Numeri 21:16 - AHYERƐLƐ KRONGRON

¹⁶ Befili berɛ ne, bɛtoale so bɛhɔle Beɛ, abura bɔ ye nwo berɛ yeɛ AWURADE sele Mose kyɛ, “Boaboa mmenia ne noa, na ngɔma bɛ nzue” ne.

Numeri 21:16 Iomraidhean Croise

Gyenesise 21:19

Afei Nyameɛ bukyele Hagar nye, na onwuni abura bie; ɔɔsale nzue ne bie guale kɔndoa ne anu, na ɔmane akwadaa ne bie maa ɔnone.

Ɛksadɔso 17:6

Tie, ngoogyina wɔ nyunu wɔ dɔ, wɔ nyɔbotaen ne aso wɔ Horebo. Fa fĩ nyɔbotaen ne aso, na nzue kofi nu kɔwa kɔma mmenia ne konya bie kɔno.” Na Mose yɔle sɔ wɔ Yisrael mbanyi nemɔ nyunu.

Yesaya 12:3

Ɛmɔkɔfa anigye yeɛ bɛkɔto nzue bekofi ngoalelɛ abura mɔ nu ɔ.

Yesaya 15:8

Ofikyɛ esuɛ ne adwu Moabo aseɛ so amukoraa, ye awuyebɔlɛ ne adwu Eglaim, awuyebɔlɛ ne adwu Beɛ Elim.

Yesaya 43:20

Eburo ngaka kɔhyɛ me animnyam, ɛserɛ so ngyea ne soholi koso bɛkɔyɔ sɔ ala, ofikyɛ mema nzue ba ɛserɛ so, yeɛ mema asue mɔ bɛba aseɛ pralaa so, kyɛ mefa mema me maen bɔ maneanea nu maye ye ne maa ɔno,

Yesaya 49:10

Ɛhɔen anaa nzuhɔen ngohũ bɛ, mvrama hyerɛhyerɛ ne eyia ngɔbɔ bɛ, ofikyɛ, bɔ onwu bɛ anwumvoin ne, ɔkɔyɛ bɛ taataa, na mbombonzue nwo yeɛ okoli bɛ nyunu kɔfa bɛ kɔhɔ ɔ.

Numeri 20:8

Fa pɔmaa ne, ná ɛne eliɛma Aarɔn bɛboaboa mmenia ne anoa. Bɛ nyunu berɛ ala, ɛ́mɔdwudwo béhyire nyɔbotaen ne maa opu ye nzue bra. Ɛhe kɔmaa ekonya nzue kofi nyɔbotaen ne anu kɔma bɛ; ɔnate so ɛkɔmaa mmenia nemɔ ne bɛ nyɛmmoa konya nzue bɛkɔno.

Numeri 33:46

Betuli bɛ bo befili Dibɔn Gade na bɛɛkyekyele asikyeleɛ wɔ Almɔn Diblatayim.

Yohane 4:10

Na Yesu buale ye kyɛ, “Sɛ ɛse Nyameɛ akyɛdeɛ ne, ɔne bɔ ɔkã kyire wɔ kyɛ, ‘Ma me nzue ne bie ma nno’ a, ahaa asrɛ ye, ná wama wɔ ngoa nzue.”

Yohane 4:14

Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.”

Nyekyire 21:6

Na osele me kyɛ, “Wayie! Me ole Alfa ne Omega, Ahyɛaseɛ ne Ayieleɛ. Ebiala bɔ nzuhɔen ku ye ne, ngɔfa ngoa asue ti nu nzue ngɔma ye kyɛkyɛ.

Nyekyire 22:1

Afei ohyirele me ngoa nzue asue bɔ ye nye te kaenn kyɛ neanu, bɔ ɔtengyɛ fi Nyameɛ ne Boaen Ba n’ahennie bia ne anu

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.

Maenbulɛfoɛ 9:21

Afei Yotam nwati hɔle Beɛ ɔɔtenane berɛ; ofikyɛ né osuro oliɛma Abimɛlɛke.