Numeri 21:2 - AHYERƐLƐ KRONGRON

² Yeɛ Yisrael hyɛle AWURADE bɔ kyɛ, “Sɛ ɛkɔfa mmenia hemɔ kowura yɛ sa amba a, ye de yɛkɔsɛkye bɛ nguro mɔ bɔkɔɔ.”

Numeri 21:2 Iomraidhean Croise

Gyenesise 28:20

Yeɛ Yakob hyɛle Nyameɛ bɔ kyɛ, “Sɛ Nyameɛ kogyina me si, na ɔkɔnea me so wɔ m’ateetulɛ ye anu, na ɔkɔma me aleɛ maa ngoli ɔne ɛtena maa ngɔhera,

Edwein 116:18

Ngotua m’aboadeɛ ngɔma AWURADE, wɔ ye mmenia amukoraa bɛ nyunu,

Edwein 132:2

kyɛbɔ ɔtale ndaen hyirele AWURADE, ná ɔhyɛle Yakob ye Tuminiɛ ne bɔ kyɛ,

1 Korintofoɛ 16:22

Sɛ ebie nguro Awurade Yesu Kristo dwirɛ a, musue to ye! Y’Awurade bra! (Maranata).

Deuteronomi 13:15

ye de ɔsɛ kyɛ ɛfa ngrandɛ kuku kuro ne aso ama. Sɛkye kuro ne bɔkɔɔ, nu nningyein amukoraati, nu mmenia ne nu nyɛmmoa.

Deuteronomi 13:16

Koɛ nu nzesadeɛ bɔ ekonya ye kuro ne anu ne, boaboa ye mukoraati noa wɔ dwaaso, ná afei fa see yera kuro ne ɔne nu nzesadeɛ ne ma ɔyɛ afɔleɛ mumua yeralɛ ma AWURADE wɔ Nyameɛ. Na ɔkɔyɛ kurofoen, bɔ bɛngɔkyekye ye ko le ɔ.

Deuteronomi 20:16

Nakoso maen maen hemɔ bɛ nguro bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ nen, nnɛma nu nikyee biala bɔ nwomeɛ wɔ ye nu onya ngoa.

Deuteronomi 7:2

ná sɛ AWURADE wɔ Nyameɛ fa bɛ wura wɔ sa, ná edi bɛ so ngonim a, ye de ɔsɛ kyɛ ekuku bɛ bɔkɔɔ. Nnɛne bɛ yɛ apam, yeɛ nnɛnwu bɛ anwumvoin.

Yosua 6:17

Ɔsɛ kyɛ ɛmɔsɛkye kuro ne ɔne nu nningyein amukoraati bɔkɔɔ maa ɔyɛ afɔleɛ ma AWURADE. Sana gyanderaniɛ Rahabo ngome, ɔne mmenia bɔ bɛwɔ ye awuro berɛ amukoraati yeɛ bekonya bɛ ti bekodidi nu ɔ, ofikyɛ ye yeɛ ɔfale ɛbɔfoɛ mɔ bɔ yɛsomane bɛ ne feale ɔ.

Yosua 6:26

Sɔ mmerɛ ne, Yosua payele kyɛ, “Sona biala bɔ ɔkɔkyekye Yeriko kuro he bieku nen, AWURADE prápra musue ógua ye so; sɛ ɔ́to kuro ne fapem a, ɔkɔfa ye bamuɛbaa yeɛ ɔkɔpɛ so ɔ, yeɛ sɛ ótuatua ye pambim mɔ a, ɔkɔfa ye kasiɛ yeɛ ɔkɔpɛ so ɔ!”

Maenbulɛfoɛ 11:30

Na Yɛfeta hyɛle AWURADE bɔ kyɛ, “Sɛ ɛfa Amonfoɛ wura me sa a,

1 Samuel 1:11

Na Hana hyɛle bɔ kyɛ, “O Asafo AWURADE, sɛ ahaa ɛkɔpɛ wɔ nye kɔnea w’afaneɛ aworabɔlɛ, ná ɛkɔkaye me, ná amma wɔ wora amvi w’afaneɛ, ná mmom ɛma w’afaneɛ baa bienzua a, ye de ngɔfa ye ngɔma wɔ AWURADE mmerɛ amukoraa bɔ ɔte ase ɔ; na dɛmaa biala ngɔtɔ ye ti so.”