Numeri 20:11 - AHYERƐLƐ KRONGRON

¹¹ Yeɛ Mose pagyale ye sa, na ɔfale ye pɔmaa ne fini nyɔbotaen ne aso pɛen nyɔ. Nzue pu fili nu wale pee, na mmenia nemɔ ne bɛ nyɛmmoa mɔ none bie.

Numeri 20:11 Iomraidhean Croise

1 Aberɛso Dwirɛ 15:13

Ɔnate kyɛ nna ɛmɔ yeɛ ɛmɔsoale ye mmerɛ bɔ oli moa ne ati, AWURADE yɛ Nyameɛ fɛle yɛ so yaa paa, ofikyɛ yannea alaka ne aso yé.”

1 Aberɛso Dwirɛ 15:2

Na Dawide fale ahyɛdeɛ mane bɛ kyɛ nnɛma ebiala soa Nyameɛ apam alaka ne, sana Lewifoɛ angome, ofikyɛ AWURADE atu bɛ asie berɛ kyɛ bɛsoa AWURADE alaka ne, na bɛsɔne wɔ ye nyunu afebɔɔ.

Edwein 105:41

Ɔpakyele nyɔbotaen ne anu, na nzue pu wale, na ɔtengyɛ fale ɛserɛ ne aso kyɛ asue.

Edwein 114:8

ye bɔ ɔmane nyɔbotaen ne kakyili ɛkwaa, ná ɔmane twerɛboɛ ne kakyili mbombonzue ne.

Edwein 74:15

Ebukyele asue mɔ ne asue ba mɔ maa bɛtengyɛle, nakoso ɛmane asue mbiri mɔ bɛwewele.

Edwein 78:15

Odwudwale nyɔbotaen mɔ nu wɔ ɛserɛ ne aso, na ɔmane bɛ nzue pee kyɛ buma nu nzue maa bɛnone.

Edwein 78:16

Ɔmane asue mɔ pukyele fili nyɔbotaen ne anu, na ɔmane nzue tengyɛle kyɛ asue.

Edwein 78:20

Ɔpakyele nyɔbotaen nu mane nzue pu wale, na asue mɔ yi bu fale so de, nakoso aso ɔkɔhora kɔma aleɛ, anaa naen bɔ ɔkɔso ye maen ɔ?”

Ɛksadɔso 17:6

Tie, ngoogyina wɔ nyunu wɔ dɔ, wɔ nyɔbotaen ne aso wɔ Horebo. Fa fĩ nyɔbotaen ne aso, na nzue kofi nu kɔwa kɔma mmenia ne konya bie kɔno.” Na Mose yɔle sɔ wɔ Yisrael mbanyi nemɔ nyunu.

Yesaya 43:19

Ɛ́mɔnea, mebaayɔ nikyee foforɛ bie, kyɛ ɔ́ba ɔ, aso ɛmɔnnwu ye? Ngɔpakye atee ngɔto ɛserɛ so, ná mama asue mɔ balela aseɛ pralaa so.

Yesaya 48:21

Olili bɛ nyunu fale ɛserɛ so ne, nzuhɔen angu bɛ, ɔmane nzue pu fili nyɔbotaen ne anu mane bɛ, odwale nyɔbotaen ne anu, na nzue tengyɛ fili nu.

Hosea 13:5

Me, me yeɛ nwuni wɔ wɔ ɛserɛ so ɔ, wɔ aseɛ bɔ nzue nne so ɔ so.

Lewitikɔso 10:1

Aarɔn mma mmienzua Nadabo ne Abihu, bɛ nu biala fale ye see kulie. Bɛfale see beguale nu, na bɛfale ɛyɛɛ beguale so. Bɛfale see bɔ ye nwo nde ɔ bɛwale AWURADE nyunu, see bɔ nna AWURADE yeɛ wahyɛ bɛ kyɛ bɛfa bɛbra ye nyunu ɔ.

Numeri 20:8

Fa pɔmaa ne, ná ɛne eliɛma Aarɔn bɛboaboa mmenia ne anoa. Bɛ nyunu berɛ ala, ɛ́mɔdwudwo béhyire nyɔbotaen ne maa opu ye nzue bra. Ɛhe kɔmaa ekonya nzue kofi nyɔbotaen ne anu kɔma bɛ; ɔnate so ɛkɔmaa mmenia nemɔ ne bɛ nyɛmmoa konya nzue bɛkɔno.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

1 Korintofoɛ 10:4

na bɛ mukoraa bɛnone sunzum nu anonneɛ komapɛ ne ala. Ofikyɛ, sunzum nu Nyɔbotaen bɔ né oli bɛ si ne, nu nzue yeɛ bɛnone ɔ, na sɔ Nyɔbotaen ne ole Kristo.

Deuteronomi 8:15

ye bɔ olili wɔ nyunu moa ɔfale wɔ fale ɛserɛ pirikua suronyisuronyi so, aseɛ pralaa bɔ ewoo ne anyanyangyeleɛ bɔ bɛ noa te borɔ wɔ so ne. Ɔmane nzue fili nyɔbotaen nu pu wale mane wɔ,

Yakobo 1:20

ofikyɛ sona yaafɛlɛ ɔnyɔ bɔ ɔtengyɛ wɔ Nyameɛ nye so ɔ.

Maenbulɛfoɛ 15:19

Yiti kumaa bɔ ɔwɔ Lehi ne, Nyameɛ dwale nu, na nzue pu fili nu wale. Samson none nzue ne, onyane anwoserɛ, na osa kendene ye nwo. Yiti bɛfrɛle mbombonzue ne Ɛn Hakore, na ɔwɔ Lehi maa waadwu ɛnɛ.

1 Samuel 15:19

Nzu ati yeɛ anni AWURADE dwirɛ so ɔ? Nzu ati yeɛ ɛfene koɛ nu nzesadeɛ ne, maa ɔnate so ɛyɔle AWURADE nyunu bɔne ɔ?”

1 Samuel 15:24

Yeɛ Sɔɔlo sele Samuel kyɛ, “Mayɔ bɔne kyɛ mabu AWURADE mmeraa ne wɔ noa dwirɛ so ɔ, ofikyɛ nzurole koɛhonɛfoɛ nemɔ, na ndiele bɛ dwirɛ.