Numeri 2:2 - AHYERƐLƐ KRONGRON

² “Odi kyɛ Yisraelniɛ biala ɔkyekye ye asikyeleɛ wɔ ye koɛhonɛfoɛ kure nu. Ɔsɛ kyɛ bɛboa bɛ noa wɔ bɛ nana mɔ sasofoɛ frangaa nwo; odi kyɛ bɛma b’asikyeleɛ nemɔ pɛ ɛtena sua atenaleɛ ne anwo bra yia, ná ebiala ma ye deɛ nye kyire ɛtena sua ne.

Numeri 2:2 Iomraidhean Croise

Edwein 74:4

Bɛ bɔ bekyi wɔ ne, bɛbɔ ese wɔ wɔ nekaa krongron berɛ; bafa bɛ ngonim frangaa mɔ bapenapena berɛ.

Edwein 76:11

Odi kyɛ ɛmɔhyehyɛ AWURADE ɛmɔ Nyameɛ bɔ, na ɛmɔtua, bɛ bɔ bapɛ ye nwo bayia ne amukoraa, odi kyɛ ebiala ɔfa akyɛdeɛ ɔbrɛ ye bɔ ye nwo yɛ suro ne.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 18:3

Ewiase mmenia mukoraa, ebiala bɔ ɔte aseɛ so ɔ, sɛ ɔfa frangaa pena mmokaa nemɔ aso a, ɛ́mɔnea! Sɛ ohu totorobɛndo a, ɛ́mɔtie!

Hesekiel 43:7

Na osele me kyɛ, “Sona awa, ɛwa yeɛ ɔte nekaa bɔ m’ahennie bia ogyi ɔ, ɔne nekaa bɔ mefa me gya mesiesie ɔ, bɔ ɔte nekaa bɔ ngɔtena wɔ Yisraelfoɛ nu afebɔɔ ɔ. Na Yisrael awuro ama, bɛ ne bɛ hene mɔ, bɛngɔfa b’adwamanbɔlɛ ne, ɔne bɛ hene mɔ bɛ fuin wɔ b’asɔneyɛɛ nemɔ aso bengogua me dumaa krongron ne anwo fiɛ ko.

Sakaria 9:16

Na sɔ kyẽa ne, AWURADE bɛ Nyameɛ kole bɛ ngoa, ɔnate kyɛ bɛte ye maen mmoaen kure, ofikyɛ bɛkɔyɛ kyɛ mbembenanneɛ bɔ betuatua abotire nu bɔ bɛta wɔ ye aseɛ so ɔ.

Numeri 1:50

Na mmom, adanzeɛ ɛtena sua ne, nu nningyein amukoraa, ɔne ye nwo nikyee biala, odi kyɛ ɛye Lewifoɛ maa bɛnea so. Odi kyɛ bɛsoa nyianu sua ne, ɔne nu nningyein amukoraa, ná bɛ́nea so, ná bɛkyekye b’asikyeleɛ bɛ́pɛ ye nwo bɛbra beyia.

Numeri 10:14

Yuda asikyeleɛ ne anu ama yeɛ bɛfale bɛ frangaa belili moa betuli bɛ bo kure kure ɔ. Aminadabo awa Nason yeɛ né otua Yuda ɛlɔen ne amukoraa bɛ noa ɔ.

Numeri 10:18

Ruben asikyeleɛ ne anu ama bɛfale bɛ frangaa ne betuli bɛ bo kure kure, na Sedɛre awa Elisure yeɛ né otua Ruben ɛlɔen ne amukoraa bɛ noa ɔ.

Numeri 10:22

Afei, Efraim asikyeleɛ ne anu ama bɛfale bɛ frangaa betuli bɛ bo kure kure, na Amihude awa Elisama yeɛ né otua Efraim ɛlɔen ne amukoraa bɛ noa ɔ.

Numeri 10:25

Afei Dan asikyeleɛ ne anu ama, bɔ bɛ yeɛ bɛte koɛhonɛfoɛ bɔ beli nziɛ bɛbɔ ɛlɔen ne amukoraati bɛ nwo waen ne, bɛfale bɛ frangaa betuli bɛ bo kure kure. Né Amisadae awa Ahiesa yeɛ otua Dan ɛlɔen ne amukoraa bɛ noa ɔ.

Numeri 2:1

AWURADE sele Mose ne Aarɔn kyɛ,

Numeri 2:10

“Ruben yeɛ odi kyɛ ɔkyekye ye asikyeleɛ deɛ kure kure wɔ ngwaen dɔ ɔ. Sedɛre awa Elisure yeɛ odi kyɛ otua Ruben boso ama nemɔ bɛ noa ɔ,

Numeri 2:3

Yuda bɛ koɛhonɛfoɛ kure ne yeɛ odi kyɛ bɛkyekye asikyeleɛ kure kure wɔ eyia afiteleɛ ɔ. Aminadabo awa Nason yeɛ odi kyɛ otua Yuda boso ama nemɔ bɛ noa ɔ.

Numeri 24:2

Balaam mane ye ti so, na onwuni kyɛ Yisraelfoɛ baboaboa bɛ noa mmusua kure mmusua kure. Na Nyameɛ Sunzum wale ye so,

1 Korintofoɛ 14:33

Ofikyɛ Nyameɛ de, ɔtte basabasayɔlɛ Nyameɛ, na mmom ɔte asomdwee Nyameɛ. Na kyɛbɔ bɛyɔ ye anwoteefoɛ asɔre mukoraa nu ne,

1 Korintofoɛ 14:40

Na ɛ́mɔfa atee paa so bɛ́yɔ nikyee biala pɛpɛɛpɛ.

Filipifoɛ 1:27

Nzaade ohia kyɛ ɛmɔma ɛmɔ brabɔlɛ fata Kristo nzɛmba ne, amaa sɛ mebapasa ɛmɔ nwo oo, sɛ mamma oo, mate ɛmɔ nga kyɛ ɛmɔagyina pindinn wɔ sunzum ko nu, bɔ ɛmɔayɛ adwene ko bɛpere bɛma nzɛmba ne nwo gyidie,

Kolosefoɛ 2:19

Sɔ sona ne wapo kyɛ okotira Tire ne bɔ nipadua ne fa ye aporɔ so ne ye ndii so onya aleɛ ná ɔtoatoa nu ne, na onyi wɔ enyinɛ bɔ ofi Nyameɛ berɛ ɔ nu.

Yosua 3:4

kyɛbɔ ɔkɔyɛ ná ɛmɔanwu atee bɔ odi kyɛ ɛmɔfa so ɔ, ofikyɛ ɛmɔffale atee ye aso le. Nakoso odi kyɛ ɛmɔyakyi atee kɔyɛ agyirɛ apee nyɔ bɛto ɛmɔ ne apam alaka ne afia; nnɛma ɛmɔpingye ye.”