Numeri 20:8 - AHYERƐLƐ KRONGRON

⁸ Fa pɔmaa ne, ná ɛne eliɛma Aarɔn bɛboaboa mmenia ne anoa. Bɛ nyunu berɛ ala, ɛ́mɔdwudwo béhyire nyɔbotaen ne maa opu ye nzue bra. Ɛhe kɔmaa ekonya nzue kofi nyɔbotaen ne anu kɔma bɛ; ɔnate so ɛkɔmaa mmenia nemɔ ne bɛ nyɛmmoa konya nzue bɛkɔno.

Numeri 20:8 Iomraidhean Croise

Gyenesise 18:14

Aso nikyee bie wɔ berɛ bɔ ɔyɛ se ma AWURADE hɔ ɔ? Na mmerɛ bɔ mahyɛ ne, afoɛ bieku bekye sɔa ala, ngosa ngɔwa wɔ wa, na Sara konya baa bienzua.”

Nehemia 9:15

Ɛmane bɛ aleɛ fili nyameɛso kyɛ bɛfa bɛho bɛ hɔen, yeɛ ɛmane bɛ nzue fili nyɔbotaen ne anu kyɛ bɛfa bɛho bɛ nzuhɔen, na ɛhã hyirele bɛ kyɛ aseɛ bɔ ɛtale ndaen kyɛ ɛkɔfa kɔma bɛ ne, bɛhɔ bɛɛfa.

Edwein 105:41

Ɔpakyele nyɔbotaen ne anu, na nzue pu wale, na ɔtengyɛ fale ɛserɛ ne aso kyɛ asue.

Edwein 114:8

ye bɔ ɔmane nyɔbotaen ne kakyili ɛkwaa, ná ɔmane twerɛboɛ ne kakyili mbombonzue ne.

Edwein 33:9

Ofikyɛ odwudwole, na ɔyɛle berɛ; ɔhyɛle, na ogyinane berɛ pindinn.

Ɛksadɔso 14:16

Ma wɔ pɔmaa ne aso, ná tengyɛ wɔ sa ɛpo ne aso ma nu hyɛ nyɔ, amaa ɔnate so Yisraelfoɛ afa aseɛ wosee so bapɛ ɛpo ne.

Ɛksadɔso 17:9

Na Mose sele Yosua kyɛ, “Yeye yɛ nu mmienzua ne bie, ná ɛne Amalɛkefoɛ bɛɛho. Ngɔfa Nyameɛ pɔmaa ne ngotira ɛhema, na ngɔhɔ ngoogyina bokaa ne ti afia.”

Ɛksadɔso 4:17

Fa pɔmaa he tira, na ye yeɛ ɛkɔfa kɔyɔ nzɛngyerɛnneɛ ɔ.”

Ɛksadɔso 4:2

Na AWURADE bisale ye kyɛ, “Nzikyɛ yeɛ otira wɔ sa nu ye?” Obuale kyɛ, “Pɔmaa ɔ.”

Ɛksadɔso 4:20

Yiti Mose fale ɔye ne ye mma mmienzua nyɔ ne tenatenane afunum so, na osa hɔle Misraim aseɛ so. Na ɔfale Nyameɛ pɔmaa ne tirale.

Ɛksadɔso 7:20

Mose ne Aarɔn yɔle kyɛbɔ AWURADE hyɛle bɛ ne ala. Aarɔn mane ye pɔmaa ne aso hɔle anwuro wɔ Faro ne ye mbanyi mɔ nyunu berɛ, ɔfa fini asue Naele nu, na Naele nzue amukoraa kakyili mogya.

Yesaya 43:20

Eburo ngaka kɔhyɛ me animnyam, ɛserɛ so ngyea ne soholi koso bɛkɔyɔ sɔ ala, ofikyɛ mema nzue ba ɛserɛ so, yeɛ mema asue mɔ bɛba aseɛ pralaa so, kyɛ mefa mema me maen bɔ maneanea nu maye ye ne maa ɔno,

Yesaya 48:21

Olili bɛ nyunu fale ɛserɛ so ne, nzuhɔen angu bɛ, ɔmane nzue pu fili nyɔbotaen ne anu mane bɛ, odwale nyɔbotaen ne anu, na nzue tengyɛ fili nu.

