Numeri 21:14 - AHYERƐLƐ KRONGRON

¹⁴ Yiti yeɛ baha ye wɔ AWURADE Koɛ Nwo Nwomaa ne anu kyɛ, “Wahebo bɔ ɔwɔ Sufa ɔne bɔnza nemɔ anu. Asue Anɔn

Numeri 21:14 Iomraidhean Croise

2 Samuel 1:18

Ɔhyɛle kyɛ edwein bɔ bɛfrɛ ye Agyaen nwo Dwein ne, behyire Yudafoɛ. Na bahyerɛ ye wɔ Yasa Nwomaa ne anu kyɛ,

Yesaya 16:2

Kyɛbɔ nnomaa mmaa bɔ bafoa bɛ bafi bɛ saen nu bɔ bekyinikyini ne bɛte ne, sɔ yeɛ Moabo mma mmrasua nemɔ bɛkɔyɛ wɔ Anɔn apɛleɛ ɔ.

Numeri 21:13

Befili berɛ ne, besili nu, na bɛɛkyekyele asikyeleɛ wɔ asue Anɔn ye bue dɔ, wɔ ɛserɛ bɔ ɔtrɛ fi Amorifoɛ ɛwɛen so ne aso; ofikyɛ asue Anɔn yeɛ ɔte Moabo ne Amorifoɛ b’ɛwɛen ɔ.

Numeri 21:15

ɔne bɔnza nemɔ ndoroleɛ, bɔ ɔtrɛ kɔ Are aseɛ bɔ mmenia wɔ so, bɔ ɔla Moabo ɛwɛen so ne.”

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Deuteronomi 2:24

Na AWURADE sele kyɛ, ‘Ɛ́mɔdwɔso bɛ́toa ɛmɔ atee ne aso bɛɛpɛ asue Anɔn bɔnza ne. Tie, Hesebon hene Sihon bɔ ɔte Amoriniɛ ne, mafa ye ne ye aseɛ mawura wɔ sa. Fa koɛ toa ye, ná hyɛ ye bo kyɛ ɛkɔfa aseɛ ne ɔ.

Yosua 10:13

Yiti eyia gyinane neka horɛ, na ɛsraen angɔ moa ko, kɔpem kyɛ Yisraelfoɛ tɔle bɛ pɔfoɛ mɔ so wereɛ ɔ. Sɔ dwirɛ he, aso bangyerɛ ye wɔ Yasa nwomaa ne anu? Eyia gyinane afia neka horɛ wɔ ewienu, na kɔyɛ kyẽa ko mumua, wambepere ye nwo kyɛ ɔkwaatɔ ɔ.

1 Samuel 18:17

Afei Sɔɔlo sele Dawide kyɛ, “Nea, mma brasua panyi Merabo ɛhe. Ngɔfa ye ngɔmaa ekogya, nakoso sana etu wɔ nwo sie berɛ ma me, ná ɛko AWURADE koɛ ne.” Né Sɔɔlo adwene ole kyɛ, “Me de, mengɔfa me sa mengɔhã ye; Filistifoɛ yeɛ mekuro kyɛ beku ye ɔ.”