Numeri 20:2 - AHYERƐLƐ KRONGRON

² Né mmenia ne nnya nzue wɔ berɛ, yiti bɛyɛle Mose ne Aarɔn nwo lɔen.

Numeri 20:2 Iomraidhean Croise

Edwein 106:32

Behuli AWURADE ahone wɔ Meriba nzue ne anwo, na ɔnate bɛ ti Mose nyane edwirɛ.

Ɛksadɔso 16:12

“Mate Yisraelfoɛ bɛ komvi bɔ bɛpenepene ne. Yiti ka kyire bɛ kyɛ, ‘Nɔsoa ɛmɔkoli naen, ná ngyerɛmɔ wora ɛmɔali aleɛ ama ɛmɔ ko ayi; amaa ɔnate so ɛmɔanwu kyɛ me ole AWURADE ɛmɔ Nyameɛ ne.’ ”

Ɛksadɔso 16:2

Na Yisrael ɛlɔen ne amukoraa penepenene bɛ komvi beguale Mose ne Aarɔn so wɔ ɛserɛ ne aso.

Ɛksadɔso 16:7

Na ngyerɛmɔ koso ɛmɔkonwu AWURADE animnyam, ofikyɛ AWURADE anwu kyɛ ɛmɔpenepene bɛ komvi begua ye so. Na yɛ de, yɛ ole nwa bɔ ɛmɔpenepene bɛ komvi begua yɛ so ɔ?”

Numeri 14:2

Na Yisraelfoɛ amukoraa bɛpenepenene bɛ komvi beguale Mose ne Aarɔn so. Maen ne amukoraa sele bɛ kyɛ, “Sɛ yɛwuwuli wɔ Misraim aseɛ so po a, ahaa ɔte paa! Sɛ yɛwuwuli wɔ ɛserɛ ye aso po a, ahaa ɔte paa!

Numeri 14:9

Mmom, nnɛma ɛmɔdwɔso betia AWURADE, yeɛ nnɛma ɛmɔsuro aseɛ ne aso ama, ofikyɛ bɛte yɛ sa nu ngwadaa koraa. AWURADE bɔ ɔbɔ bɛ nwo waen ne, waye ye sa wafi bɛ bo, nakoso yɛ de, AWURADE gyi yɛ si; nnɛma ɛmɔsuro bɛ.”

Numeri 16:19

Yeɛ Kora boaboale maen ne amukoraa noa maa begyinane Mose ne Aarɔn bɛ ndendeneɛ so wɔ ɛtena sua atenaleɛ anoa nu berɛ. Na AWURADE animnyam yele ye nwo ali hyirele maen ne amu.

Numeri 16:3

Bɛyɛle lɔen betiale Mose ne Aarɔn, na besele bɛ kyɛ, “Ɛmɔduo boɛ! Maen ne anu mmenia amu te krongron, ebiala te krongron, na AWURADE gyi bɛ si. Nzu ati yeɛ ɛmɔafo batena AWURADE mmenia kɔme so ɔ?”

Numeri 16:42

Na maen ne yɛle bɛ nwo lɔen beyiele nen, Mose ne Aarɔn kakyili bɛ nye behyirele ɛtena sua atenaleɛ ne. Né munungum ne amundu so, na né AWURADE animnyam aye ye nwo ali.

Numeri 21:5

Yisraelfoɛ dwudwole tiale Nyameɛ ne Mose kyɛ, “Nzu ati yeɛ ɛmɔaye yɛ bafi Misraim aseɛ so kyɛ yɛɛwuwu wɔ ɛserɛ ye aso ye? Ofikyɛ aleɛ ne nzue nne wa, na sɔ aleɛ tɛɛtɛɛ he abɔ yɛ.”