Numeri 20:24 - AHYERƐLƐ KRONGRON

²⁴ “Aarɔn kowu kɔɔtoa ye mbanyi mɔ. Ye gya baa ngotia aseɛ bɔ mafa mama Yisraelfoɛ ne aso, ofikyɛ ɛmɔyɛle m’ahyɛdeɛ nwo asoserɛ wɔ Meriba asue nwo.

Numeri 20:24 Iomraidhean Croise

Gyenesise 15:15

Nakoso wɔ de, ɛkɔtoa wɔ mbanyi mɔ asomdwee nu, na ɛkɔyɛ aworowaa posoposo koraka né basie wɔ.

Gyenesise 25:17

Yismael afoɛ bɔ olili amukoraa te ɛyaa ko ne aburasa ne nzoo. Owuli, na ɔtoale ye mbanyi mɔ.

Gyenesise 25:8

Abraham yɛle aworowaa posoposo, ɔyɛle panyi paa, na owuli ye mbanyi nu asomdwee nu. Na ɔtoale ye mbanyi mɔ.

Gyenesise 35:29

ɔhale nu, owuli, na ɔpole ye mbanyi mɔ, mmerɛ bɔ né wanyi wayɛ aworowaa paa ɔ. Na ye mma mmienzua Yisɔ ne Yakob besiele ye.

Gyenesise 49:29

Na ɔhyɛle bɛ kyɛ, “Waha kãa né matoa ne mbanyi mɔ. Ɔyɛ a ɛ́mɔsie me wɔ me nana mɔ asieleɛ; wɔ nyɔboɛ bɔ wasi sua bɔ yeɛ ɔwɔ Hitiniɛ Efron aseɛ so ne anu.

Gyenesise 49:33

Na Yakob hane sɔ dwirɛ ne kitii hyirele ye mma nemɔ yiele ne, ɔpagyale ye gya guale mba ne aso, olele ye nwomeɛ bɔ ɔpɛ ye bo ɔ, na ɔhale nu.

2 Aberɛso Dwirɛ 34:28

Yiti tie, ngɔmaa ɛkɔɔtoa wɔ mbanyi mɔ, na ngɔmaa ekowu asomdwee nu kɔɔla wɔ kumaa nu. Na musue amukoraa bɔ ngɔprapra ngogua maen he ne nu ama aso ne, wɔ de wɔ nye ngonwu bie.” Na besa bɛfale edwirɛ ne bɛɛbɔle Nana Yosia amaneɛ.

Ɛksadɔso 17:7

Ɔfrɛle berɛ Masa ne Meriba, ɔnate kyɛ Yisraelfoɛ bɔle somoɛ, na besole AWURADE bɛneane. Bɛhane kyɛ, “Aso AWURADE wɔ yɛ nu wa, anaakyɛ ɔnne yɛ nu wa?”

Numeri 20:26

Puro Aarɔn ndaadeɛ ne, ná fa wura ɔwa Eleasa. Nakoso Aarɔn de, okowu kɔɔtoa ye mbanyi mɔ: berɛ yeɛ okowu ɔ.”

Numeri 20:5

Nzu ati yeɛ ɛmɔafa yɛ bafi Misraim bawa aseɛ tɛɛtɛɛ ye aso ye? Aseɛ ye ngɔhye aburoo anaa borɔdoma anaa bobe anaa akengaa, na nzue bɔ yɛkɔno ɔ po nne wa.”

Numeri 27:13

Sɛ ɛnea yie a, ɛkɔtoa wɔ mbanyi mɔ kyɛbɔ eliɛma Aarɔn toale bɛ ne.

Numeri 31:2

“Tɔ Midianfoɛ so wereɛ ma Yisraelfoɛ; na ɛhe asi ye, ɛkɔtoa wɔ mbanyi mɔ.”

Numeri 4:27

Odi kyɛ Aarɔn ne ye mma mmienzua mɔ yeɛ bekyire Gɛsɔnfoɛ adwuma amukoraa bɔ bɛ́yɔ ɔ: nningyein amukoraa bɔ odi kyɛ bɛsoa ɔne adwuma amukoraa bɔ odi kyɛ bɛyɔ ɔ. Ɛ́mɔfa nningyein bɔ ɔsɛ kyɛ bɛsoa amukoraa nwo adwuma béwura bɛ sa.

Deuteronomi 32:50

Ekowu wɔ bokaa bɔ ɛbaafo ne aso, na ɛkɔɔtoa wɔ mbanyi mɔ, kyɛbɔ eliɛma Aarɔn wuli Hɔre bokaa ne aso, ná ɔɔtoale ye mbanyi mɔ nen.

Deuteronomi 33:8

Bɔ ɔha fale Lewi nwo ɛhe: Fa wɔ Tumim ne ma Lewi, fa wɔ Yurim ne ma wɔ krongronniɛ ne, bɔ esole ye neane wɔ Masa, ná ɛne ye perele so wɔ Meriba asue nwo ne.

Yosua 2:9

oosele bɛ kyɛ, “Mese kyɛ AWURADE afa aseɛ ye wama ɛmɔ; ɛmɔ nwo suronyi atɔ yɛ so, na ɔnate ɛmɔ ti ahunundetelɛ atɔ maen he anu ama mukoraati so.

Maenbulɛfoɛ 2:10

Afei koso, sɔ aworɛ ndoatoasoɛ ne amukoraa bewuwuli bɛɛtoale bɛ mbanyi mɔ, na aworɛ ndoatoasoɛ foforɛ fifili bɛ gya nu, bɔ né bɛnze AWURADE anaa nikyee bɔ wayɔ wama Yisrael ɔ.