Numeri 20:22 - AHYERƐLƐ KRONGRON

²² Yisraelfoɛ tuli bɛ bo befili Kadese, na maen ne amukoraa beedwuli Hore bokaa ne anwo.

Numeri 20:22 Iomraidhean Croise

Hesekiel 47:19

Ngwaen dɔ, ngwaen dɔ paa, ɛwɛen ne fi Tamar ɔkɔ alaa kodwu nzue bɔ ɔwɔ Meriba Kadese, na ɔfa Misraim bɔnza ne anwo kodwu ɛpo piri ne. Ngwaen dɔ ɛwɛen, wɔ ye ngwaen dɔ ɛne.

Hesekiel 48:28

Bɔ ɔtoa Gade aseɛ deɛ aso wɔ ngwaen dɔ, ye ngwaen dɔ paa ne, ɛwɛen ne fi Tamar ɔkɔ alaa kodwu nzue bɔ ɔwɔ Meriba Kadese, na ɔfa Misraim bɔnza ne anwo kodwu ɛpo piri ne.

Numeri 13:26

Bɛwale Mose ne Aarɔn ɔne Yisrael maen amukoraa berɛ wɔ Kadese bɔ ɔwɔ Paran ɛserɛ ne aso ne. Bɛfale amaneɛ bɛɛbɔle bɛ ne maen ne amukoraa, na bɛfale aseɛ ne aso mmakaammaa ne behyirele bɛ.

Numeri 20:1

Bosome bɔ oli moa ne anu, Yisrael maen ne amukoraa beedwuli Sen ɛserɛ ne aso, na mmenia ne tenane Kadese. Berɛ yeɛ Miriam wuli ɔ, na berɛ yeɛ besiele ye ɔ.

Numeri 20:14

Mose tuli ɛbɔfoɛ fili Kadese maa bɛhɔle Edom hene berɛ beesele ye kyɛ, “Eliɛma Yisrael nwa: Ɛse edwirɛ tɛɛ mɔ bɔ watoto yɛ ne amukoraa.

Numeri 20:16

Yɛsu yɛfrɛle AWURADE. Otiele yɛ suɛ, na ɔsomane abɔfo maa ɔɔyele yɛ fili Misraim. Kekesaala ye yɛwɔ Kadese, kuro bɔ ɔwɔ w’aseɛ ne noa ne aso.

Numeri 21:4

Yisraelfoɛ fili Hɔre bokaa ne anwo ne, bɛtoale so bɛfale Ɛpo Kɔkorɛ atee ne aso kyɛ bɛkondo bɛfa Edom aseɛ ne asi; nakoso mmenia ne annya aboterɛ wɔ atunu.

Numeri 34:7

Ɛhe yeɛ ɔkɔyɛ ɛmɔ sorɔ dɔ wɛen ɔ: ɛ́mɔto wɛen ne béfi Ɛpo Piri ne beedwu Hore bokaa ne.

Deuteronomi 1:46

Ye sɔ ne ati, ngyẽa pee bɔ ɛmɔlili ye berɛ nen, Kadese yeɛ ɛmɔtenane ɔ.