Numeri 20:28 - AHYERƐLƐ KRONGRON

²⁸ Mose puropurole Aarɔn ndaadeɛ nemɔ, ɔfa wurale ɔwa Eleasa, na Aarɔn wuli wɔ bokaa ne ati afia. Mose ne Eleasa fi bokaa ne aso dwu wale ase.

Numeri 20:28 Iomraidhean Croise

1 Aberɛso Dwirɛ 22:17

Afei Dawide fale ahyɛdeɛ mane Yisrael mbanyi kyɛ bɛboka ɔwa Solomon. Dawide sele bɛ kyɛ,

Ɛksadɔso 29:28

Na sɔ nhyehyɛleɛ ne kɔla berɛ afebɔɔ kɔma Aarɔn ne ye mma mmienzua mɔ, kyɛ bekonya sɔ kyɛfa ne bekofi Yisraelfoɛ berɛ ɔ; ofikyɛ ɔte afɔleɛ bɔ Yisraelfoɛ bɛkɔye bekofi b’asomdwee afɔleɛ ne anu bɛkɔbɔ kɔma AWURADE ɔ.

Ɛksadɔso 6:23

Aarɔn gyale Aminadabo awa brasua Elihyeba bɔ oliɛma ole Nason ne. Na ɔne ye bɛwole Nadabo, Abihu, Eleasa ne Yitama.

Numeri 20:1

Bosome bɔ oli moa ne anu, Yisrael maen ne amukoraa beedwuli Sen ɛserɛ ne aso, na mmenia ne tenane Kadese. Berɛ yeɛ Miriam wuli ɔ, na berɛ yeɛ besiele ye ɔ.

Numeri 20:26

Puro Aarɔn ndaadeɛ ne, ná fa wura ɔwa Eleasa. Nakoso Aarɔn de, okowu kɔɔtoa ye mbanyi mɔ: berɛ yeɛ okowu ɔ.”

Numeri 20:27

Mose yɔle kyɛbɔ AWURADE hyɛle ye ne ala. Bɛfole bɛhɔle Hore bokaa ne aso bɔ Yisraelfoɛ amukoraa bɛ nye tua bɛ ɔ.

Numeri 27:13

Sɛ ɛnea yie a, ɛkɔtoa wɔ mbanyi mɔ kyɛbɔ eliɛma Aarɔn toale bɛ ne.

Numeri 33:30

Betuli bɛ bo befili Hasemona, na bɛɛkyekyele asikyeleɛ wɔ Moserote.

Deuteronomi 10:6

(Yisraelfoɛ tuli bɛ bo befili Beerote Bene Yaakan bɛhɔle Mosera. Berɛ yeɛ Aarɔn wuli ɔ, besiele ye berɛ, na ɔwa bienzua Eleasa sili ye gya nu lili sɔfo.

Deuteronomi 34:5

Afei AWURADE somvoɛ Mose wuli dɔ wɔ Moabo aseɛ so, kyɛbɔ AWURADE noa dwirɛ te ne.

Deuteronomi 34:9

Na nworɛ sunzum yili Nun awa Yosua ti anu tɛkyɛɛ, ofikyɛ né Mose afa ye sa wagua ye so; Yisraelfoɛ tiele Yosua dwirɛ, na belili nhyehyɛleɛ bɔ AWURADE fa mane Mose ne aso.

Yosua 24:33

Aarɔn awa Eleasa wuli, na besiele ye wɔ ɔwa Finehase kuro Gibea, bɔ bɛfa bɛmane Finehase wɔ Efraim mmokaa ne anu dɔ ne aso.

2 Petro 1:15

Na mébɔ mmɔden menea kyɛ, mefi wiase wa mekɔ a, nziɛ ye ɛmɔkɔkaye ɛhemɔ daa biala.