Numeri 20:11

Yeɛ Mose pagyale ye sa, na ɔfale ye pɔmaa ne fini nyɔbotaen ne aso pɛen nyɔ. Nzue pu fili nu wale pee, na mmenia nemɔ ne bɛ nyɛmmoa mɔ none bie.

Numeri 20:7

AWURADE sele Mose kyɛ,

Numeri 21:15

ɔne bɔnza nemɔ ndoroleɛ, bɔ ɔtrɛ kɔ Are aseɛ bɔ mmenia wɔ so, bɔ ɔla Moabo ɛwɛen so ne.”

Numeri 21:18

Abura bɔ mbanyi mɔ tuli ne, bɔ mmenia nemɔ anu atitire tuli ne, ɛhɔtɔ ne pɔmaa yeɛ bɛfa betuli ɔ.” Befili ɛserɛ ne aso bɛhɔle Matana,

Mateo 21:21

Yeɛ Yesu buale bɛ kyɛ, “Nahorɛ nu, mekã mekyire ɛmɔ kyɛ, sɛ ɛmɔle gyidie ná ɛmɔanzu aporowaa a, nna bɔ wato borɔdoma bakaa he angome yeɛ ɛmɔkɔyɔ ɔ, na mmom, sɛ ye po ɛmɔkã bekyire bokaa he kyɛ, ‘Tutu kɔtɔ ɛpo nu’ a, ɔkɔyɛ berɛ.

Luka 11:13

Na sɛ ɛmɔ po bɔ ɛmɔte bɔnefoɛ ɔ ɛmɔse kyɛbɔ ɛmɔma ɛmɔ mma mɔ nningyein paa a, ɔkɔyɛ sɛɛ bɔ ɛmɔ Baba bɔ ɔwɔ nyameɛso ne ɔngɔfa Sunzum Krongron ngɔma bɛ bɔ bebisa ye ɔ?”

Yohane 16:24

Na ɔbaadwu ɛnɛ ye, ɛmɔnnya bebbisale nikyee biala wɔ me dumaa nu. Ɛ́mɔbisa, na ɛmɔ sa kɔhã ye, amaa ɔnate so ɛmɔ anigye ne wali mu.”

Asomafoɛ 1:14

Bɛ mukoraa bɛmane b’adwene yɛle ko betuli bɛ nwo besiele berɛ bɛbɔle mbaeɛ, bɛne mmrasua nemɔ ne Yesu maame Maria ne Yesu aliɛmaa mɔ.

Yosua 6:20

Yiti mmenia ne bɔle ese, na asɔfo nemɔ huli totorobɛndo nemɔ. Mmerɛ bɔ mmenia ne tele kyɛ bahu totorobɛndo nemɔ pɛ, bɛbɔle ese serɛserɛ, na fasue ne bu guale gyirigorɔɔ. Na mmenia ne amukoraa hɔle bɛ nyunu tee beewura kuro ne anu, na belili so ngonim.

Yosua 6:5

Sɛ behu boaen mmɛen ne anu tendetende ko, ná sɛ ɛmɔte totorobɛndo ne nga pɛ a, ɔsɛ kyɛ mmenia ne amukoraati bɛbɔ ese serɛserɛ. Kuro ne anwo fasue kodwiri kogua gyirigorɔɔ, na ɛmɔ amukoraati bɛ́hɔ bɛ nyunu tee beewura kuro ne anu.”

Nyekyire 22:1

Afei ohyirele me ngoa nzue asue bɔ ye nye te kaenn kyɛ neanu, bɔ ɔtengyɛ fi Nyameɛ ne Boaen Ba n’ahennie bia ne anu

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.