɔ; ofikyɛ né Amorifoɛ nemɔ abɔ b’ɛwɛen ne anwo waen pambee.

Numeri 21:24 Iomraidhean Croise

Gyenesise 32:22

Sɔ kɔngɔen ne ala, Yakob dwɔsole, na ɔfale ɔye nemɔ amunyɔ, ye afaneɛ nyɔ nemɔ ɔne ye mma buru ne ko ne, na ɔfale bɛ pɛle asue Yabɔko wɔ ye apɛleɛ so.

Nehemia 9:22

Ɛfale ahennie ne maen maen mɔ mane bɛ, na ɛmane wɔ mmenia tenane aseɛ ne aso nekaa biala, maa ɔnate so bɛho bɛfale Hesebon hene Sihon aseɛ ne, yeɛ Basan hene Ogo aseɛ ne.

Edwein 136:19

Amorifoɛ hene Sihon, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Amose 2:9

Nakoso Amoriniɛ bɔ ye tendenn te kyɛ sida bakaa ne, bɔ ye nwo yɛ se kyɛ eluii ne, nguni ye wɔ bɛ nyunu. Nzɛkyele ye mmakaammaa wɔ anwuro, yeɛ nzɛkyele ye ndii wɔ ye bo.

Numeri 21:13

Befili berɛ ne, besili nu, na bɛɛkyekyele asikyeleɛ wɔ asue Anɔn ye bue dɔ, wɔ ɛserɛ bɔ ɔtrɛ fi Amorifoɛ ɛwɛen so ne aso; ofikyɛ asue Anɔn yeɛ ɔte Moabo ne Amorifoɛ b’ɛwɛen ɔ.

Deuteronomi 1:4

Na sɔ mmerɛ ne, Amorifoɛ hene Sihon bɔ né odi hene Hesebon ne, ɔne Basan hene Ogo bɔ né odi hene Astarote ne Yedrei ne, né wali moa wali bɛ so ngonim.

Deuteronomi 29:7

Mmerɛ bɔ ɛmɔdwuli wa nen, Hesebon hene Sihon ne Basan hene Ogo fale koɛ bɛɛtetale yɛ, nakoso yɛlili bɛ so ngonim.

Deuteronomi 3:16

Na mvale aseɛ bɔ ofi Gileade ɔkwaadwu Anɔn bɔnza ne anu mane Rubenfoɛ ne Gadefoɛ. (Bɔnza ne afia yeɛ ɔte ɛwɛen ɔ). Na ɔtrɛ kodwu Yabɔko bɔnza bɔ ɔte Amonfoɛ ɛwɛen ne aso.

Deuteronomi 31:4

Nikyee bɔ AWURADE fa yɔle Amorifoɛ ahemvo Sihon ne Ogo, bɔ ɔsɛkyele bɛ ne b’aseɛ ne, sɔ ala yeɛ ɔkɔfa kɔyɔ maen maen hemɔ ɔ.

Deuteronomi 4:46

wɔ asue Yɔɔdan si, bɔnza ne anu, wɔ Bete Peɔ ndendeneɛ so, wɔ Amorifoɛ hene Sihon bɔ né odi hene wɔ Hesebon n’aseɛ so. Ye yeɛ Mose ne Yisraelfoɛ lili ye so ngonim wɔ mmerɛ bɔ befili Misraim bɛwale ne ɔ.

Yosua 13:12

Ogo bɔ olili hene wɔ Astarote ne Yedrei ne, ye maen amukoraa bɔ ɔwɔ Basan (Refaim bosofoɛ ne, né waha ye ngome). Né Mose ali moa wali sɔ ahemvo nemɔ so ngonim watu bɛ wafi berɛ.

Yosua 24:8

Afei Amorifoɛ bɔ né bɛte Yɔɔdan si dɔ ne, mvale ɛmɔ male b’aseɛ so. Bɛ ne ɛmɔ hone, na mvale bɛ nwurale ɛmɔ sa. Ɛmɔfale b’aseɛ ne, na ngukuni bɛ mvili ɛmɔ nyunu.

Yosua 9:10

ɔne nikyee biala bɔ ɔfa yɔle Amorifoɛ ahemvo nyɔ nemɔ: Sihon ne Hesebon bɔ né bɛwɔ Yɔɔdan si dɔ ne, ɔne Basan hene Ogo bɔ né ɔte Astarote ne.

Maenbulɛfoɛ 10:11

Na AWURADE sele Yisraelfoɛ kyɛ, “Aso manne ɛmɔ mamvi Misraimfoɛ, Amorifoɛ, Amonfoɛ ne Filistifoɛ bɛ sa nu?

Maenbulɛfoɛ 11:13

Na Amonfoɛ hene buale Yɛfeta ɛbɔfoɛ nemɔ kyɛ, “Ofikyɛ Yisrael fili Misraim wale ne, oolele m’aseɛ bɔ ofi asue Anɔn ɔkwaadwu asue Yabɔko ɔne asue Yɔɔdan noa fili me sa nu. Yiti sɛ enguro wɔ nwo dwirɛ a, sa fa me nikyee ma me.”

Maenbulɛfoɛ 21:8

Na bebisale kyɛ, “Yisrael mmusua kure ne, aso nu bie wamma AWURADE nyunu wɔ Misepa anaa?” Benwuni kyɛ ebiala wamvi Yabese Gileade wamma dwaabɔlɛ ne bie wɔ asikyeleɛ ne anu.